ಮಂಕಿ ಪಪಂ ಮೊದಲ ಚುನಾವಣೆ ಬಿಜೆಪಿ ಜಯಭೇರಿ

ಬುಧವಾರ ಹೊನ್ನಾವರ ತಹಸೀಲ್ದಾರ್ ಕಚೇರಿಯಲ್ಲಿ ಮತ ಎಣಿಕೆ ನಡೆಯಿತು.

ಒಟ್ಟು 20 ವಾರ್ಡ್ ಗಳಿಗೆ ಚುನಾವಣೆ ಘೋಷಣೆಯಾಗಿತ್ತು. ಅದರಲ್ಲಿ ಎರಡು ವಾರ್ಡ್ ಗಳಿಗೆ ಕಾಂಗ್ರೆಸ್ ನ ಇಬ್ಬರು ಅವಿರೋಧವಾಗಿ ಆಯ್ಕೆಯಾಗಿದ್ದರು. ಡಿ.21 ರಂದು 18 ವಾರ್ಡ್ ಗಳಲ್ಲಿ ಮತದಾನ ನಡೆದಿತ್ತು. ಅದರಲ್ಲಿ 12 ಸ್ಥಾನವನ್ನು ಬಿಜೆಪಿ ಗೆದ್ದು, ಅಧಿಕಾರ ಹಿಡಿಯಲು ಅರ್ಹವಾಗಿದೆ.

ಕಾಂಗ್ರೆಸ್ 6 ಸ್ಥಾನಗಳನ್ನು ಮಾತ್ರ ಗೆದ್ದಿದ್ದು ಎರಡು ಅವಿರೋಧ ಆಯ್ಕೆ ಸೇರಿ 8 ಸ್ಥಾನ ಪಡೆದುಕೊಂಡಿದೆ.

2020 ರಲ್ಲಿ ರಚನೆಯಾದ ಮಂಕಿ ಪಟ್ಟಣ ಪಂಚಾಯಿತಿಗೆ ಇದು ಮೊದಲ ಚುನಾವಣೆಯಾಗಿದೆ. ಭಟ್ಕಳ ಮಾಜಿ ಶಾಸಕ ಸುನೀಲ ನಾಯ್ಕ ನೇತೃತ್ವದಲ್ಲಿ ಬಿಜೆಪಿ ಕಾರ್ಯಕರ್ತರು ಘೋಷಣೆ ಕೂಗಿ ಸಂಭ್ರಮಾಚರಣೆ ಮಾಡಿದರು.