ಸೆ.22ರಿಂದ ದೇಶದೆಲ್ಲೆಡೆ ನವರಾತ್ರಿ ಉತ್ಸವ ಹಾಗೂ ವಿಜಯದಶಮಿ ಆಚರಣೆ ಆಯಾ ಭಾಗದ ನೆಲೆಗಟ್ಟಿನ ವಿಶೇಷತೆಯಲ್ಲಿ ಸಂಭ್ರಮದಿಂದ ಜರುಗಿದ್ದು, ಶ್ರೀರಂಗಪಟ್ಟಣ ಹಾಗೂ ಮೈಸೂರಿನಲ್ಲೂ ತಾಯಿ ಚಾಮುಂಡೇಶ್ವರಿಯನ್ನು ಶ್ರದ್ಧಾ, ಭಕ್ತಿಯ ನಂಬಿಕೆಯಿಂದ ಪೂಜಿಸಲಾಗಿದೆ. ವಿಶೇಷವಾಗಿ ಸ್ತ್ರೀಯರನ್ನು ಶಕ್ತಿ ಸ್ವರೂಪಿಣಿ ಶ್ರೀಪಾರ್ವತಿ ದೇವಿ ಪ್ರತಿರೂಪದಲ್ಲಿ ಗೌರವಿಸುವುದು ಭಾರತೀಯರ ಸಂಸ್ಕೃತಿ. ಮಹಿಳೆಯರೂ ಪುರುಷರಷ್ಟೇ ಸಮಾನತೆ ಹೊಂದಿದ್ದು, ಸರ್ವ ಕಾರ್ಯಗಳಲ್ಲೂ ನಿರ್ಧರಿಸಲು ಅರ್ಹರಿದ್ದಾರೆ. ಮಹಿಳೆಯರ ತವರು ಮಠ ಎಂದು ಕರೆಸಿಕೊಳ್ಳುವ ಸ್ಥಾನದಲ್ಲಿ ಜೀವನದಿ ಕಾವೇರಿ ತೀರದ ಚಂದ್ರವನ ಆಶ್ರಮ ಪ್ರಖ್ಯಾತಿ ಹೊಂದಿದ್ದು, ಸಾಕಷ್ಟು ವರ್ಷಗಳಿಂದ ನಿರಂತರವಾಗಿ ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಹಾಗೂ ಜನರ ಆರೋಗ್ಯ ಕಾಳಜಿ ಸೇವೆಗಳ ಜತೆ ಜತೆಗೆ ಸಾವಿರಾರು ಮಹಿಳೆಯರಿಗೆ ಬಾಗಿನದ ಮೂಲಕ ಮಡಿಲು ತುಂಬಿ ಸಾಂತ್ವನ, ಸನ್ಮಾರ್ಗದ ದಿಕ್ಸೂಚಿ ನೀಡಿ ತವರು ಮನೆಯ ಶ್ರೀರಕ್ಷೆಯ ಅಭಯ ತುಂಬುತ್ತಿದ್ದು, ವಿವಿಧ ಕ್ಷೇತ್ರದ ಪ್ರಾಮಾಣಿಕ ಸಾಧಕರನ್ನು ಅಭಿನಂದಿಸುತ್ತಿರುವುದು ಶ್ಲಾಘನೀಯ. ಪೀಠಾಧಿಪತಿ ಶ್ರೀ ತ್ರಿನೇತ್ರ ಮಹಂತ ಶಿವಯೋಗಿ ಸ್ವಾಮೀಜಿಗಳು ನಡೆಸುತ್ತಿರುವ ಸಾಕಷ್ಟು ಜನಹಿತ ಸತ್ಕಾರ್ಯಗಳಿಗೆ ಜತೆಯಾಗಿರುವುದು ಸಂತಸ ತರಿಸಿದೆ ಎಂದರು. ರಾಜೇಶ್ ಚಂದ್ರ, ಮಾಜಿ ಶಾಸಕ ಅರುಣ್ ಕುಮಾರ್ ಪೂಜಾರ್, ಜಿಪಂ ಸಿಇಒ ಕೆ.ಆರ್.ನಂದಿನಿ, ತಹಸೀಲ್ದಾರ್ ಚೇತನಾ ಯಾದವ್, ಮಠದ ಕಾರ್ಯದರ್ಶಿ ಟಿ.ಪಿ.ಶಿವಕುಮಾರ್ ಇತರರು ಇದ್ದರು.
