ಕಾರವಾರದಿಂದ ಬೆಂಗಳೂರಿಗೆ ಅಂಬಾರಿ ಬಸ್‌ ಬಿಡಿ

ತಾಲೂಕು ಪಂಚಾಯಿತಿ ಸಭಾಭವನದಲ್ಲಿ ಗುರುವಾರ ಆಯೋಜಿಸಿದ್ದ ತ್ರೈ ಮಾಸಿಕ ಕೆಡಿಪಿ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಎನ್‌ಡಬ್ಲುಕೆಆರ್‌ಟಿಸಿ ಅತಿ ಕೆಟ್ಟ ಇಲಾಖೆ ಎಂದು ಹೆಸರು ಪಡೆದಿದೆ. ಹೋದ, ಹೋದಲ್ಲಿ ಬಸ್‌ಗಳು ಕೆಟ್ಟು ನಿಲ್ಲುತ್ತಿವೆ. ವಿದ್ಯಾರ್ಥಿಗಳಿಗೆ ಓಡಾಟಕ್ಕೆ ಸರಿಯಾದ ಸಮಯಕ್ಕೆ ಬಸ್ ಇಲ್ಲ. ಜನ ಹತ್ತಾದು ಬಾರಿ ಕರೆ ಮಾಡಿ ನಮ್ಮಲ್ಲಿ ಗೋಳು ತೋಡಿಕೊಳ್ಳುತ್ತಿದ್ದಾರೆ. ಬೆಂಗಳೂರಿಗೆ ಒಂದು ಸ್ಲೀಪರ್ ಬಸ್ ಇಲ್ಲ. ಖಾಸಗಿಯವರ ಜೊತೆ ನಾವು ಸೇರಿಕೊಂಡಿದ್ದೇವೆ ಎಂದು ಜನ ಮಾತನಾಡುತ್ತಿದ್ದಾರೆ ಎಂದರು.

ಎನ್‌ಡಬ್ಲುಕೆಆರ್‌ಟಿಸಿ ಶಿರಸಿ ಡಿಸಿ ಬಸವರಾಜ ಅಮ್ಮನವರ್ ಮಾತನಾಡಿ, ಕಾರವಾರ ಡಿಪೋ ಕಟ್ಟಡ, ನೆಲ ಎತ್ತರ ಮಾಡುವ ಹಾಗೂ ಕಂಪೌAಡ್ ನಿರ್ಮಾಣದ 10 ಕೋಟಿ ರೂ. ಕಾಮಗಾರಿಗಳು ಪ್ರಗತಿಯಲ್ಲಿದ್ದ ಕಾರಣ ಡಿಪೋದ ಕೆಲವು ಬಸ್‌ಗಳನ್ನು ತಾತ್ಕಾಲಿಕವಾಗಿ ಅಂಕೋಲಾಕ್ಕೆ ಸ್ಥಳಾಂತರಿಸಲಾಗಿದ್ದರಿಂದ ಸಮಸ್ಯೆಯಾಗಿದೆ. ತಿಂಗಳಲ್ಲಿ ಉದ್ಘಾಟನೆ ಮಾಡಿದಲ್ಲಿ ಇಲ್ಲಿನ ಸಮಸ್ಯೆ ಬಗೆಹರಿಸಲಿದ್ದೇವೆ. ಕೋವಿಡ್ ಸಮಯದಲ್ಲಿ ಯಾವುದೇ ಹೊಸ ಬಸ್ ಬಂದಿರಲಿಲ್ಲ. ಈಗ ಎರಡುವರೆ ವರ್ಷದಲ್ಲಿ 23 ಹೊಸ ಬಸ್‌ಗಳು ಕಾರವಾರ ಕ್ಷೇತ್ರಕ್ಕೆ ಬಂದಿವೆ. ಇನ್ನೂ ಕೆಲವು ಹೊಸ ಬಸ್‌ಗಳು ಬರಲಿದ್ದು, ಹಳೆಯ ಬಸ್‌ಗಳನ್ನು ಬದಲಿಸಲಿದ್ದೇವೆ. ಹೊಸ ಚಾಲಕ ನಿರ್ವಾಕರ ನೇಮಕಾತಿ ಸಹ ನಡೆದಿದೆ ಎಂದರು.ಎನ್‌ಡಬ್ಲುಕೆಆರ್‌ಟಿಸಿ ಶಿರಸಿ ವಿಭಾಗವು ಹಿಂದಿನ ವರ್ಷ 36 ಕೋಟಿ ನಷ್ಠದಲ್ಲಿತ್ತು. ಈ ಸಾಲಿನಲ್ಲಿ ಮೊದಲ ಬಾರಿಗೆ 13 ಕೋಟಿ ರೂ. ಲಾಭಕ್ಕೆ ಬಂದಿದೆ ಎಂದರು.

