ಅಣು ವಿದ್ಯುತ್‌ ಕೇಂದ್ರಗಳೂ ಖಾಸಗಿಗೆ: ಅಣು ವಿದ್ಯುತ್‌ ಆಯೋಗದ ಅಧ್ಯಕ್ಷರ ಘೋಷಣೆ

ಕೈಗಾದಲ್ಲಿ 5 ಮತ್ತು 6 ನೇ ಅಣು ವಿದ್ಯುತ್ ಘಟಕ ನಿರ್ಮಾಣಕಾಮಗಾರಿಯ ಭಾಗವಾಗಿ ಮೊದಲ ಕಾಂಕ್ರಿಟ್ ಹಾಕುವ ಕಾರ್ಯಕ್ಕೆ ಭಾನುವಾರ ಚಾಲನೆ ನೀಡುವ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಅವರು ಮಾತನಾಡಿದರು. ಅಣು ವಿದ್ಯುತ್ ನಿಗಮದಿಂದಲೇ 54 ಗಿಗಾವ್ಯಾಟ್ ವಿದ್ಯುತ್ ಉತ್ಪಾದಿಸುವ ಗುರಿ ಹೊಂದಲಾಗಿದೆ ಎಂದರು. ಕರ್ನಾಟಕದ ಕೊಪ್ಪಳ ಅಥವಾ ಬೇರೆ ಯಾವುದೇ ಜಿಲ್ಲೆಯಲ್ಲಿ ಇದುವರೆಗೆ ಎನ್‌ಪಿಸಿಐಎಲ್ ಅಣು ವಿದ್ಯುತ್ ಘಟಕ ನಿರ್ಮಾಣಕ್ಕೆ ಸ್ಥಳ ಗುರುತಿಸಿಲ್ಲ. ಆದರೆ, ಯಾವುದೇ ರಾಜ್ಯ ಸರ್ಕಾರಗಳು ಆಸಕ್ತಿ ತೋರಿದರೆ ನಾವು ಘಟಕ ನಿರ್ಮಾಣಕ್ಕೆ ಸಿದ್ಧರಿದ್ದೇವೆ. ಪ್ರತಿ 2 ಅಣು ವಿದ್ಯುತ್ ಘಟಕಕ್ಕೆ 200 ಹೆಕ್ಟೇರ್ ಜಮೀನು ಬೇಕು. ಕನಿಷ್ಠ 8 ಘಟಕಗಳನ್ನು ಒಂದೇ ಕಡೆ ಇರುವಂಥ ಸೂಕ್ತ ಸ್ಥಳಕ್ಕೆ ಹುಡುಕಾಟ ನಡೆಸಿದ್ದೇವೆ ಎಂದರು. 

ಕಾಂಕ್ರಿಟ್ ಹಾಕುವ ಪ್ರಕ್ರಿಯೆಗೆ ಚಾಲನೆ ನೀಡಿದ ಅಣು ವಿದ್ಯುತ್ ಇಲಾಖೆಯ ಕಾರ್ಯದರ್ಶಿ ಹಾಗೂ ಅಣು ವಿದ್ಯುತ್ ಆಯೋಗದ ಅಧ್ಯಕ್ಷ ಡಾ.ಅಜಿತ್ ಕುಮಾರ್ ಮೊಹಾಂತಿ ಅವರು ಮಾತನಾಡಿ, ಸಣ್ಣ ಹಾಗೂ ಮಾಡ್ಯುಲರ್ ಲೈಟ್ ವಾಟರ್ ರಿಯಾಕ್ಟರ್ ಹೊಂದಿರುವ ಅಣು ವಿದ್ಯುತ್ ಘಟಕಗಳನ್ನು ನಿರ್ಮಾಣ ಮಾಡುವ ಸಂಶೋಧನೆಗಳು ನಡೆಯುತ್ತಿವೆ. ಬಾಬಾ ಅಟೋಮಿಕ್ ರೀಸರ್ಚ್ ಸೆಂಟರ್‌ನಲ್ಲಿ 200 ಹಾಗೂ 55 ಮೆಗಾವಾಟ್ ಸಾಮರ್ಥ್ಯದ ಸಣ್ಣ ಘಟಕಗಳನ್ನು ಪ್ರಾಯೋಗಿಕವಾಗಿ ಮಾಡಲಾಗಿದೆ. ವಿಶ್ವದಲ್ಲಿ ರಷ್ಯಾದಲ್ಲಿ ಮಾತ್ರ ಈ ವ್ಯವಸ್ಥೆ ಯಶಸ್ವಿಯಾಗಿದ್ದು, ಸದ್ಯ ಈಗಾಗಲೇ ಘಟಕವನ್ನು ಹೊಂದಿರುವ ತಾರಾಪುರದಲ್ಲಿ ಈ ಪ್ರಯೋಗ ಮಾಡುವ ಯೋಚನೆ ಇದೆ ಎಂದರು. 

