ಆಂಬುಲೆನ್ಸ್​ನಲ್ಲಿ ಹೆರಿಗೆ

ಕುಮಟಾ: ತಾಲೂಕಿನ ಮಿರ್ಜಾನ ಪಂಚಾಯಿತಿ ವ್ಯಾಪ್ತಿಯ ಖಂಡಗಾರದ ಮಹಿಳೆಯೊಬ್ಬರು ಗುರುವಾರ ತಡರಾತ್ರಿ ಆಂಬುಲೆನ್ಸ್​ನಲ್ಲೇ ಮಗುವಿಗೆ ಜನ್ಮ ನೀಡಿದ್ದಾರೆ.

ಖಂಡಗಾರದ ಗರ್ಭಿಣಿಗೆ ಗುರುವಾರ ತಡರಾತ್ರಿ 1-30 ರ ಸುಮಾರಿಗೆ ಹೆರಿಗೆ ನೋವು ಕಾಣಿಸಿಕೊಂಡಿತ್ತು. ಹತ್ತಿರದಲ್ಲಿ ಖಾಸಗಿ ವಾಹನ ಲಭ್ಯತೆ ಇಲ್ಲದಿರುವುದರಿಂದ ಹಿರೇಗುತ್ತಿ ಚೆಕ್​ಪೋಸ್ಟ್ ಬಳಿಯ 108 ಆಂಬುಲೆನ್ಸ್ ಕರೆ ಮಾಡಿದ್ದರು. ತಕ್ಷಣ ಬಂದ 108 ಆಂಬುಲೆನ್ಸ್ ಗರ್ಭಿಣಿಯನ್ನು ಹತ್ತಿರದ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯುವಾಗ ಮಾರ್ಗಮಧ್ಯೆ ಹೆರಿಗೆ ನೋವು ಹೆಚ್ಚಾಗಿತ್ತು.

ಆಂಬುಲೆನ್ಸ್​ನಲ್ಲಿದ್ದ ಶುಶ್ರೂಷಕ ರಾಜೇಶ ಹಾಗೂ ಪೈಲಟ್ ರಮೇಶ ಅವರು ಸಮಯ ಪ್ರಜ್ಞೆಯೊಂದಿಗೆ 2 ಗಂಟೆ ಸುಮಾರಿಗೆ ಹೆರಿಗೆಯಾಗಿದೆ. ತಾಯಿ ಹಾಗೂ ಮಗು ಇಬ್ಬರೂ ಕ್ಷೇಮವಾಗಿದ್ದು ಕುಮಟಾ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಗಿದೆ.