ಕಟಕೋಳ: ಶಾಂತಿ-&ಸೌಹಾರ್ದದಿಂದ ಎಲ್ಲರೂ ಗಣೇಶ ಚತುರ್ಥಿ ಮತ್ತು ಈದ್ ಮಿಲಾದ್ ಹಬ್ಬ ಆಚರಿಸಬೇಕೆಂದು ರಾಮದುರ್ಗ ಸಿಪಿಐ ವಿನಾಯಕ ಬಡಿಗೇರ ಕರೆ ನೀಡಿದರು. ಸ್ಥಳಿಯ ಪೊಲೀಸ್ ಠಾಣೆ ಆವರಣದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಗಣೇಶ ಚತುರ್ಥಿ ಹಾಗೂ ಈದ್ ಮಿಲಾದ್ ಹಬ್ಬದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿ, ಸಾರ್ವಜನಿಕರಿಗೆ ತೊಂದರೆಯಾಗದಂತೆ ಗಣೇಶ ಮಂಟಪ, ಮೂರ್ತಿ ಪ್ರತಿಷ್ಠಾಪಿಸಬೇಕು. ಮಂಟಪದಲ್ಲಿ ಕಾನೂನುಬಾಹಿರ ಚಟುವಟಿಕೆ ನಡೆಸಿದರೆ ಸೂಕ್ತ ಕ್ರಮ ಕೆಗೊಳ್ಳಲಾಗುವುದು. ಡಿಜೆ ಬಳಸುವಂತಿಲ್ಲ. ಸ್ವಯಂಸೇವಕರು 24 ಗಂಟೆಗಳ ಕಾಲ ಮಂಟಪದಲ್ಲಿ ಇರಬೇಕು. ಧ್ವನಿವರ್ಧಕ ಬೆಳಗ್ಗೆ 6ರಿಂದ ರಾತ್ರಿ 10 ರ ಗಂಟೆ ವರೆಗೆ ಮಾತ್ರ ಬಳಸಬೇಕು. ಧಾರ್ಮಿಕ ಭಾವನೆ ಕೆರಳಿಸುವ ಹಾಡು ಹಾಕಬಾರದು. ಪರಿಸರಸ್ನೇಹಿ ಮಣ್ಣಿನ ಮೂರ್ತಿ ಪ್ರತಿಷ್ಠಾಪಿಸಬೇಕು ಎಂದರು. ಪಿಎಸ್ಐ ಬಸವರಾಜ ಕೊಣ್ಣುರೆ ಮಾತನಾಡಿದರು. ಪಿಕೆಪಿಎಸ್ ಅಧ್ಯ ಸಂಗಮೇಶ ಶೆಟ್ಟಿಸದಾವರ್ತಿ, ಬಾಳು ಹೊಸಮನಿ, ಮಹೇಶ ಕರ್ಕಿ, ವಿಶ್ವನಾಥ ಹಣಮರಟ್ಟಿ, ಗಂಗಾಧರ ಶಿಂದೋಗಿ, ಸೋಮನಗೌಡ ಮಲಗೌಡರ, ಮಲ್ಲನಗೌಡ ಸುರಗ ಇತರರಿದ್ದರು.
