ತುಮಕೂರು- ಬೆಂಗಳೂರು ರೈಲ್ವೆ ಟಿಕೆಟ್​ 440 ರೂ., !

* ವಂದೇ ಭಾರತ್​ ಎಕ್ಸ್​ಪ್ರೆಸ್​ಗೆ ತುಮಕೂರಿನಲ್ಲು ಸ್ಟಾಪ್​   *  ಎಕ್ಸಿಕ್ಯುಟಿವ್​ ಕ್ಲಾಸ್​ನಲ್ಲಿ 825 ರೂ.,

ತುಮಕೂರು: ವಂದೇ ಭಾರತ್​ ರೈಲು ಎರಡು ನಿಮಿಷ ಕಾಲ ತುಮಕೂರು ರೈಲ್ವೆ ನಿಲ್ದಾಣದಲ್ಲಿ ನಿಲ್ಲಲಿದೆ. ಕೇವಲ 75 ನಿಮಿಷದಲ್ಲಿ ತುಮಕೂರಿನಿಂದ ಬೆಂಗಳೂರು ತಲುಪಲಿರುವ ವಂದೇ ಭಾರತ್​ ಎಕ್ಸ್​ಪ್ರೆಸ್​ ರೈಲಿಗೆ ಶುಕ್ರವಾರ ಸಂಜೆ 6.20ಕ್ಕೆ ತುಮಕೂರು ರೈಲ್ವೆ ನಿಲ್ದಾಣದಲ್ಲಿ ಕೇಂದ್ರ ಜಲಶಕ್ತಿ ಹಾಗೂ ರೈಲ್ವೆ ಖಾತೆ ರಾಜ್ಯ ಸಚಿವ ವಿ.ಸೋಮಣ್ಣ ಹಸಿರುನಿಶಾನೆ ತೋರಿದರು. ತುಮಕೂರು&ಬೆಂಗಳೂರಿಗೆ ತೆರಳಲು ಎಸಿ ಚೇರ್​ ಕಾರ್​ನ ಟಿಕೆಟ್​ ದರ 440 ರೂ., ಹಾಗೂ ಎಕ್ಸಿಕ್ಯುಟಿವ್​ ಕ್ಲಾಸ್​ ಟಿಕೆಟ್​ ದರ 825 ರೂ., !

ವಾರದಲ್ಲಿ 6 ದಿನ ಓಡಾಟ: ಬೆಂಗಳೂರು&ಧಾರವಾಡ ನಡುವೆ ಸಂಚರಿಸುವ ವಂದೇ ಭಾರತ್​ ಎಕ್ಸ್​ಪ್ರೆಸ್​ ರೈಲು ವಾರದಲ್ಲಿ 6 ದಿನ ಓಡಾಡಲಿದೆ. ಈ ರೈಲು ಯಶವಂತಪುರ, ದಾವಣಗೆರೆ, ಹುಬ್ಬಳ್ಳಿ, ಧಾರವಾಡ ನಿಲ್ದಾಣಗಳಲ್ಲಿ ಮಾತ್ರ ನಿಲುಗಡೆ ಇತ್ತು. ಇದೀಗ ತುಮಕೂರಿನಲ್ಲು 2 ನಿಮಿಷಗಳ ಕಾಲ ನಿಲುಗಡೆ ಇರಲಿದೆ. ಬೆಳಗ್ಗೆ 5.45 ಬೆಂಗಳೂರು ಬಿಡುವ ರೈಲು 6.32ಕ್ಕೆ ತುಮಕೂರು ತಲುಪಲಿದೆ. ಮಧ್ಯಾಹ್ನ 12.10ಕ್ಕೆ ಧಾರವಾಡ ತಲುಪಲಿದೆ.

ಧಾರವಾಡದಿಂದ ಮಧ್ಯಾಹ್ನ 1.15ಕ್ಕೆ ಹೊರಡುವ ವಂದೇಭಾರತ್​ ರೈಲು ಸಂಜೆ 6.18ಕ್ಕೆ ತುಮಕೂರು ತಲುಪಲಿದೆ.

