ಪಿಎಂ ಶ್ರೀ ಶಾಲೆಗಾಗಿ ಬೇರೆ ಶಾಲೆ ಸ್ಥಳಾಂತರಿಸದಿರಿ

ಪ್ರಮುಖ ನಿರ್ಣಯಗಳು 

• ಶಾಸಕ ಭೀಮಣ್ಣ ನಾಯ್ಕ ಅವರ ಪ್ರಸ್ತಾವನೆಯನ್ನು ಪುರಸ್ಕರಿಸಿ. ಬೇಡ್ತಿ ಹಾಗೂ ಅಘನಾಶಿನಿ ನದಿ ತಿರುವು ಯೋಜನೆಯನ್ನು ಯಾವುದೇ ಕಾರಣಕ್ಕೂ ಜಾರಿ ಮಾಡದಂತೆ ತ್ರೈ ಮಾಸಿಕ ಕೆಡಪಿಸಿ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಯಿತು. ನಿರ್ಣಯವನ್ನು ಸರ್ಕಾರಕ್ಕೆ ಕಳಿಸುವಂತೆ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಅಧಿಕಾರಿಗಳಿಗೆ ಸೂಚಿಸಿದರು.  
• ಅರಣ್ಯ ಹಕ್ಕು ಅರ್ಜಿಗಳ ಪುನರ್ ಪರಿಶೀಲನೆಯಿಂದ ಈ ಹಿಂದೆ ಜಿಪಿಎಸ್ ಆದವರ ಹೆಸರು ಕೈಬಿಟ್ಟು ಹೋಗಿ, ಸಮಸ್ಯೆಯಾಗದಂತೆ ನೋಡಿಕೊಳ್ಳಿ ಎಂದು ಶಾಸಕ ಭೀಮಣ್ಣ ನಾಯ್ಕ ಪ್ರಸ್ತಾವನೆ ಮಂಡಿಸಿದರು. ಸಚಿವ ಮಂಕಾಳ ವೈದ್ಯ ಅದಕ್ಕೆ ಸಮ್ಮತಿ ಸೂಚಿಸಿದರು. ಈ ಹಿಂದೆ ಜಿಪಿಎಸ್ ಮಾಡುವಾಗ ಬಿಟ್ಟು ಹೋದವರ ಹೆಸರುಗಳನ್ನೂ ಈಗ ಪರಿಗಣಿಸುವಂತೆ ಆದೇಶಿಸಿದರು.  
• ಜೂನ್ 1 ರಿಂದ ಶಾಲೆಗಳು ಪುನರಾರಂಭವಾಗುತ್ತಿವೆ. ತಕ್ಷಣ ಹಾಸ್ಟೆಲ್‌ಗಳೂ ಶುರುವಾಗಬೇಕು. ಯಾವುದೇ ಮಕ್ಕಳು ಹಾಸ್ಟೆಲ್ ಸಿಕ್ಕಿಲ್ಲ ಎಂದು ವಾಪಸಾಗುವಂತಾಗಬಾರದು ಎಂದು ಸಚಿವ ಮಂಕಾಳ ವೈದ್ಯ ಸೂಚಿಸಿದರು.  
• ಸುಳಿ ಮುರ್ಕಿ ಕೊಲೆ ಪ್ರಕರಣದಲ್ಲಿ ತೊಂದರೆಗೊಳಗಾದವರ ಕುಟುಂಬದ ಒಬ್ಬರಿಗೆ ಉದ್ಯೋಗ ಕೊಡಲು ಕ್ರಮ ವಹಿಸುವಂತೆ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಆದೇಶ ಮಾಡಿದರು.