ಜೊಯಿಡಾ ಕಾಳಿ ನದಿಯಲ್ಲಿ ರ‍್ಯಾಫ್ಟಿಂಗ್ ಸ್ಥಗಿತ

ಮಾ.17 ರಂದು ಇಳವಾದಲ್ಲಿ ನಡೆದ ಗಲಾಟೆ ಸಂಬAಧ ರಾಮ ನಗರದ ಪೊಲೀಸ್ ಠಾಣೆಯಲ್ಲಿ ಸ್ವಯಂ ಪ್ರೇರಿತ ದೂರು ದಾಖಲಾಗಿದೆ. ಎಎಸ್‌ಐ ಎಫ್.ಎಸ್.ತಡಕೋಡ ಎಂಬುವವರು ಗಣೇಶಗುಡಿ ಹಾಗೂ ಇಳವಾದ ಶ್ಯಾಮಲಾ, ಕರೀಂ ಕತೀಬ್, ಸಂಜು ನಂದ್ಯಾಳಕರ್, ಪವನ ಕೊನ್ನೂರ, ಉದಯ, ಜೋಸೆಫ್ ಬೈಲಾ, ಸಚಿನ್ ಕಾಳೋಜಿ, ಚಾಂದ್ ಕುಟ್ಟಿ ಎಂಬುವವರ ವಿರುದ್ಧ ಸಾರ್ವಜನಿಕ ಸ್ಥಳದಲ್ಲಿ ಕೂಗಾಡಿ, ಕೈ ಮಿಲಾಯಿಸಿ, ಶಾಂತಿಗೆ ಕುಂದು ತಂದಿದ್ದಾರೆ ಎಂದು ದೂರು ನೀಡಿದ್ದಾರೆ.

ಕಾಳಿ ನದಿಯಲ್ಲಿ ಶಾರ್ಟ್ ರ‍್ಯಾಫ್ಟಿಂಗ್ ಹಾಗೂ ಇತರ ಜಲ ಸಾಹಸ ಕ್ರೀಡೆಗಳನ್ನು ನಡೆಸುವ ಸುಮಾರು 10 ಜಟ್ಟಿಗಳಿವೆ. ಆ ಎಲ್ಲ ಜಟ್ಟಿಗಳ ಮಾಲೀಕರು ಸೇರಿ ಸೂಪಾ ಜಲಕ್ರೀಡಾ ಅಸೋಸಿಯೇಶನ್‌ನ ಮಾಡಿಕೊಂಡು `ಒನ್' ಎಂಬ ಒಂದು ಕೇಂದ್ರ ಮಾಡಿಕೊಂಡು, ಜಲಸಾಹಸ ಕ್ರೀಡೆಗಳಿಗೆ ಏಕರೂಪದ ದರ ಆಕರಣೆ ಮಾಡುವ ಯತ್ನ ನಡೆಸಿದ್ದಾರೆ. ವಿವಿಧ ಜಲಸಾಹಸ ಕ್ರೀಡೆಗಳ ಪ್ಯಾಕೇಜ್‌ಗೆ ಈ ಮೊದಲು 200 ರಿಂದ 300 ರೂ. ಪಡೆಯುತ್ತಿದ್ದರು. ಈಗ ಅದನ್ನು 750 ರೂ.ಗೆ ಹೆಚ್ಚಿಸಿದ್ದು, ಟ್ರಾವೆಲ್ ಏಜೆಂಟ್‌ಗಳ ಆಕ್ಷೇಪಕ್ಕೆ ಕಾರಣವಾಗಿತ್ತು. ದಾಂಡೇಲಿಯಲ್ಲಿರುವ ಟ್ರಾವೆಲ್ ಏಜೆಂಟರು ಪ್ರತಿ ಪ್ರವಾಸಿಗರಿಂದ 1500 ರೂ.ವರೆಗೂ ಶುಲ್ಕ ಪಡೆದು, ತಮಗೆ ಕೇವಲ 200 ರೂ. ಮಾತ್ರ ನೀಡುತ್ತಾರೆ ಎಂಬುದು ಸೂಪಾ ಜಲಕ್ರೀಡಾ ಅಸೋಸಿಯೇಶನ್‌ನವರ ದೂರು. ಮಂಗಳವಾರ ಈ ವಿಷಯವನ್ನು ವಿಚಾರಿಸಲು ಬಂದಾಗ ಮಾತಿಗೆ ಮಾತು ಬೆಳೆದು ಗಲಾಟೆಯಾಗಿದೆ.

ಆದರೆ, ಆ ನಂತರ ಸೂಪಾ ಜಲಕ್ರೀಡಾ ಅಸೋಸಿಯೇಶನ್‌ನವರು ರ‍್ಯಾಫ್ಟಿಂಗ್ ಬಂದ್ ಮಾಡಿದ್ದಾರೆ ಎನ್ನಲಾಗಿದೆ. ಇದು ಪ್ರವಾಸಿಗರನ್ನು ಕರೆದುಕೊಂಡ ಟ್ರಾವೆಲ್ ಏಜೆಂಟರು, ಹೋಂ ಸ್ಟೇ ಹಾಗೂ ರೆಸಾರ್ಟ್ ಮಾಲೀಕರಿಗೆ ನುಂಗಲಾರದ ತುತ್ತಾಗಿದೆ. ಜಿಲ್ಲಾ ಪ್ರವಾಸೋದ್ಯಮ ಸಮಿತಿ ಮಧ್ಯ ಪ್ರವೇಶಿಸಿ ದರ ನಿಗದಿ ಮಾಡಬೇಕು ಎಂಬ ಆಗ್ರಹ ಕೇಳಿ ಬಂದಿದೆ.

"