ಪರಿಹಾರವೂ ಅನುಮಾನ…?: ಘಟನೆಯಲ್ಲಿ ಮೃತಪಟ್ಟ ಬ್ಯಾಡಗಿ ತಾಲೂಕಿನ ಬೆಳಕೇರಿ ಗ್ರಾಮದ ಶಂಭುಲಿಂಗಯ್ಯ ದ್ಯಾಮಣ್ಣನವರ ಕುಟುಂಬದವರು 10 ಲಕ್ಷ ರೂ. ಪರಿಹಾರ ಘೊಷಿಸಬೇಕು ಎಂದು ಆಗ್ರಹಿಸಿದ್ದಾರೆ. ಅಲ್ಲದೆ, ಗಾಯಗೊಂಡವರ ಕುಟುಂಬದವರು ಆಸ್ಪತ್ರೆ ಖರ್ಚು ಸೇರಿ ಪರಿಹಾರ ನೀಡಬೇಕು ಎಂದು ಕೇಳಿದ್ದಾರೆ. ಆದರೆ, ಸರ್ಕಾರದಿಂದ ಇವರಿಗೆ ಪರಿಹಾರ ಘೊಷಣೆ ಅನುಮಾನ ಎನ್ನಲಾಗಿದೆ. ಕಾರಣ ವಿಘ್ನೇಶ್ವರ ಸ್ಪಾರ್ಕಲ್ಸ್ ಮತ್ತು ಪಾರ್ಟಿ ಪೂಪರ್ ಕೇಂದ್ರ ಸರ್ಕಾರದ ಕಚೇರಿಯಿಂದ ಪರವಾನಗಿ ಹೊಂದಿಲ್ಲ. ಜತೆಗೆ ಕಾರ್ವಿುಕ ಇಲಾಖೆಯಲ್ಲೂ ನೋಂದಣಿಯಾಗಿಲ್ಲ. ಅಲ್ಲದೆ, ಪರಿಹಾರ ನೀಡುವ ಕುರಿತು ಯಾವ ಅಧಿಕಾರಿಗಳು ಅಧಿಕೃತವಾಗಿ ಹೇಳಿಲ್ಲ. ಹೀಗಾಗಿ, ನೊಂದವರಿಗೆ ಪರಿಹಾರ ಕೂಡ ಅನುಮಾನವಾಗಿದೆ.
