ವಿಜಯವಾಣಿ ಸುದ್ದಿಜಾಲ ಕಾರವಾರ
ಓಮನ್ ದೇಶದಲ್ಲಿ ನಡೆದ ಕಾರು ಅಪಘಾತದಲ್ಲಿ ಕಾರವಾರ ಮೂಲದ ವ್ಯಕ್ತಿ ಮೃತಪಟ್ಟ ಘಟನೆ ಮಂಗಳವಾರ ನಡೆದಿದೆ.
ಕಾರವಾರ ನಂದನಗದ್ದಾ ತೇಲಂಗ ರಸ್ತೆ ನಳಪಾಭಾಗದ ಬೆನಡಿಕ್ಟ್ ಫ್ರಾಂಕಿ ಫರ್ನಾಂಡಿಸ್(36)ಮೃತರು.
ಓಮನ್ದಲ್ಲಿ ಅವರು ಕಾರು ಚಾಲಕರಾಗಿದ್ದರು. ಮಂಗಳವಾರ ಬೆಳಗ್ಗೆ ಕರ್ತವ್ಯದಲ್ಲಿರುವ ವೇಳೆ 9.30 ರ ಸುಮಾರಿಗೆ ಕಾರು ಪಲ್ಟಿಯಾಗಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಕಳೆದ ಹಲ ವರ್ಷದಿಂದ ಓಮನ್ ದೇಶದಲ್ಲಿದ್ದ ಅವರು, ಕೆಲ ತಿಂಗಳ ಹಿಂದೆ ಆಗಮಿಸಿ ಕಾರವಾರದಲ್ಲಿ ಸ್ವಂತ ಮನೆ ಕಟ್ಟಿದ್ದರು.ಯಲ್ಲಾಪುರದ ಹುಡುಗಿಯ ಜತೆ ಮದುವೆಗೆ ನಿಶ್ಚಿತಾರ್ಥ ನೆರವೇರಿತ್ತು. ಶೀಘ್ರದಲ್ಲಿ ಮದುವೆ ಮಾಡಿಕೊಳ್ಳುವ ಉದ್ದೇಶದಿಂದ ಎಲ್ಲ ತಯಾರಿ ನಡೆಸಿದ್ದರು. ಐದು ತಿಂಗಳ ಹಿಂದೆ ಅವರು ಓಮನ್ಗೆ ಮರಳಿದ್ದರು.