ಅಲ್ಲದೇ ಈ ಕ್ಷೇತ್ರದಲ್ಲಿ ಖಾಸಗಿಯವರಿಗೂ ಅವಕಾಶ ನೀಡುವ ಯೋಜನೆ ಕೂಡ ಇದೆ. ಅಣುಶಕ್ತಿ ಆಯೋಗದ ಎಲ್ಲ ನಿಯಮಾವಳಿಗಳನ್ನು ಪಾಲಿಸಿ, ನಿಗಮದ ಮೇಲ್ವಿಚಾರಣೆಯಲ್ಲೇ ಖಾಸಗಿ ಸಂಸ್ಥೆಗಳು ಅಣು ವಿದ್ಯು ಉತ್ಪಾದನೆಗೆ ಅವಕಾಶ ನೀಡಲು ಯೋಜಿಸಿದ್ದೇವೆ ಎಂದರು. 

ಮಾತ್ರವಲ್ಲ ಭಾರತದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಸಿಗುವ ಥೋರಿಯಂ ಅನ್ನು ಬಳಸಿ ಅದನ್ನು ಯುರೇನಿಯಂ-233 ಆಗಿ ಪರಿವರ್ತಿಸಿ ಅಣು ವಿದ್ಯುತ್ ಉತ್ಪಾದಿಸುವ ಪ್ರಯತ್ನಕ್ಕೂ ಯಶಸ್ಸು, ಸಿಕ್ಕಿದ್ದು, ಶೀಘ್ರ ಆ ಘಟಕಗಳೂ ನಿರ್ಮಾಣವಾಗಲಿವೆ ಎಂದರು. 

ಕೈಗಾ ಅಣು ವಿದ್ಯುತ್ ಕೇಂದ್ರದ ಸ್ಥಳ ನಿರ್ದೇಶಕ ವಿನೋದ ಕುಮಾರ್ ಮಾತನಾಡಿ, ಕೈಗಾದಲ್ಲಿ ಸದ್ಯ 220 ಮೆಗಾವಾಟ್‌ನ 4 ಘಟಕಗಳಿವೆ. ಇದುವರೆಗೆ 1.33 ಲಕ್ಷ ಮಿಲಿಯನ್ ಯೂನಿಟ್ ವಿದ್ಯುತ್‌ನ್ನು ದೇಶಕ್ಕೆ ನೀಡಿದೆ 1 ನೇ ಘಟಕಕ್ಕೆ 25 ವರ್ಷ ಕಳೆದಿದ್ದು, ಉತ್ಪಾದನೆ ಸ್ಥಗಿತ ಮಾಡಿ, ಕೂಲಂಟ್ ಹಾಗೂ ಚಾನಲ್ ಫೀಡರ್ ಬದಲಿಸುವ ಕಾರ್ಯ ನಡೆದಿದೆ. ಇದೇ ಅಕ್ಟೋಬರ್ ವೇಳೆಗೆ ಮರು ವಿದ್ಯುತ್ ಉತ್ಪಾದನೆ ಪ್ರಾರಂಭವಾಗಲಿದೆ. ನವೀಕರಣದಿಂದ ಘಟಕದ ಆಯಸ್ಸು ಇನ್ನೂ 30 ವರ್ಷ ವೃದ್ಧಿಸಲಿದೆ ಎಂದರು. 

ಒಟ್ಟು 21 ಸಾವಿರ ಕೋಟಿ ವೆಚ್ಚದ, ತಲಾ 700 ಮೆಗಾವಾಟ್ ಸಾಮರ್ಥ್ಯದ 5 ಮತ್ತು 6 ನೇ ಘಟಕಗಳ ಕಾಮಗಾರಿ ಪ್ರಾರಂಭವಾಗಿದ್ದು, ಮೆಗಾ ಇಂಜಿನಿಯರಿAಗ್ ಹಾಗೂ ಬಿಇಎಲ್ ಕಂಪನಿಗಳು ಪ್ರಮುಖ ಕಾಮಗಾರಿ ಗುತ್ತಿಗೆ ಪಡೆದಿವೆ. ಹೊಸ ಘಟಕಗಳು 60 ತಿಂಗಳ ಕಾಲಾವಽಯಲ್ಲಿ ನಿರ್ಮಾಣವಾಗುವ ನಿರೀಕ್ಷೆ ಇದ್ದು, ಅದರಿಂದ ಕರ್ನಾಟಕ ಸರ್ಕಾರಕ್ಕೆ ಶೇ.50 ರಷ್ಟು ವಿದ್ಯುತ್ ನೀಡಲಾಗುವುದು ಎಂದರು.