Locals outraged ರಸ್ತೆಯಲ್ಲೇ ಗಿಡ ನೆಟ್ಟು ಸ್ಥಳೀಯರ ಆಕ್ರೋಶ

ಬೇಸಿಗೆಯಲ್ಲಿ ದೂರಸಂಪರ್ಕ ಇಲಾಖೆಯವರು ರಸ್ತೆಪಕ್ಕದಲ್ಲಿ ಕಾಲುವೆ ತೆಗೆದು ನಂತರ ಕೇಬಲ್ ಅಳವಡಿಸಿ ಕಾಟಾಚಾರಕ್ಕೆ ಮಣ್ಣು ಮುಚ್ಚಿದ್ದರು. ಒಂದೇ ಮಳೆಗೆ ಪುನಃ ರಸ್ತೆ ಪಕ್ಕದಲ್ಲಿ ಹೊಂಡಬಿದ್ದಂತಾಗಿರುವುದರಿಂದ ರಸ್ತೆ ನಿರ್ವಹಣೆ ಮಾಡುತ್ತಿರುವ ಲೋಕೋಪಯೋಗಿ ಇಲಾಖೆ ಹೊಂಡಕ್ಕೆ ಮಣ್ಣು ಹಾಕಿದ್ದರು. ಅದು ಈಗ ಮಳೆಯ ಆರ್ಭಟಕ್ಕೆ ಕೆಸರುಗದ್ದೆಯಂತಾಗಿದೆ. ಸ್ಥಳೀಯರು ಇಲ್ಲಿ ಗಿಡ ನೆಟ್ಟು ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ನಿತ್ಯ ಸಂಚಾರ ಮಾಡುವ ವಿದ್ಯಾರ್ಥಿಗಳು, ಸಾರ್ವಜನಿಕರು ಇದೇ ಕೆಸರುಗದ್ದೆಯಂತಹ ರಸ್ತೆಯಲ್ಲಿ ಓಡಾಡುವ ದುಸ್ಥಿತಿ ಎದುರಾಗಿದೆ. ಇನ್ನು ವಾಹನ ಸವಾರರು ಹೋಗದ ಸ್ಥಿತಿ. ಒಮ್ಮೆ ಹೋಗಬೇಕೆಂದರೆ ಬಿದ್ದೆದ್ದು ಹೋಗಬೇಕಾಗಿದೆ.

ಸಂಬಂಧಪಟ್ಟ ಲೋಕೋಪಯೋಗಿ ಇಲಾಖೆ ಕೂಡಲೇ ರಸ್ತೆ ಸರಿಪಡಿಸಿ ಸುಗಮ ಸಂಚಾರಕ್ಕೆ ಅನುಕೂಲ ಮಾಡಿಕೊಡುವಂತೆ ಸ್ಥಳೀಯ ಸಾರ್ವಜನಿಕರು ಆಗ್ರಹಿಸಿದ್ದಾರೆ.