ಅಧಿಕಾರಿಗಳ ನಿರ್ಲಕ್ಷೃಕ್ಕೆ ಭತ್ತದ ಬೆಳೆ ನಾಶ Crop loss

ಶಿರಸಿ: ಸಣ್ಣ ನೀರಾವರಿ ಇಲಾಖೆಯ ನಿರ್ಲಕ್ಷ್ಯದಿಂದಾಗಿ ಕೆರೆಯ ಪೈಪ್ ಒಡೆದು ಕಟಾವಿಗೆ ಬಂದಿದ್ದ ಮುಕ್ಕಾಲು ಎಕರೆ ಭತ್ತದ ಬೆಳೆ ನಾಶವಾದ (crop Loss) ಘಟನೆ ತಾಲೂಕಿನ ಸೋಂದಾದ ಕೋಟೆಯಲ್ಲಿ ಭಾನುವಾರ ಸಂಭವಿಸಿದೆ.

ಸುಬ್ರಾಯ ಹೆಗಡೆ ಅವರು ಹೇಳುವಂತೆ ಹೂಳೆತ್ತುವ ಕಾರ್ಯ ಪೂರ್ಣಗೊಂಡ ಬಳಿಕ ಇಲಾಖೆ ಅವರ ಗದ್ದೆಯಲ್ಲಿ ಹಾಕಿದ್ದ ಕಸ, ಮಣ್ಣನ್ನು ತೆರವುಗೊಳಿಸಿಲ್ಲ.

ಆದರೆ, ಮಳೆಗಾಲ ಅಷ್ಟರಲ್ಲಿ ಆರಂಭವಾದ ಕಾರಣ ಅನಿವಾರ್ಯವಾಗಿ ತಾನೇ ಕೂಲಿಯಾಳುಗಳನ್ನು ಬಳಸಿಕೊಂಡು ಇಲಾಖೆ ತನ್ನ ಹೊಲದಲ್ಲಿ ಎಸೆದಿದ್ದ ಕಸ ಮಣ್ಣನ್ನು ತೆರವುಗೊಳಿಸಿಕೊಂಡು ಭತ್ತದ ಕೃಷಿ ಮಾಡಿದ್ದೇನೆ.

ಆದರೆ, ಭತ್ತ ಈಗ ಬೆಳೆದು ಕಟಾವಿಗೆ ಇನ್ನು 15 ದಿನಗಳು ಬಾಕಿ ಇರುವಾಗ ಈ ಘಟನೆ ನಡೆದಿದೆ.

ಒಂದು ವಾರದ ಹಿಂದೆ ಗುತ್ತಿಗೆದಾರರು, ಇಂಜಿನಿಯರ್‌ಗಳು ಸಂಪರ್ಕಿಸಿ, ಇನ್ನೊಮ್ಮೆ ಕೆರೆಯನ್ನು ಖಾಲಿ ಮಾಡಬೇಕಿದೆ. ನಿಮ್ಮ ಹೊಲದಲ್ಲಿ ನೀರು ಹರಿದುಹೋಗಲು ಅವಕಾಶ ಮಾಡಿಕೊಂಡಿ ಎಂದು ಕೇಳಿದ್ದರು.

ಭತ್ತದ ಗದ್ದೆ ಕಟಾವು ಕಾರ್ಯ ಇನ್ನೂ ಆಗಿಲ್ಲ, ಆದ ಬಳಿಕ ಈ ಬಗ್ಗೆ ಮಾತಾಡೋಣ ಎಂದಿದ್ದೆ. ಆದರೆ, ಕೆರೆಗೆ ಹಾಕಲಾದ ತೂಬಿನ ಪೈಪ್ ಒಡೆದ ಕಾರಣ ಒಮ್ಮೆಲೇ ಬೃಹತ್ ಪ್ರಮಾಣದ ನೀರು ಭತ್ತದ ಗದ್ದೆಗಳಿಗೆ ನುಗ್ಗಿದೆ. ಇದರಿಂದಾಗಿ ಲಕ್ಷಾಂತರ ರೂ. ಹಾನಿ ಆಗಿದೆ.

ಇಷ್ಟು ದಿನಗಳ ನನ್ನ ಶ್ರಮ ಹಾಳಾಗಿದ್ದು ಮುಂದೇನು ಮಾಡಬೇಕು ಎಂದು ತಿಳಿಯದಂತಾಗಿದೆ ಎಂದಿದ್ದಾರೆ.