Bhagavad Gita ಬದುಕು ಕಟ್ಟಿಕೊಳ್ಳಲು ಭಗವದ್ಗೀತೆ ಮಾರ್ಗದರ್ಶಕ

ಶಿರಸಿ: ಮನುಷ್ಯತ್ವದ ಉಳಿವು, ನೆಮ್ಮದಿಯ ಜೀವನ ಹಾಗೂ ಬದುಕಿನ ಸಾರ್ಥಕತೆಗೆ ಧರ್ಮ ಅತ್ಯಗತ್ಯ. ಧರ್ಮದ ನೈಜ ಅರ್ಥವನ್ನು ಅರಿತು ಆಧ್ಯಾತ್ಮಿಕ ಬದುಕು ಕಟ್ಟಿಕೊಳ್ಳಲು ಭಗವದ್ಗೀತೆ Bhagavad Gita ಮಾರ್ಗದರ್ಶಕ ಗ್ರಂಥವಾಗಿದೆ ಎಂದು ಸೋಂದಾ ಸ್ವರ್ಣವಲ್ಲೀ ಶ್ರೀ ಗಂಗಾಧರೇಂದ್ರ ಸರಸ್ವತಿ ಸ್ವಾಮೀಜಿ ಹೇಳಿದರು.

ತಾಲೂಕಿನ ಸೋಂದಾ ಸ್ವರ್ಣವಲ್ಲಿ ಮಠದ ಸುಧರ್ಮಾ ಸಭಾಭವನದಲ್ಲಿ ಭಾನುವಾರ ಆಯೋಜಿಸಿದ್ದ ಭಗವದ್ಗೀತೆ ಅಭಿಯಾನದ ಅಂತರ್ಜಾಲ ತರಗತಿಯ ಮೊದಲನೇ ಹಂತದ ಸಮರ್ಪಣಾ ಸಮಾರಂಭದಲ್ಲಿ ಸಾನ್ನಿಧ್ಯ ವಹಿಸಿ ಮಾತನಾಡಿದರು.

ಭಗವದ್ಗೀತೆ ಕೇವಲ ಧಾಮಿರ್ಕ ಗ್ರಂಥವಲ್ಲ. ಬದುಕಿನ ದಾರಿ ದೀಪವಾಗಿದೆ. ಜೀವನದಲ್ಲಿ ಧರ್ಮ ಇರಬೇಕು, ಧರ್ಮಕ್ಕೆ ಆಧ್ಯಾತ್ಮಿಕತೆ ಅಗತ್ಯ, ಆ ಆಧ್ಯಾತ್ಮಿಕತೆಯ ಮೂಲವೇ ಭಗವದ್ಗೀತೆ ಎಂದರು.

ಧರ್ಮವಿಲ್ಲದ ಮನುಷ್ಯ ಪಶುತ್ವದ ಮಟ್ಟಕ್ಕೆ ಇಳಿಯುತ್ತಾನೆ. ಆಹಾರ, ನಿದ್ರೆ ಮತ್ತು ಭಯ ಎಂಬ ಪ್ರವೃತ್ತಿಗಳು ಪ್ರಾಣಿಗಳಿಗೂ ಮನುಷ್ಯರಿಗೂ ಸಮಾನವಾಗಿದ್ದರೂ, ಧರ್ಮಾಚರಣೆಯೇ ಮನುಷ್ಯನನ್ನು ಶ್ರೇಷ್ಠನನ್ನಾಗಿಸುತ್ತದೆ. ಮಹಾಭಾರತವು ನೀತಿ ಮತ್ತು ಧರ್ಮಸ್ಮೂಗಳನ್ನು ಒಳಗೊಂಡ ಮಹಾಗ್ರಂಥವಾಗಿದ್ದು, ಅದರ ಸಾರಸ್ವತರೂಪವೇ ಭಗವದ್ಗೀತೆ. ಧರ್ಮದ ಮರ್ಮ ಆಧ್ಯಾತ್ಮಿಕತೆಯಲ್ಲಿದೆ.

ಸಮಾಜದಲ್ಲಿ ಧರ್ಮ ಣಿಸಿದಾಗ ಭಗವಂತ ಅವತರಿಸಿ ಧರ್ಮ ಸ್ಥಾಪನೆ ಮಾಡುತ್ತಾನೆ. ಆದಿ ಶಂಕರಾಚಾರ್ಯರೂ ಇದೇ ಉದ್ದೇಶದಿಂದ ಜನರನ್ನು ಜಾಗೃತಿಗೊಳಿಸಿದರು ಎಂದರು.

ಭಗವದ್ಗೀತೆಯಲ್ಲಿ ಪೂಜೆಯ ಕುರಿತು ಇಲ್ಲ ಎಂಬ ಆರೋಪ ಕೇಳಿಬರುತ್ತದೆ. ಆದರೆ, ಪೂಜೆಯ ನಿಜವಾದ ಮರ್ಮವನ್ನು ಗೀತೆಯೇ ತಿಳಿಸುತ್ತದೆ. ಪ್ರತಿಯೊಬ್ಬರೂ ತಮ್ಮ ಆರಾಧ್ಯ ದೇವರ ಮೇಲೆ ಶ್ರದ್ಧೆ ಬೆಳೆಸಿಕೊಳ್ಳಬೇಕು. ಶ್ರದ್ಧೆ, ಭಕ್ತಿ ಹಾಗೂ ವಿಶ್ವವನ್ನೇ ದೇವಾಲಯವಾಗಿ ಕಾಣುವ ದೃಷ್ಟಿಯನ್ನು ಭಗವದ್ಗೀತೆ ನೀಡುತ್ತದೆ.

