ಬಂಟ್ವಾಳ ಪೇಟೆ ನೀರು ಏರಿಕೆ : ಸ್ಥಳಾಂತರಕ್ಕೆ ಕಾರ್ಯಾಚರಣೆ : ಪೂಜಾರಿ ಮನೆಗೆ ಜಲದಿಗ್ಬಂಧನ

ಬಂಟ್ವಾಳ: ಸಂಜೆಯ ವೇಳೆ ಬಂಟ್ವಾಳ ಪೇಟೆ ಪರಿಸರದಲ್ಲಿ ನೆರೆ ನೀರು ಮಟ್ಟ ಏರಿಕೆಯಾಗಿದೆ. ನೆರೆಪೀಡಿತ ಪ್ರದೇಶದ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸುವ ಕಾರ್ಯಾಚರಣೆಯನ್ನು ಚುರುಗೊಳಿಸಲಾಯಿತು.

ಮುಳುಗಿದ ಸ್ಮಶಾನ: ಬಡ್ಡಕಟ್ಟೆ ರಸ್ತೆಯ ಬಳಿಯೇ ಇರುವ ಹಿಂದು ರುದ್ರಭೂಮಿ ಸಂಪೂರ್ಣ ಜಲಾವೃತಗೊಂಡಿತು. ನೇತ್ರಾವತಿ ನದಿಯ ನೀರು ಬಡ್ಡಕಟ್ಟೆ ನಿತ್ಯಾನಂದ ಮಂದಿರದ ಮುಂಭಾಗದಿಂದಲೇ ರಸ್ತೆಯಲ್ಲಿ ಹರಿಯತೊಡಗಿತು.

ದ್ವೀಪವಾದ ಪೂಜಾರಿ ಮನೆ:

ಮಾಜಿ ಸಚಿವ ಬಿ.ಜನಾರ್ದನ ಪೂಜಾರಿ ಅವರ ಬಂಟ್ವಾಳದ ಮನೆಯ ಸುತ್ತ ನೀರು ಆವರಿಸಿಕೊಂಡು ದ್ವೀಪದಂತಾಯಿತು. ರಾತ್ರಿವರೆಗೂ ಜನಾರ್ದನ ಪೂಜಾರಿ ಹಾಗೂ ಅವರ ಪತ್ನಿ ಮನೆಯಲ್ಲಿಯೇ ಉಳಿದಿದ್ದರು. ತಾಲೂಕಾಡಳಿತದಿಂದ ದೋಣಿಯ ಮೂಲಕ ಅವರನ್ನು ಕರೆ ತರಲು ವ್ಯವಸ್ಥೆ ಮಾಡಲಾಯಿತು.

https://www.vijayavani.net/mularapatna-hanging-bridge

https://www.vijayavani.net/honeytrap-case