ವೈದ್ಯ ಸಂತೋಷಕುಮಾರ ಕಿರವತ್ತಿ ಕೇಂದ್ರಕ್ಕೆ ಬಂದ ನಂತರ ಬಡವರು ಅನಾರೋಗ್ಯ ಸಮಸ್ಯೆಯಿಂದ ಪರದಾಡುವುದು ತಪ್ಪಿದೆ. ಕರೊನಾ ಸಂದರ್ಭದಲ್ಲಿ ಮನೆಮನೆಗೆ ತೆರಳಿ ಜಾಗೃತಿ ಮೂಡಿಸಿದ್ದಾರೆ. ಬಡವರ ಆರೋಗ್ಯ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸುತ್ತಾರೆ. ಇಂತಹ ವೈದ್ಯರು ಕೆಲವೇ ಕೆಲವು ಜನರ ವೈಯಕ್ತಿಕ ಹಿತಾಸಕ್ತಿಗಾಗಿ ಇಲ್ಲಿಂದ ಹೋಗಬಾರದು. ಅದಕ್ಕೆ ಆರೋಗ್ಯ ಇಲಾಖೆ ಅವಕಾಶ ಮಾಡಿಕೊಡಬಾರದೆಂದು ಗ್ರಾಮಸ್ಥರು ಆಗ್ರಹಿಸಿದರು. ಉಸ್ತುವಾರಿ ವೈದ್ಯಾಧಿಕಾರಿ ಡಾ. ಮಂಜುನಾಥ ನಾಯ್ಕ ಮನವಿ ಸ್ವೀಕರಿಸಿದರು. ದೋಂಡು ಪಾಟೀಲ, ವಿಠ್ಠು ಶೆಳಕೆ, ವಿಠ್ಠಲ ಪಾಂಡ್ರಮೀಸೆ, ಪ್ರಭು ಚಿಂಚಕಂಡಿ, ಬಾಬಾಸಾಬ, ಬಜ್ಜು ಪಿಂಗಳೆ ಸೇರಿ ವಿವಿಧ ಸಂಘಟನೆಗಳ ಮುಖಂಡರು, ಗ್ರಾಮಸ್ಥರು ಭಾಗವಹಿಸಿದ್ದರು.