ಇಂದಿನ ಸಮಾಜದಲ್ಲಿ ಕುಟುಂಬ ವ್ಯವಸ್ಥೆ ಛಿದ್ರವಾಗುತ್ತಿದ್ದು, ವಿವಾಹ ವಿಚ್ಛೇದನ, ಮತಾಂತರ, ಉಗ್ರವಾದ ಹೆಚ್ಚಾಗುತ್ತಿರುವುದು ಕಳವಳಕಾರಿ ಬೆಳವಣಿಗೆ. ಯುವಜನತೆ ಭೋಗ ಜೀವನದತ್ತ ಹೆಚ್ಚಾಗಿ ಆಕಷಿರ್ತರಾಗುತ್ತಿರುವುದು ಆತಂಕಕಾರಿಯಾಗಿದೆ. ರಜಾ ದಿನಗಳನ್ನು ಆಧ್ಯಾತ್ಮಿಕ ಚಟುವಟಿಕೆಗಳಿಗೆ ಮೀಸಲಿಡುವ ಮನೋಭಾವ ಕಡಿಮೆಯಾಗುತ್ತಿದೆ.

ಗೃಹಿಣಿಯರು ಕುಟುಂಬದ ಜವಾಬ್ದಾರಿಯನ್ನು ಗಂಭೀರವಾಗಿ ನಿಭಾಯಿಸುವ ಮೂಲಕ ಉತ್ತಮ ಮೌಲ್ಯಗಳನ್ನು ಬೆಳೆಸಬೇಕು. ಯುವ ಸಮುದಾಯದಲ್ಲಿ ಧರ್ಮದ ಅರಿವನ್ನು ಮೂಡಿಸಬೇಕು. ಅದರ ಮೂಲಕ ಅವರ ಮನಸನ್ನು ಧರ್ಮಾಚರಣೆ ಕಡೆಗೆ ಕೇಂದ್ರೀಕರಿಸಬೇಕು. ಅದಕ್ಕೆ ಭಗವದ್ಗೀತೆ ಅತ್ಯುತ್ತಮ ಮಾರ್ಗದರ್ಶಕ ಗ್ರಂಥವಾಗಿದೆ ಎಂದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ವಿದ್ವಾನ್​ ಶಂಕರ ಭಟ್ಟ ಬಾಲಿಗದ್ದೆ, ಸ್ವರ್ಣವಲ್ಲಿ ಶ್ರೀಗಳ ಮಾರ್ಗದರ್ಶನದಲ್ಲಿ ಕಳೆದ ವರ್ಷದ ವಿಜಯದಶಮಿಯಿಂದ ಭಗವದ್ಗೀತೆಯ ಅಂತರ್ಜಾಲ ತರಗತಿಗಳನ್ನು ಆರಂಭಿಸಲಾಗಿದೆ. ಶುದ್ಧ ಉಚ್ಛಾರಣೆ, ಸ್ಪಷ್ಟ ಧ್ವನಿ ಹಾಗೂ ರಾಗಬದ್ಧ ಪಠಣದ ಮೂಲಕ ವಿದ್ಯಾಥಿರ್ಗಳಿಗೆ ಕಂಠಪಾಠ ಮಾಡಿಸಲಾಗುತ್ತಿದೆ ಎಂದು ತಿಳಿಸಿದರು.

ಪ್ರಸ್ತುತ 71 ತರಗತಿಗಳಲ್ಲಿ 1,697 ವಿದ್ಯಾಥಿರ್ಗಳಿಗೆ 140 ಪ್ರಶಿಕರ ಮೂಲಕ ಅಂತರ್ಜಾಲದ ಮೂಲಕ ಭಗವದ್ಗೀತೆ ಬೋಧಿಸಲಾಗುತ್ತಿದೆ. ಇದುವರೆಗೆ 13 ಬ್ಯಾಚ್​ಗಳ 348 ವಿದ್ಯಾಥಿರ್ಗಳು ತರಬೇತಿಯನ್ನು ಯಶಸ್ವಿಯಾಗಿ ರ್ಪೂಣಗೊಳಿಸಿದ್ದಾರೆ. ಇನ್ನುಳಿದ ಆಸಕ್ತರ ತರಗತಿ ಮುಂದುವರೆಯಲಿದೆ ಎಂದರು.

ಶ್ರೀಮಠದ ಅಧ್ಯ ವಿ.ಎನ್​. ಹೆಗಡೆ ಬೊಮ್ಮನಳ್ಳಿ, ವಿದೂಷಿ ರಾಧಾ ದೇಸಾಯಿ, ಸವಿತಾ ಜೋಶಿ, ಸರಸ್ವತಿ ಮಾರಿಗೋಳಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.