ಸ್ಮಾರ್ಟ್​ಸಿಟಿಯಲ್ಲಿ ಮಳೆಗಾಲದಲ್ಲೇ ನೀರಿಗೆ ಪರದಾಟ

ವಿಶೇಷ ವರದಿ

ತುಮಕೂರು: ಮಳೆಗಾಲದಲ್ಲೇ ಸ್ಮಾರ್ಟ್​ಸಿಟಿಯಲ್ಲಿ ಕಳೆದ 8-0 ದಿನಗಳಿಂದ ಕುಡಿಯುವ ನೀರಿಗಾಗಿ ಜನ ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು. ನಗರಕ್ಕೆ ನೀರು ಸರಬರಾಜು ಮಾಡುವ ಬುಗುಡನಹಳ್ಳಿ ಜಲಸಂಗ್ರಹಗಾರದ ಪಂಪ್​ಹೌಸ್​ನ ಬೃಹತ್​ ಮೋಟಾರ್​ಗಳು ಕೆಟ್ಟುಹೋಗಿದ್ದರಿಂದ ನೀರು ಪೂರೈಕೆಯಲ್ಲಿ ವ್ಯತ್ಯಯವಾಗಿತ್ತು. ಈ ವೇಳೆ ಪರ್ಯಾಯ ಮಾರ್ಗ ಕಂಡುಕೊಳ್ಳದ ಮಹಾನಗರ ಪಾಲಿಕೆ ನೀರಿನ ಅಭಾವ ಸೃಷ್ಟಿಗೆ ಕಾರಣವಾಗಿತ್ತು.

ನಗರದ ಬಹುತೇಕ ವಾರ್ಡ್​ಗಳಿಗೆ ಕುಡಿಯುವ ನೀರು ಪೂರೈಸುವ ಬುಗಡನಹಳ್ಳಿ ಜಲಸಂಗ್ರಹಗಾರದಲ್ಲಿ 260 ಎಂಸಿಎ್​ಟಿ ಹೇಮೆ ನೀರು ಸಂಗ್ರಹವಿದ್ದರು ಕಳೆದ 8&10 ದಿನಗಳಿಂದ ಜನ ನೀರಿನ ತತ್ವಾರ ಎದುರಿಸಿದ್ದರು. ಮಳೆಗಾಲದಲ್ಲಿ ಜತೆಗೆ ಹೇಮಾವತಿ ನೀರಿದ್ದರೂ ವರಮಹಾಲಕ್ಷಿ$್ಮ ಹಬ್ಬದ ಸಂದರ್ಭದಲ್ಲೇ ನೀರು ಪೂರೈಕೆಯಲ್ಲಿ ಉಂಟಾದ ವ್ಯತ್ಯಯದಿಂದ ಜನರು ಟ್ಯಾಂಕರ್​ ಮೊರೆ ಹೋಗುವಂತಾಗಿತ್ತು. ಆದರೆ, ಈ ವೇಳೆ ಪರ್ಯಾಯ ವ್ಯವಸ್ಥೆ ಕಡೆ ಒತ್ತು ಕೊಟ್ಟಿರಲಿಲ್ಲ.

