ಮೊಳಗಿದ ಜೈ ಶ್ರೀರಾಮ, ಭಾರತ ಮಾತಾಕಿ ಜೈಘೋಷ

ವಿಜಯವಾಣಿ ಸುದ್ದಿಜಾಲ ಕೆಂಭಾವಿ: ಎಲ್ಲಿ ನೋಡಿದರಲ್ಲಿ ಜೈಶ್ರೀರಾಮ, ಭಾರತ ಮಾತಾ ಕಿ ಜೈ, ವಂದೇ ಮಾತರಂ ಘೋಷಣೆ, ಕಣ್ಣು ಹಾಯಿಸಿದಷ್ಟು ಜನಸಾಗರ. ಪಟ್ಟಣದಲ್ಲಿ ರಾಷ್ಟಿçÃಯ ಸ್ವಯಂ ಸೇವಕ ಸಂಘ ಮಂಗಳವಾರ ಹಮ್ಮಿಕೊಂಡಿದ್ದ ಪಥಸಂಚಲನದಲ್ಲಿ ಕಂಡುಬAದ ದೃಶ್ಯವಿದು.

ಸಂಘದ ಶತಮಾನೋತ್ಸವ ಹಿನ್ನೆಲೆಯಲ್ಲಿ ಸಂಜೆ ೪ಕ್ಕೆ ಪಟ್ಟಣದ ಖಾಸಗಿ ಮೈದಾನದಿಂದ ಶುರುವಾದ ಪಥಸಂಚಲನದಲ್ಲಿ ೮೦೦ಕ್ಕೂ ಹೆಚ್ಚು ಗಣವೇಷಧಾರಿಗಳು ಮೂರೂವರೆ ಕಿಮೀ ಶಿಸ್ತುಬದ್ಧ ಹೆಜ್ಜೆ ಹಾಕುವ ಮೂಲಕ ಹಿಂದು ವಿರಾಟರೂಪದ ದರ್ಶನ ಮಾಡಿಸಿದರು. ಒಂದು ವಾರದಿಂದ ಪಥಸಂಚಲನಕ್ಕೆ ಅನೇಕ ಅಡೆತಡೆ ಎದುರಾದರೂ ಯಾವುದಕ್ಕೂ ಬಗ್ಗದೆ ಕುಗ್ಗದೆ ದೇಶಭಕ್ತಿ ಮೂಲಕ ಜಿಲ್ಲಾಡಳಿತದ ಅನುಮತಿ ಪಡೆದು ಕಾನೂನುಬದ್ಧವಾಗಿ ಅದ್ಭುತ ನಡಿಗೆ ಮೂಲಕ ಆರೆಸ್ಸೆಸ್ ಜನರಿಂದ ಭೇಷ್ ಎನಿಸಿಕೊಂಡಿತು.

೫೦೦-೬೦೦ ಗಣವೇಷಧಾರಿಗಳು ಭಾಗವಹಿಸಬಹುದು ಎಂಬ ಸ್ಥಳೀಯ ಸಂಘಟನೆ ನಿರೀಕ್ಷಿಸಿತ್ತು. ಆದರೆ ನಿರೀಕ್ಷೆಗೂ ಮೀರಿ ೮೦೦ಕ್ಕೂ ಹೆಚ್ಚು ಗಣವೇಷಧಾರಿಗಳು ಪಥಸಂಚಲನ ನಡೆಸಿದರು. ಪಥಸಂಚಲನದ ಹಿಂದೆ ೩೦೦೦ಕ್ಕೂ ಅಧಿಕ ಜನರು ಶಿಸ್ತುಬದ್ಧ ನಡಿಗೆ ಮೂಲಕ ದೇಶಭಕ್ತಿ ಮೆರೆದರು. ಟ್ರಾÈಕ್ಟರ್‌ನಲ್ಲಿ ಭಾರತ ಮಾತೆ ಮತ್ತು ಸಂಘ ಪರಿವಾರದ ಅನೇಕರ ಭಾವಚಿತ್ರದ ಮೆರವಣಿಗೆ, ಮೊಳಗಿದ ಜೈಘೋಷಗಳು ನೋಡುಗರನ್ನು ಪುಳಕಿತರನ್ನಾಗಿಸಿದವು. ಪಥಸಂಚಲನ ಮಾರ್ಗದುದ್ದಕ್ಕೂ ತಳಿರು-ತೋರಣ, ರಂಗೋಲಿ ಮತ್ತು ಕೇಸರಿ ಧ್ವಜಗಳಿಂದ ಅಲಂಕಾರಗೊಳಿಸಲಾಗಿತ್ತು.

ಚಿಣ್ಣರ ಉತ್ಸಾಹ: ೪-೧೦ ವರ್ಷದ ೫೦ಕ್ಕೂ ಹೆಚ್ಚು ಮಕ್ಕಳು ಗಣವೇಷಧರಿಸಿ ದೇಶಭಕ್ತಿ ಮೆರೆದಿದ್ದು ವಿಶೇಷವೆನಿಸಿತು. ಬಿಸಿಲು ಲೆಕ್ಕಿಸದೆ ಗಂಟೆಗಟ್ಟಲೆ ನಿಂತು ಗಣವೇಷಧಾರಿಗಳಿಗೆ ಚಿಣ್ಣರು ಉತ್ಸಾಹ ತುಂಬಿದರು. ಪುರಸಭೆ ಪಕ್ಕದ ಖಾಸಗಿ ಮೈದಾನದಿಂದ ಶುರುವಾದ ಪಥಸಂಚಲನ ಗೌಡರ ಓಣಿ, ಝೇಂಡಾ ಕಟ್ಟಾ, ತೋಟದಪ್ಪ ದೇವಸ್ಥಾನ, ಮಲ್ಲಯ್ಯ ದೇವಸ್ಥಾನ, ಸೊನ್ನದ ಬಡಾವಣೆ, ಕಾಳಿಕಾ ದೇವಿ ದೇವಸ್ಥಾನ, ಟಿಪ್ಪು ಸುಲ್ತಾನ್ ವೃತ್ತ, ಅಂಬಿಗರ ಚೌಡಯ್ಯ ವೃತ್ತ, ಹೇಮರಡ್ಡಿ ಮಲ್ಲಮ್ಮ ದೇವಸ್ಥಾನ, ಶ್ರೀರಾಮ ಚೌಕ್, ಎಸ್‌ಬಿಐ ವೃತ್ತ, ಬಸವೇಶ್ವರ ವೃತ್ತ, ಮ್ಯಾಗೇರಿ, ಹಳೇ ಬಸ್ ನಿಲ್ದಾಣ, ಮುಖ್ಯ ಬಜಾರ್ ಮಾರ್ಗವಾಗಿ ಪುನಃ ಖಾಸಗಿ ಮೈದಾನಕ್ಕೆ ಬಂದು ಕೊನೆಗೊಂಡಿತು.

ಚೌಡಿ ಕಟ್ಟೆ ಮಧ್ಯೆ ಯುವಕನೊಬ್ಬ ದೇಶಭಕ್ತಿ ಮತ್ತು ಧರ್ಮ ರಕ್ಷಣೆ ಮಹತ್ವ ಸಾರುವ ಕುರಿತು ಕೈ ಮತ್ತು ಕಾಲುಗಳಿಗೆ ಸರಪಳಿ ಬಿಗಿದು ಮೈಮೇಲೆ ಕೃತಕ ರಕ್ತ ಚೆಲ್ಲಿಕೊಂಡು ನೀಡಿದ ಅಣಕು ಪ್ರದರ್ಶನ ಗಮನಸೆಳೆಯಿತು. ಸಂಘದ ಜಿಲ್ಲಾ ಕಾರ್ಯವಾಹ ಸೂಗಪ್ಪ, ಜಿಲ್ಲಾ ಶಾರೀರಿಕ ಪ್ರಮುಖ ಮೈಲಾರಿ ಬೈಚಬಾಳ, ತಾಲೂಕು ಕಾರ್ಯವಾಹ ಅಯ್ಯಣ್ಣ ಸುಂಗಿ, ಅಮೀನರೆಡ್ಡಿ ಯಾಳಗಿ, ಶಂಕರ ಕರಣಗಿ, ಮಾಣಿಕರಾಜ, ಸಚಿನ್ ತುಂಬಗಿ, ಮಲಕಪ್ಪ ಶಹಾಪುರ, ಮಲ್ಲೇಶಪ್ಪಗೌಡ, ಸಂಗಮೇಶ ಇಜೇರಿ, ಪ್ರಭು ಮುತ್ತಗಿ, ಗಿರಿರಾಜ ಶಹಾಪುರ, ಸಂತೋಷ ಗುತ್ತೇದಾರ್, ಪ್ರಕಾಶ ಹೊಸಮನಿ, ಅಂಬೋಜಿ ಇತರರು ಪಾಲ್ಗೊಂಡಿದ್ದರು.

ನAತರ ಗಣವೇಷಧಾರಿಗಳು ಮತ್ತು ಜನತೆಗೆ ಶುದ್ಧ ಕುಡಿಯುವ ನೀರು, ಬಾಳೆಹಣ್ಣು, ಬ್ರೆಡ್, ಬನ್ ಉಪಾಹಾರ ನೀಡಿದ್ದಲ್ಲದೆ ರುಚಿ ಶುಚಿಯಾದ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಯಾದಗಿರಿ, ಶಹಾಪುರ, ಸುರಪುರ, ತಾಳಿಕೋಟೆÀ, ಹುಣಸಗಿ, ಜೇವರ್ಗಿ, ಕಲಬುರಗಿ, ರಾಯಚೂರು ಸೇರಿ ವಿವಿಧೆಡೆಯಿಂದ ಆರೆಸ್ಸೆಸ್ ಸ್ವಯಂ ಸೇವಕರು ಆಗಮಿಸಿ ಪಥಸಂಚಲನದ ಮೆರುಗು ಹೆಚ್ಚಿಸಿದರು.

ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪೃಥ್ವಿಕ್ ಶಂಕರ್ ನೇತೃತ್ವದಲ್ಲಿ ಒಬ್ಬ ಹೆಚ್ಚುವರಿ ಎಸ್‌ಪಿ, ಮೂವರು ಡಿವೈಎಸ್‌ಪಿ, ೮ ಸಿಪಿಐ, ೧೯ ಎಎಸ್‌ಐ ೧೯, ೧೪೭ ಎಚ್‌ಸಿ ಮತ್ತು ಪಿಸಿ, ೫ ಡಿಎಆರ್ ತುಕಡಿ, ೨ ಕೆಎಸ್‌ಆರ್‌ಪಿ ತುಕಡಿ ಸೇರಿ ೩೦೦ಕ್ಕೂ ಹೆಚ್ಚು ಪೊಲೀಸರನ್ನು ಬಂದೋಬಸ್ತ್ಗೆ ನಿಯೋಜನೆ ಮಾಡಲಾಗಿತ್ತು.