ವಿಡಿಯೋ ಮಾಡಿದ ಇಬ್ಬರು ಅಂದರ್‌

ಕಾರವಾರ/ಅಂಕೋಲಾ: ವಿಡಿಯೋ ವೈರಲ್ ಮಾಡಿ ಕಾರವಾರ ಪಿಕಳೆ ನರ್ಸಿಂಗ್ ಹೊಂನ ವೈದ್ಯ ಸಿಬ್ಬಂದಿ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪದ ಮೇಲೆ ಕಾರವಾರದ ಮೂವರನ್ನು ಅಂಕೋಲಾ ಠಾಣೆ ಪೊಲೀಸರು ಶುಕ್ರವಾರ ಬಂಽಸಿದ್ದಾರೆ.

ಕಾರವಾರವೈಲವಾಡ ಮೂಲದ ಮಾಜಿ ಸೈನಿಕ ಸುಭಾಷ ಕೃಷ್ಣ ನಾಯ್ಕ, ಸಿವಿಲ್ ಕಾಂಟ್ರಾಕ್ಟರ್ ಹರಿಶ್ಚಂದ್ರ ಶಿವಾ ನಾಯ್ಕ ಹಾಗೂ ಗೋವಾದಲ್ಲಿ ಡೇಟಾ ಎಂಟ್ರಿ ಆಪರೇಟರ್ ಆಗಿದ್ದ ಅನಿಲ ಸುರೇಶ ನಾಯ್ಕ ಬಂಽತರು.

ಜ.23 ರಂದು ಬೆಳಗ್ಗೆ ಅಂಕೋಲಾ ಹಟ್ಟಿಕೇರಿಯಲ್ಲಿ ರಾಜೀವ ಪಿಕಳೆ ತಮ್ಮ ತೋಟದ ಮನೆಯಲ್ಲಿ ಡಬ್ಬಲ್ ಬ್ಯಾರಲ್ ಗನ್‌ನಿಂದ ಶೂಟ್ ಮಾಡಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಅವರ ಸಾವಿಗೆ ವೈರಲ್ ವಿಡಿಯೋ ಕಾರಣ ಎಂದು ಮೃತರ ಸಹೋದರ ಡಾ.ನಿತಿನ್ ಪಿಕಳೆ ಅಂಕೋಲಾ ಠಾಣೆಗೆ ದೂರು ನೀಡಿದ್ದರು.

ಹಿನ್ನೆಲೆ:

ಕೆಲ ದಿನಗಳ ಹಿಂದೆ ಪಿಕಳೆ ನರ್ಸಿಂಗ್ ಹೋಂ ಸಂಬಂಧಪಟ್ಟ ವಿಡಿಯೋವೊಂದು ವೈರಲ್ ಆಗಿತ್ತು. ಚಿಕಿತ್ಸೆಗೆ ಬಂದಿದ್ದ ತಮ್ಮ ಸಂಬಂಧಿಕರಿಗೆ ನರ್ಸಿಂಗ್ ಹೋಂನಲ್ಲಿ ಅವಽ ಮೀರಿದ ಔಷಧಗಳನ್ನು ನೀಡಲಾಗಿದೆ ಎಂದು ವ್ಯಕ್ತಿಯೊಬ್ಬರು ಆರೋಪಿಸಿದ್ದರು. ಈ ಬಗ್ಗೆ ಪಿಕಳೆ ನರ್ಸಿಂಗ್ ಹೋಂನಲ್ಲಿ ಔಷಧ ವಿಭಾಗದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ರಾಜೀವ ಪಿಕಳೆ ಅವರಲ್ಲಿ ಪ್ರಶ್ನೆ ಮಾಡುತ್ತಿರುವ ದೃಶ್ಯಗಳನ್ನು ವಿಡಿಯೋ ಮಾಡಿಕೊಳ್ಳಲಾಗಿತ್ತು. ಅದರಲ್ಲಿ ವೈದ್ಯಕೀಯ ಸಿಬ್ಬಂದಿ ರಾಜೀವ ಅವರು ಕಣ್ತಪ್ಪಿನಿಂದ ಹಳೆಯ ಮಾತ್ರೆ ನೀಡಲಾಗಿದೆ ಎಂದು ಹೇಳಿರುವುದು ವಿಡಿಯೋದಲ್ಲಿ ದಾಖಲಾಗಿತ್ತು. ಈ ಸಂಬAಧ ಪೊಲೀಸ್ ಠಾಣೆಯಲ್ಲಾಗಲೀ, ಆರೋಗ್ಯ ಇಲಾಖೆಯಲ್ಲಾಗಲೀ ಯಾವುದೇ ದೂರು ದಾಖಲಾಗಿರಲಿಲ್ಲ. ಆದರೆ, ಪಿಕಳೆ ನರ್ಸಿಂಗ್ ಹೋಂನಲ್ಲಿ ನಡೆದ ಘಟನೆಯ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಹರಿಬಿಟ್ಟ ಆರೋಪದ ಮೇಲೆ ಸುಭಾಷ ಕೃಷ್ಣ ನಾಯ್ಕ, ಹರಿಶ್ಚಂದ್ರ ನಾಯ್ಕ ಹಾಗೂ ಅನಿಲ ನಾಯ್ಕ ಅವರನ್ನು ಬಂಽಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.