ಕಮಲಾಕರ ಹೆಗಡೆ ಗುರೂಜಿ ಆದ ಕಥೆ

ಕಾರವಾರ: ಸಿದ್ದಾಪುರ ಅವರಗುಪ್ಪ ಕೊಲೆ ಆರೋಪಿ ಕಮಲಾಕರ ಟಿವಿಗಳಲ್ಲಿ ಕಮಲಾಕರ ಗುರೂಜಿ ಎಂದು ಪ್ರಸಿದ್ಧನಾಗಿದ್ದ. ಟಿವಿ ಕಾರ್ಯಕ್ರಮಗಳಲ್ಲಿ ತನ್ನನ್ನು ಕಮಲಾಕರ ಭಟ್ ಎಂದು ಹೇಳಿಕೊಳ್ಳುತ್ತಿದ್ದ. ಆದರೆ, ಆತನ ಮೂಲ ಹೆಸರು ಕಮಲಾಕರ ಹೆಗಡೆ ಆಗಿದ್ದು, ತನ್ನ ವೃತ್ತಿಯ ಸಲುವಾಗಿ ಹೆಸರು ಬದಲಿಸಿಕೊಂಡಿದ್ದ ಎನ್ನಲಾಗಿದೆ. 15 ವರ್ಷಗಳಲ್ಲಿ ಆತ ಬೆಳೆದ ಕತೆಯೇ ರೋಚಕವಾಗಿದೆ.

ಸಿದ್ದಾಪುರ ತಾಲೂಕಿನ ಸೋವಿನಕೊಪ್ಪ ಬಡ ಕುಟುಂಬದಲ್ಲಿ ಹುಟ್ಟಿದ್ದ ಕಮಲಾಕರ ಹೆಗಡೆ ಪ್ರಾಥಮಿಕ, ಪ್ರೌಢ ಶಿಕ್ಷಣ ಕಲಿತ ನಂತರ ಕೆಲಕಾಲ ಸಿದ್ದಾಪುರದಲ್ಲೇ ಓಡಾಡಿಕೊಂಡಿದ್ದ. ನಂತರ ಕೇರಳಕ್ಕೆ ತೆರಳಿ ಜ್ಯೋತಿಷ ಕಲಿತಿದ್ದ. 2010 ರಲ್ಲಿ ಬೆಂಗಳೂರಿಗೆ ತೆರಳಿ ಕಚೇರಿ ತೆರೆದ. ವಿವಿಧ ವಾಹಿನಿಗಳಲ್ಲಿ ಜ್ಯೋತಿಷ ಕಾರ್ಯಕ್ರಮ ನೀಡುತ್ತಿದ್ದ. ಬೆಂಗಳೂರಿನಲ್ಲೇ ಹಲವು ಬ್ರಾಂಚ್ ತೆರೆದಿದ್ದ. ಮಾತ್ರವಲ್ಲ ಶಿವಮೊಗ್ಗದಲ್ಲಿ ವಾಸವಾಗಿ ಅಲ್ಲಿಯೂ ಬ್ರಾಂಚ್ ತೆಗೆದಿದ್ದ. ದೊಡ್ಡವರ ಸಂಪರ್ಕಕ್ಕೆ ಬಂದಿದ್ದ. ಆತನಿಗೆ ಪತ್ನಿ ಇರಲಿಲ್ಲ. ಸಂಸಾರ ಏನಾಗಿದೆ ಎಂಬ ಬಗ್ಗೆ ತನಿಖೆ ನಡೆಸಬೇಕಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕಮಲಾಕರ ಗುರೂಜಿ ಕ್ಯಾನ್ಸರ್ ಪೀಡಿತರಿಗೆ, ಅನಾಥರಿಗೆ ತಮ್ಮ ಟ್ರಸ್ಟ್ ಮೂಲಕ ಸಹಾಯ ಮಾಡುತ್ತಿದ್ದ ಎಂದು ಮಾಜಿ ಸಚಿವ ಸುರೇಶ ಕುಮಾರ್ ಅವರು ಹಂಚಿಕೊAಡಿದ್ದ ಸಂದೇಶವೊAದು ವೈರಲ್ ಆಗುತ್ತಿದೆ. ಆ ಕಾರ್ಯ ಎಷ್ಟರಮಟ್ಟಿಗೆ ಸತ್ಯ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ.