ಯಕ್ಷಗಾನ ಇನ್ನೂ ಬೆಳೆಯಲಿ ‘ಉಳಿಯಲಿ’

ಕೆ.ಪಿ.ಹೆಗಡೆ ಗೌರವವನ್ನು ಸ್ವೀಕರಿಸಿ ಮಾತನಾಡಿ, ನಾನೋಬ್ಬ ಯಕ್ಷಗಾನ ಭಾಗವತನಾಗಲು ಹೊಸ್ತೋಟ ಮಂಜುನಾಥ ಭಾಗವತ ಹಾಗೂ ನಾರಾಯಣ ಭಾಗವತ ಉಪ್ಪೂರು ಅವರು ಕಾರಣಿಕರ್ತರು. ನನ್ನ ಹತ್ತಿರ ಸಾವಿರಾರು ವಿದ್ಯಾರ್ಥಿಗಳು ಅಧ್ಯಯಯನ ಮಾಡಿ ಬೇರೆ ಬೇರೆ ಯಕ್ಷಗಾನ ಮೇಳಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ ಹಾಗೂ ಉದ್ಯೋಗದಲ್ಲಿಯೂ ಇದ್ದಾರೆ. ರಾಜ್ಯ ಸರ್ಕಾರ ನನ್ನ ಸಾಧನೆಯನ್ನು ಗುರುತಿಸಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿದ್ದು ಸಂತಸ ತಂದಿದೆ. ಯಕ್ಷಗಾನ ಇನ್ನೂ ಬೆಳೆಯಬೇಕು ಹಾಗೂ ಉಳಿಯಬೇಕು. ಇದಕ್ಕೆ ಎಲ್ಲರ ಸಹಕಾರ ಅವಶ್ಯ ಎಂದರು.

ಹಿರಿಯರಾದ ಜಿ.ಪಿ.ಹೆಗಡೆ ಗೋಳಗೋಡ, ಲಲಿತಾ ಹೆಗಡೆ, ಗ್ರಾಪಂ ಸದಸ್ಯ ದತ್ತಾತ್ರೆಯ ಹೆಗಡೆ, ಅರುಣ ಬಣಗಾರ, ಯಕ್ಷಗಾನ ಭಾಗವತ ಎನ್.ಜಿ.ಹೆಗಡೆ, ಪರಮೇಶ್ವರ ಹೆಗಡೆ, ದಾಕ್ಷಾಯಣಿ ಹೆಗಡೆ, ಪ್ರತಿಭಾ ಹೆಗಡೆ, ಮಂಜುನಾಥ ಹೆಗಡೆ, ಕೋಶಾಧ್ಯಕ್ಷ ಪಿ.ಬಿ.ಹೊಸೂರು, ಕಸಾಪ ಪದಾಧಿಕಾರಿ ಸುಜಾತಾ ಹೆಗಡೆ ದಂಟಕಲ್ ಇತರರಿದ್ದರು.

ತಾಲೂಕು ಕಸಾಪ ಅಧ್ಯಕ್ಷ ಚಂದ್ರಶೇಖರ ನಾಯ್ಕ ಕುಂಬ್ರಿಗದ್ದೆ ಪ್ರಾಸ್ತಾವಿಕ ಮಾತನಾಡಿದರು. ಪತ್ರಕರ್ತ ರಮೇಶ ಹಾರ್ಸಿಮನೆ ಸ್ವಾಗತಿಸಿದರು. ಗೌರವ ಕಾರ್ಯದರ್ಶಿ ಪ್ರಶಾಂತ ಶೇಟ್ ವಂದಿಸಿದರು.