ಯಕ್ಷಗಾನ ಸ್ತ್ರೀವೇಷಧಾರಿ ಮೂರೂರು ವಿಷ್ಣು ಭಟ್‌ ನಿಧನ

ಸಿದ್ದಾಪುರ:ಬಡಗುತಿಟ್ಟಿನ ಪ್ರಸಿದ್ಧ ಸ್ತ್ರೀವೇಷಧಾರಿ ಮೂರೂರು ವಿಷ್ಣುಭಟ್(65) ಉತ್ತರ ಕನ್ನಡದ ಸಿದ್ದಾಪುರದಲ್ಲಿ ಭಾನುವಾರ ನಿಧನ ಹೊಂದಿದರು.

ನಾಲ್ಕು ದಶಕಗಳ ಕಾಲ ಬಡಗುತಿಟ್ಟಿನ ವಿವಿಧ ಮೇಳಗಳಲ್ಲಿ ಕಾರ್ಯ ನಿರ್ವಹಿಸಿ ಪ್ರಸಿದ್ಧರಾಗಿದ್ದರು. ಮೃತರಿಗೆ ಪತ್ರಿ, ಪುತ್ರ, ಬಂಧುಗಳು ಅಪಾರ ಅಭಿಮಾನಿಗಳಿದ್ದಾರೆ.

ಗುಂಡುಬಾಳ,ಅಮೃತೇಶ್ವರೀ,ಹಿರೇಮಹಾಲಿಂಗೆಶ್ವರ,ಶಿರಸಿ,ಪೆರ್ಡೂರು,ಮಂದಾರ್ತಿ,ಸಾಲಿಗ್ರಾಮ,ಪೂರ್ಣಚಂದ್ರ ಮೇಳಗಳಲ್ಲಿ ಅವರು ಕಾರ್ಯ ನಿರ್ವಹಿಸಿದ್ದರು. ದಮಯಂತಿ,ಚಂದ್ರಮತಿ, ಸೀತೆ,ಅಂಬೆ,ಮೊದಲಾದ ಪೌರಾಣಿಕ ಪಾತ್ರಗಳಿಗೆ ತಮ್ಮ ಭಾವಪೂರ್ಣ ಅಭಿಯನ, ಮಾತುಗಾರಿಕೆಯಿಂದ ಜೀವ ತುಂಬಿದ್ದರು.

ಇದನ್ನೂ ಓದಿ: ಮನೆ ಮನೆಗಳಲ್ಲಿ ಯಕ್ಷಗಾನ ಪ್ರದರ್ಶನ

ಯಕ್ಷಗಾನ ಕಲಾರಂಗ ಪ್ರಶಸ್ತಿ,,ಪದ್ಮಶ್ರೀ ಚಿಟ್ಟಾಣಿ ರಾಮಚಂದ್ರ ಹೆಗಡೆ ಪ್ರಶಸ್ತಿ ಸೇರಿದಂತೆ ಹಲವು ಪುರಸ್ಕರಗಳಿಗೆ ಭಾಜನರಾಗಿದ್ದರು. ಅವರ ನಿಧನಕ್ಕೆ ಯಕ್ಷಗಾನ ಕ್ಷೇತ್ರದ ಹಲವು ಗಣ್ಯರು ಕಂಬನಿ ಮಿಡಿದಿದ್ದಾರೆ.