ಮಂಗಳೂರಿನ ಪವನ ಆಚಾರಿ, ಹಾವೇರಿಯ ಬಸವರಾಜ ಗುತ್ತೇಣ್ಣನವರ, ಬದಾಮಿಯ ನಾಗರಾಜ ಬಸವಂತಪ್ಪ ಸಂಕದಾಳ, ಕಿತ್ತೂರಿನ ಅಡಿವೆಪ್ಪ ನರಗುಂದ ಬಂಧಿತರು. ವೇಶ್ಯಾವಾಟಿಕೆಗೆ ಕರೆತಂದಿದ್ದ ಹೆಣ್ಣು ಮಕ್ಕಳನ್ನು ಕಿರಿದಾದ ಕೊಠಡಿಯಲ್ಲಿ ಕೂಡಿ ಹಾಕಲಾಗಿತ್ತು. ಮೈಸೂರಿನ ಒಡನಾಡಿ ಸೇವಾ ಸಂಸ್ಥೆ, ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ ಹಾಗೂ ಕರ್ನಾಟಕ ಇಂಟಿಗ್ರೇಟೆಡ್ ಡೆವಲಂಪಮೆಂಟ್ ಸರ್ವಿಸ್ ಧಾರವಾಡ ಸಂಸ್ಥೆಯವರು ಸ್ಥಳೀಯ ಪೊಲೀಸರ ನೆರವಿನೊಂದಿಗೆ ದಾಳಿ ನಡೆಸಿದರು. ಲಾಜ್ನಲ್ಲಿ ಆರೋಗ್ಯ ಇಲಾಖೆಯ 10 ಕ್ಕೂ ಹೆಚ್ಚು ನಿರೋಧ್ ಪೆಟ್ಟಿಗೆಗಳು ಪತ್ತೆಯಾಗಿದ್ದು, ಇದನ್ನು ರಾಜ್ಯ ಸರ್ಕಾರದ ಗಮನಕ್ಕೆ ತರುವುದಾಗಿ ದಾಳಿಯ ಮುಂದಾಳತ್ವ ವಹಿಸಿದ್ದ ಕೆ.ವಿ. ಸ್ಟೇನ್ಲಿ ತಿಳಿಸಿದ್ದಾರೆ. ಪ್ರದೀಪ, ಪೃಥ್ವಿ, ದೀಕ್ಷಿತ್, ಪರಶುರಾಮ ಎಂ.ಎಲ್., ಶಂಕರಪ್ಪ ಡಿ., ಅಶೋಕ ಯರಗಟ್ಟಿ, ಸಿಪಿಐ ಬಿ.ಎಸ್. ಲೋಕಾಪುರ, ಪಿಎಸ್ಐ ಯಲ್ಲಾಲಿಂಗ ಕೊಣ್ಣೂರ ದಾಳಿಯಲ್ಲಿ ಪಾಲ್ಗೊಂಡಿದ್ದರು. ಲಾಜ್ ಅನ್ನು ಸೀಜ್ ಮಾಡಿ ಕಾನೂನು ಕ್ರಮ ಕೈಗೊಳ್ಳಲಾಗುತ್ತಿದೆ. ಪಟ್ಟಣದ ಎಲ್ಲ ಲಾಜ್ಗಳ ಮೇಲೆ ನಿಗಾವಹಿಸಲಾಗುವುದು ಎಂದು ಸಿಪಿಐ ಬಿ.ಎಸ್. ಲೋಕಾಪುರ ತಿಳಿಸಿದ್ದಾರೆ.
