ಕಾರವಾರ : ಇಲ್ಲಿನ ಕದಂಬ ನೌಕಾನೆಲೆ ಭಾರತೀಯ ನೌಕಾಸೇನೆಯ ಪ್ರಮುಖ ಕಾರ್ಯಾಚರಣೆಯ ಕೇಂದ್ರವಾಗಿ ಮಾರ್ಪಡುತ್ತಿದೆ. ಎರಡು ವರ್ಷ ಪೂರ್ವ ಕರಾವಳಿಯಲ್ಲಿದ್ದ ನೌಕಾಸೇನೆಯ ದೈತ್ಯ ಯುದ್ಧ ಹಡಗು ಐಎನ್ಎಸ್ ವಿಕ್ರಾಂತ್ ಕೂಡ ಕಾರವಾರ ಕೇಂದ್ರಿತವಾಗಿದೆ.
ಭಾರತೀಯ ನೌಕಾಸೇನೆಯ ಪಶ್ಚಿಮ ವಿಭಾಗ ತನ್ನ ಎಕ್ಸ್ ಖಾತೆಯಲ್ಲಿ ಇದನ್ನು ತಿಳಿಸಿದೆ. ಐಎನ್ಎಸ್ ವಿಕ್ರಾಂತ ಶುಕ್ರವಾರ ಕಾರವಾರ ತಲುಪಿದ್ದು, ಶನಿವಾರ ಅರಬ್ಬಿ ಸಮುದ್ರದಲ್ಲಿ ಕಾರ್ಯಾಚರಣೆ ಆರಂಭಿಸಿದೆ. ಯುದ್ಧ ವಿಮಾನ ವಾಹಕ ದೈತ್ಯ ನೌಕೆ ಐಎನ್ಎಸ್ ವಿಕ್ರಮಾದಿತ್ಯ ನೇತೃತ್ವದ `ಸ್ವರ್ಡ್ ಆರ್ಮ್' ಗ್ರೂಪ್ನ್ನು ವಿಕ್ರಾಂತ ಸೇರಿದೆ ಎಂದು ವಿವರಿಸಲಾಗಿದೆ.
ರಷ್ಯಾದಿಂದ ಖರೀದಿಸಿರುವ ಭಾರತದ ಮೊದಲ ಯುದ್ಧ ವಿಮಾನ ವಾಹಕ ನೌಕೆ ಐಎನ್ಎಸ್ ವಿಕ್ರಮಾದಿತ್ಯ 2013 ರಿಂದಲೂ ಕಾರವಾರದಿಂದ ಕಾರ್ಯಾಚರಣೆ ನಡೆಸುತ್ತಿದೆ. 2022 ರಲ್ಲಿ ಭಾರತೀಯ ನೌಕಾಸೇನೆಗೆ ಸಮರ್ಪಣೆಗೊಂಡಿರುವ ವಿಕ್ರಾಂತ ನೌಕೆ ಸಂಪೂರ್ಣ ಭಾರತೀಯ ತಂತ್ರಜ್ಞಾನದಿಂದ ಕೊಚ್ಚಿ ಶಿಪ್ ಯಾರ್ಡ್ನನಲ್ಲಿ ತಯಾರಿಸಿರುವುದಾಗಿದೆ
