ಬಿಳಿ ಬೂರಲ, ಬಿಳಿ ಮುರಗಲ, ಪಾಟಲಿ, ಪುತ್ರಂಜೀವಿ, ಬಿಳಿ ಮುತ್ತುಗ, ಕೆಂಪು ಉಪ್ಪಾಗೆ,ಕೆಂಪು ನೇರಳೆ, ಬಿಳಿಮತ್ತಿ, ದೇವದಾರು, ಸರ್ಪಗಂದಿ, ಜಾಲ, ಪರ್ಕಬಾಳೆ, ಹಾಳೆ, ತುಂಬ್ರಿ ಹಣ್ಣು, ಅಂಕೋಲೆ, ಪರಗಿ, ಕವಳಿ, ರಂಜಲು, ಏಕನಾಯಕ ಸೇರಿ ನೂರಕ್ಕೂ ಹೆಚ್ಚು ಜಾತಿ ಗಿಡ, ಹಣ್ಣು ಹಾಗೂ ಔಷಧ ಸಸ್ಯಗಳ ಬೀಜಗಳನ್ನು ಜಿಲ್ಲೆಯ ಹಾಗೂ ಹೊರ ಜಿಲ್ಲೆಯ ಅಡವಿಗೆ ತೆರಳಿ ಸಂಗ್ರಹಿಸಿದ್ದಾರೆ. ಅವುಗಳನ್ನು ಸಸಿ ಮಾಡಿ ಅರಣ್ಯ ಇಲಾಖೆಗೆ ಹಾಗೂ ಕೆಲವು ಪರಿಸರ ಆಸಕ್ತರಿಗೆ ನೀಡುತ್ತಿದ್ದಾರೆ. ಅಲ್ಲದೆ, 12 ವರ್ಷದಿಂದ ತಮ್ಮ ಮನೆಯಲ್ಲಿಯೇ ಪರಿಸರ ಜಾಗೃತಿ ಕಾರ್ಯಕ್ರಮ ಮಾಡುತ್ತಿದ್ದಾರೆ. ಜತೆಯಲ್ಲಿ ಅರಣ್ಯ ಇಲಾಖೆಯ ನರ್ಸರಿಯಲ್ಲಿ ಸಸ್ಯಪಾಲರಾಗಿ ಕಾರ್ಯನಿರ್ವಹಿಸುತ್ತಿರುವವರನ್ನು ಗುರುತಿಸಿ ಸನ್ಮಾನಿಸುತ್ತಿದ್ದಾರೆ.