ದೇಶೀ ನಿರ್ಮಿತ ಸೂಪರ್​ ಾಸ್ಟ್​ ಎಕ್ಸ್​ಪ್ರೆಸ್​ ವಂದೇ ಭಾರತ್​ ರೈಲು ಹಲವು ವಿಶ್ವ ದರ್ಜೆಯ ವೈಶಿಷ್ಟ$್ಯಗಳನ್ನು ಹೊಂದಿದ್ದಯ ಉತ್ತಮ ಪ್ರಯಾಣದ ಸೌಕರ್ಯದ ಜತೆಗೆ ಪ್ರಯಾಣಿಕರ ಸುರಕ್ಷತೆಗೆ ಹೆಚ್ಚಿನ ಒತ್ತುಕೊಡಲಾಗಿದೆ. ಈ ರೈಲಿನ ಎಲ್ಲಾ ಬೋಗಿಗಳು ಎಸಿ ಚೇರ್​ ಕಾರ್​ನದ್ದಾಗಿದೆ. ಜತೆಗೆ ಎಕ್ಸಿಕ್ಯುಟಿವ್​ ಕ್ಲಾಸ್​ ಬೋಗಿಗಳು ಸಹ ಇರಲಿವೆ. ಇದಲ್ಲದೆ, ಎಲ್ಲಾ ಕೋಚ್​ಗಳು ಸ್ವಯಂಚಾಲಿತ ಬಾಗಿಲುಗಳು, ಅತ್ಯಂತ ಆರಾಮದಾಯಕ ಆಸನಗಳ ಸೌಲಭ್ಯ ಇದೆ.

ಆಡಿಯೋ-ವಿಶುವಲ್​ ವ್ಯವಸ್ಥೆ: ಇದರ ಜತೆಗೆ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಮಾಹಿತಿಗಾಗಿ ಜಿಪಿಎಸ್​ ಆಧಾರಿತ ಆಡಿಯೋ&ವಿಶುವಲ್​ ವ್ಯವಸ್ಥೆ ಮಾಡಲಾಗಿದೆ. ಇದರ ಜತೆಗೆ ಎಕ್ಸಿಕ್ಯುಟಿವ್​ ಕ್ಲಾಸ್​ ಬೋಗಿಗಳಲ್ಲಿ ರೋಟೇಟಿಂಗ್​ ಚೇರ್​ ವ್ಯವಸ್ಥೆ ಇರಲಿದೆ.

ಈ ವಂದೇ ಭಾರತ್​ ಎಕ್ಸ್​ಪ್ರೆಸ್​ ರೈಲಿಗೆ ತುಮಕೂರಿನಲ್ಲಿ ಹಸಿರುನಿಶಾನೆ ತೋರಿ ಮಾತನಾಡಿದ ಕೇಂದ್ರ ರೈಲ್ವೆ ಸಚಿವ ವಿ.ಸೋಮಣ್ಣ, ಕಳೆದ 10 ವರ್ಷಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸಾರಥ್ಯದಲ್ಲಿ ರೈಲ್ವೆ ಇಲಾಖೆ ಸಮಗ್ರ ಬದಲಾವಣೆ ಕಂಡಿದೆ. 2019&14ರವರೆಗೆ ರಾಜ್ಯ ರೈಲ್ವೆ ಯೋಜನೆಗಳಿಗೆ ಕೇವಲ 800 ಕೋ.ರೂ., ಅನುದಾನ ನೀಡಲಾಗಿದ್ದು ಕಳೆದ 10 ವರ್ಷಗಳಲ್ಲಿ 9 ಪಟ್ಟು ಕರ್ನಾಟಕದ ರೈಲ್ವೆ ಯೋಜನೆಗಳಿಗೆ 7500 ಕೋ.ರೂ., ಅನುದಾನ ಹರಿದುಬಂದಿದೆ ಎಂದರು.