ಕೈ ಕೊಟ್ಟ ಮೋಟಾರ್​ : ಬುಗಡನಹಳ್ಳಿ ಜಲಸಂಗ್ರಹಗಾರದ ಜಾಕ್​ವೆಲ್​ನಿಂದ ಪಿಎನ್​ಆರ್​ ಪಾಳ್ಯದ ಶುದ್ಧ ಕುಡಿಯುವ ನೀರು ಟಕಕ್ಕೆ ನೀರು ಪಂಪ್​ ಮಾಡುವ ಎರಡು ಬೃಹತ್​ ಮೋಟಾರ್​ಗಳು ತಾಂತ್ರಿಕ ಸಮಸ್ಯೆಯಿಂದ ಕಳೆದ ಸೋಮವಾರವೇ ಸ್ಥಗಿತಗೊಂಡಿದ್ದವು. ಮೋಟಾರ್​ಗಳು ಕೆಟ್ಟು ನಿಂತ ಪರಿಣಾಮ ನೀರು ಪೂರೈಕೆ ಸಂಪೂರ್ಣ ಸ್ಥಗಿತಗೊಂಡಿತ್ತು. ಸ್ಟಾ$ಂಡ್​ ಬೈ ಮೋಟಾರ್​ ಸಹ ರಿಪೇರಿಗೆ ಕಳುಹಿಸಿದ್ದ ಸಂದರ್ಭದಲ್ಲೇ ಎರಡು ಮೋಟಾರ್​ಗಳು ಕೈಕೊಟ್ಟಿದ್ದವು. ಹಾಗಾಗಿ, ನೀರು ಪೂರೈಕೆಯಲ್ಲಿ ವ್ಯತ್ಯಯವಾಗಿತ್ತು.

ಕೊನೆಗೂ ಸೋಮವಾರ ಸಂಜೆ ಹೊತ್ತಿಗೆ ಮೋಟಾರ್​ ಅನ್ನು ರಿಪೇರಿ ಮಾಡಿಸಿದ್ದು ಸದ್ಯಕ್ಕೆ ಸಮಸ್ಯೆ ಬಗೆಹರಿದಂತಾಗಿದೆ. ಪಿಎನ್​ಆರ್​ ಪಾಳ್ಯದ ಶುದ್ಧ ನೀರು ಟಕಕ್ಕೆ ಜಾಕ್​ ವೆಲ್​ನಿಂದ ನೀರು ಪಂಪ್​ ಮಾಡುವ ಟ್ರಯಲ್​ ಸಂಜೆ ಹೊತ್ತಿಗೆ ಆರಂಭವಾಗಿದ್ದ ಇನ್ನೊಂದು ಮೋಟಾರ್​ ಅನ್ನು ಬುಧವಾರ ಅಳವಡಿಸಿ ನೀರಿನ ಸಮಸ್ಯೆ ಬಗೆಹರಿಸಲು ಪಾಲಿಕೆ ಸಿಬ್ಬಂದಿ ಸಮರೋಪಾದಿಯಲ್ಲಿ ಶ್ರಮಿಸುತ್ತಿದ್ದಾರೆ.

631 ಕೊಳವೆಬಾವಿಗಳು ಮಹಾನಗರ ಪಾಲಿಕೆ ವ್ಯಾಪ್ತಿಯ 35 ವಾರ್ಡ್​ಗಳಲ್ಲಿ 3 ಲಕ್ಷ ಜನಸಂಖ್ಯೆಯಿದ್ದು ಪ್ರತಿನಿತ್ಯ 57 ಎಂಎಲ್​ಡಿ ಕುಡಿಯುವ ನೀರಿನ ಅಗತ್ಯವಿದೆ. ಬುಗಡಹನಹಳ್ಳಿ ಜಲಸಂಗ್ರಹಾಗಾರದಲ್ಲಿ 260 ಎಂಸಿಎ್​ಟಿ ನೀರಿದೆ. ಹೆಬ್ಬಾಕ ಕೆರೆಯಲ್ಲು ಸದ್ಯ 25 ಎಂಸಿಎ್​ಟಿ ನೀರಿದೆ. ಇನ್ನು ಉತ್ತಮ ಮಳೆಯಿಂದಾಗಿ ಪಾಲಿಕೆ ವ್ಯಾಪ್ತಿಯ 631 ಕೊಳವೆಬಾವಿಗಳಲ್ಲು ನೀರಿದ್ದು ಅವುಗಳಿಂದ ನೀರು ಪೂರೈಸಲಾಗುತ್ತಿದೆ. ಜಾಕವೆಲ್​ನ ಎರಡು ಮೋಟಾರ್​ ದುರಸ್ತಿಗೊಂಡರೆ 3&4 ದಿನಕ್ಕೊಮ್ಮೆ ನೀರು ಪೂರೈಸಲಾಗುತ್ತದೆ.