ಗದ್ದೆ ಬೇಸಾಯ ಮಾಡುವ ಯೋಚನೆಗಿಂತಲೂ ಮೊದಲು ಶಿವಪ್ರಸಾದ್ ಕರೊನಾ ಸಮಯದಲ್ಲಿ ಫಸಲು ನೀಡದ ಹಳೇ ಅಡಕೆ ಗಿಡಗಳನ್ನು ಕಡಿದು, ತಾವೇ ಸ್ವತಃ ದುಡಿಮೆ ಮಾಡಿ 450 ಅಡಕೆ ಸಸಿಗಳನ್ನು ನೆಟ್ಟರು. ಗಿಡ ಈಗ ಫಲ ನೀಡುವ ಹಂತದಲ್ಲಿದೆ. ಎಲ್ಲವೂ ಹೊಸದಾಗಿರುವ ಕಾರಣ ಪಾಠಕ್ ಒಂದೊಂದಾಗಿ ಕಲಿತರು. ತಮ್ಮ ಕೃಷಿ ತೋಟದ ಅಡಕೆ ಗಿಡಗಳಿಗೆ ತಾವೇ ಮರವೇರಿ ಮದ್ದು ಸಿಂಪಡಣೆ ಮಾಡುತ್ತಾರೆ. ಫಸಲು ನೀಡುವ ಒಂದು ಸಾವಿರ ಅಡಕೆ ಮರದ ಕೊಯ್ಲು ಕೂಡ ಇವರೊಬ್ಬರೇ ಮಾಡುತ್ತಿದ್ದಾರೆ. ಕಳೆದ ವರ್ಷ ಅರಿಶಿಣ ಬೆಳೆದು ಲಾಭದಾಯಕ ಬೆಳೆಯನ್ನಾಗಿ ಪರಿವರ್ತಿಸಿಕೊಂಡಿದ್ದಾರೆ. ಕೆಲ ಸಮಯಗಳ ಹಿಂದೆ ಉದ್ದು ಬೆಳೆ ತೆಗೆಯುವ ಸಾಹಸಕ್ಕೆ ಮುಂದಾಗಿದ್ದರು. 1500ಕ್ಕೂ ಹೆಚ್ಚು ಅಡಕೆ ಗಿಡಗಳು, 60ಕ್ಕೂ ಹೆಚ್ಚು ತೆಂಗಿನ ಮರಗಳು, ತೋಟದ ನಡು ನಡುವೆ ಕೋ ಕೋ ಗಿಡಗಳು ಇದ್ದರೂ ಪಾಠಕ್ ಒಬ್ಬರೇ ಇವೆಲ್ಲವನ್ನು ನಿಭಾಯಿಸಿಕೊಂಡು ಬರುತ್ತಿದ್ದಾರೆ.