ಸರ್ಕಾರಿ ವೈದ್ಯಕೀಯ ಕಾಲೇಜ್‌ನ ಆಸ್ಪತ್ರೆಯಲ್ಲಿ ಆಯಾ ದಿನ ಕರ್ತವ್ಯದಲ್ಲಿರುವ ವೈದ್ಯರ ಡಿಜಿಟಲ್ ಬೋರ್ಡ್ ಅಳವಡಿಸಿ, ಅಲ್ಲದೇ ಲಭ್ಯವಿರುವ ವೈದ್ಯರು ಮತ್ತು ಸೇವೆಗಳ ಡಿಜಿಟಲ್ ಬೋರ್ಡ್ ಅಳವಡಿಸಿ ಎಂದು ಸೂಚನೆ ನೀಡಿದರು.

ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಾಜಾಳಿಯಿಂದ ಮಾದನಗೇರಿಯವರೆಗೆ 187 ಲೈಟ್‌ಗಳನ್ನು ಅಳವಡಿಸಲು ಕ್ರಮ ವಹಿಸಲಾಗಿದೆ. ಅಂಕೋಲಾ ಹಾಗೂ ಮಾದನಗೇರಿಯಲ್ಲಿ 13 ಕೋಟಿ ರೂ. ವೆಚ್ಚದಲ್ಲಿ ಅಂಡರ್ ಪಾಸ್ ಮಾಡಲು ಎನ್‌ಎಚ್‌ಎಐ ಒಪ್ಪಿಗೆ ನೀಡಿದೆ. ಹೆದ್ದಾರಿ ಕಾಮಗಾರಿ ಶೀಘ್ರಮುಗಿಯಬೇಕು ಎಂದು ಸೂಚಿಸಿದರು. ಕಾಳಿ ನದಿ ಸೇತುವೆ ಕಾಮಗಾರಿ ಭೂಮಿ ಪೂಜೆ ಕಾರ್ಯ ಮಾಡದ ಬಗ್ಗೆ ಅಸಮಾಧಾನ ಹೊರ ಹಾಕಿದರು. ಎನ್‌ಎಚ್‌ಎಐ ಯೋಜನಾ ನಿರ್ದೇಶಕ ಶಿವಕುಮಾರ್ ಮಾತನಾಡಿ, ಈ ವರ್ಷ ಮಳೆಗಾಲ ಪೂರ್ವ ಕ್ಷೇತ್ರದ ವ್ಯಾಪ್ತಿಯಲ್ಲಿ ರಾಷ್ಟ್ರೀಯ ಹೆದ್ದಾರಿ ಎಲ್ಲ ಕಾಮಗಾರಿ ಮುಗಿಸಲಾಗುವುದು. ಸೇತುವೆ ಕಾಮಗಾರಿ ಪೂಜೆಗೆ ಕೇಂದ್ರದಿಂದ ಅನುಮತಿ ಪಡೆಯಲಾಗುವುದು ಎಂದರು.