ಪ್ರಪಂಚವೇ ಗಮನಿಸುವಂತಹ ಸಂವಿಧಾನ ರಚನೆ

ಹಗರಿಬೊಮ್ಮನಹಳ್ಳಿ: ಜಾತಿ ಭೇದ ಹೋಗಲಾಡಿಸಲು ಅಕ್ಷರಜ್ಞಾನ ಮುಖ್ಯ. ಅಂಬೇಡ್ಕರ್ ಅವರು ಅಕ್ಷರ ಜ್ಞಾನ ಸಂಪಾದಿಸಿ ಪ್ರಪಂಚವೇ ಭಾರತದತ್ತ ತಿರುಗಿ ನೋಡುವಂತಹ ಸಂವಿಧಾನ ರಚಿಸಿದ್ದಾರೆ ಎಂದು ಹಿರಿಯ ಸಿವಿಲ್ ನ್ಯಾಯಾಧೀಶ ಮತ್ತು ಕಾನೂನು ಸೇವೆಗಳ ತಾಲೂಕು ಸಮಿತಿ ಅಧ್ಯಕ್ಷ ಡಿ.ಕೆ.ಮಧುಸೂದನ ಹೇಳಿದರು.

ಇದನ್ನೂ ಓದಿ: ಜಾತಿ ಜನಗಣತಿಯಿಂದ ಯಾರಿಗೂ ಅನ್ಯಾಯವಾಗಲ್ಲ

ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ ನಿಮಿತ್ತ ಪಟ್ಟಣದ ನ್ಯಾಯಾಲಯದಲ್ಲಿ ಕಾನೂನು ಸೇವೆಗಳ ತಾಲೂಕು ಸಮಿತಿ ಮತ್ತು ವಕೀಲರ ಸಂಘದಿಂದ ಗುರುವಾರ ಆಯೋಜಿಸಿದ್ದ ಕಾನೂನು ಸಾಕ್ಷರತಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ವಕೀಲರ ಸಂಘದ ತಾಲೂಕು ಅಧ್ಯಕ್ಷ ಪಿ.ರಮೇಶ್ ಮಾತನಾಡಿ, ಬುದ್ಧ, ಬಸವ, ಅಂಬೇಡ್ಕರ್ ಆದರ್ಶಗಳನ್ನು ಪಾಲಿಸಿ. ಮಕ್ಕಳಿಗೆ ಶಿಕ್ಷಣ ನೀಡುವ ಮೂಲಕ ಸಾಕ್ಷರರನ್ನಾಗಿಸಿ ಎಂದರು.

ಸಹಾಯಕ ಸರ್ಕಾರಿ ಅಭಿಯೋಜಕ ತಳವಾರ ರಾಘವೇಂದ್ರ, ಸಂಘದ ಕಾರ್ಯದರ್ಶಿ ಶ್ರೀನಿವಾಸ, ಉಪಾಧ್ಯಕ್ಷ ಮಹೇಶ್ವರ ಗೌಡ್ರು, ವಕೀಲರಾದ ಸತ್ಯನಾರಾಯಣ, ಲಿಂಗರಾಜ್, ಪೃಥ್ವಿರಾಜ್, ರಾಕೇಶ್, ಕೊಟ್ರೇಶ್ ಶೆಟ್ಟರ್, ಎನ್.ಗುರುಬಸವರಾಜ, ಶಿವಗಂಗಮ್ಮ ಇತರರಿದ್ದರು.