ವಿ.ಸೋಮಣ್ಣ ಪಯಣ

ತುಮಕೂರಿನಿಂದ ಯಶವಂತಪುರ ರೈಲ್ವೆ ನಿಲ್ದಾಣದವರೆಗೆ ಸಚಿವ ಸೋಮಣ್ಣ ರೈಲ್ವೆ ಇಲಾಖೆ ಅಧಿಕಾರಿಗಳ ಜತೆ ಪಯಣಿಸಿದರು. ಈ ವೇಳೆ ಜೆಡಿಎಸ್​ ಶಾಸಕಾಂಗ ನಾಯಕ ಸಿ.ಬಿ.ಸುರೇಶ್​ಬಾಬು, ಶಾಸಕರಾದ ಜಿ.ಬಿ.ಜ್ಯೋತಿಗಣೇಶ್​, ಬಿ.ಸುರೇಶ್​ಗೌಡ, ಎಂ.ಟಿ.ಕೃಷ್ಣಪ್ಪ, ಆರ್​.ರಾಜೇಂದ್ರ, ಎನ್​.ರವಿಕುಮಾರ್​, ಮಾಜಿ ಸಂಸದ ಜಿ.ಎಸ್​.ಬಸವರಾಜು, ಮಾಜಿ ಶಾಸಕ ಮಸಾಲೆ ಜಯರಾಂ ಮತ್ತಿತರರು ಸಾಥ್​ ನೀಡಿದರು.

ಟಿಕೆಟ್​ ದರ

ಎಲ್ಲಿಂದ

ತುಮಕೂರು- ದಾವಣಗೆರೆ - ಚೇರ್​ ಕಾರ್​ -  825 ರೂ.,

ಎಕ್ಸಿಕ್ಯುಟಿವ್​ ಕ್ಲಾಸ್​ - 1540 ರೂ.,

ತುಮಕೂರು- ಹುಬ್ಬಳ್ಳಿ - ಚೇರ್​ ಕಾರ್​ - 1040 ರೂ.,

ಎಕ್ಸಿಕ್ಯುಟಿವ್​ ಕ್ಲಾಸ್​ - 1980 ರೂ.,

6 ಗಂಟೆ 25 ನಿಮಿಷದಲ್ಲಿ 489 ಕಿ.ಮೀ., ಕ್ರಮಿಸಲಿದೆ ವಂದೇಭಾರತ್​

ಧಾರವಾಡದಿಂದ ಬೆಂಗಳೂರು ನಡುವೆ ಸಂಚರಿಸಿರುವ ವಂದೇ ಭಾರತ್​ ರೈಲು ಮಧ್ಯಾಹ್ನ 1.15ಕ್ಕೆ ಹೊರಡಲಿದ್ದು ಸಂಜೆ 7.45ಕ್ಕೆ ಬೆಂಗಳೂರು ತಲುಪಲಿದೆ. ಬೆಂಗಳೂರಿನಿಂದ ಬೆಳಗ್ಗೆ 5.45ಕ್ಕೆ ಹೊರಡಲಿದ್ದು ಮಧ್ಯಾಹ್ನ 12.10ಕ್ಕೆ ಧಾರವಾಡ ತಲುಪಲಿದೆ. 489 ಕಿ.ಮೀ., ದೂರವನ್ನು ಕೇವಲ 6 ಗಂಟೆ 25 ನಿಮಿಷದಲ್ಲಿ ಕ್ರಮಿಸಲಿರುವ ವಂದೇ ಭಾರತ್​ ಬೆಂಗಳೂರು ಬಿಟ್ಟ ನಂತರ ಯಶವಂತಪುರ, ದಾವಣಗೆರೆ, ಹುಬ್ಬಳ್ಳಿ, ಧಾರವಾಡ ಮಾತ್ರ ನಿಲುಗಡೆಯಾಗುತ್ತಿತ್ತು. ಇದೀಗ ಕೇಂದ್ರ ರೈಲ್ವೆ ರಾಜ್ಯ ಸಚಿವ ವಿ.ಸೋಮಣ್ಣ ಪ್ರತಿನಿಧಿಸುವ ತುಮಕೂರು ಲೋಕಸಭಾ ಕ್ಷೇತ್ರದ ಜಿಲ್ಲಾಕೇಂದ್ರ ತುಮಕೂರಿನಲ್ಲಿ ವಂದೇ ಭಾರತ್​ ನಿಲ್ಲಲಿದೆ.