ಹಿರಿಯ ಸಹಾಯಕ ನಿರ್ದೇಶಕ ಡಾ.ಎಚ್.ನಾಗರಾಜ್ ಮಾತನಾಡಿ, ಇದು ಮಜ್ಜಿಗೆ ರೋಗವಾಗಿದ್ದು, ಹೆಚ್ಚು ಶೀತಾಂಶದಿಂದ ಕೂಡಿದ ಪ್ರದೇಶದಲ್ಲಿ ಬರುತ್ತದೆ. ಹನಗೋಡು ಭಾಗ ಕಾಡಂಚಿನ ಪ್ರದೇಶವಾಗಿರುವುದರಿಂದ ಈ ಭಾಗದಲ್ಲಿ ಕಾಣಿಸಿಕೊಂಡಿದ್ದು, ಇದು ವೇಗವಾಗಿ ಹರಡಿ ಕೆಲವೇ ಗಂಟೆಗಳ ಅವಧಿಯಲ್ಲಿ ಈ ಹೊಲವನ್ನೇ ಆವರಿಸಿಕೊಳ್ಳುವ ಶಿಲೀಂಧ್ರವಾಗಿದೆ. ಇದನ್ನು ನಾಶಪಡಿಸಲು ರೋಗಬಾಧೆ ಕಂಡು ಬಂದಿರುವ ಶುಂಠಿ ಬೆಳೆಯಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ 1.0 ಮಿ.ಲೀ.ಪ್ರೊಪಿಕೋನಜೋಲ್ ಅಥವಾ ಟೆಬುಕೊನಜೋಲ್ 1.0 ಮಿ.ಲೀ. ಶಿಲೀಂಧ್ರನಾಶಕ ಅಂಟು ದ್ರಾವಣವನ್ನು ಸೇರಿಸಿ ಮಳೆ ಬಿಡುವು ಕೊಟ್ಟಾಗ ರೈತರು ತ್ವರಿತಗತಿಯಲ್ಲಿ ನಿಯಂತ್ರಣ ಕ್ರಮಗಳನ್ನು ತೆಗೆದುಕೊಳ್ಳುವುದು ಸೂಕ್ತ. ಇದಲ್ಲದೆ ಕೊಳೆರೋಗ ಬಾಧೆ ನಿಯಂತ್ರಿಸಲು ಬಾವಿಷ್ಟನ್ ಔಷಧವನ್ನು ಪ್ರತಿ ಲೀಟರ್ ನೀರಿಗೆ 2 ಗ್ರಾಂ ಮಿಶ್ರಣ ಮಾಡಿ ಶುಂಠಿ ಬೆಳೆ ಬುಡಕ್ಕೆ ಸುರಿಯಬೇಕು. ಎಲೆಚುಕ್ಕಿ ರೋಗಬಾಧೆ ನಿಯಂತ್ರಿಸಲು ಕಾವಾಚ್ ಅನ್ನು ಪ್ರತಿ ಲೀಟರ್ ನೀರಿಗೆ ಒಂದು ಗ್ರಾಂ ಅಥವಾ ಮಾಂಕೋಜಿಬ್ ಪ್ರತಿ ಲೀಟರ್ ನೀರಿಗೆ 2 ಗ್ರಾಂ ಮಿಶ್ರಣ ಮಾಡಿ ಸಿಂಪಡಿಸಬೇಕು ಎಂದು ರೈತರಿಗೆ ಸಲಹೆ ನೀಡಿದ್ದಾರೆ.
