ಕೈಗಾ ಸ್ಥಾನಿಕ ನಿರ್ದೇಶಕರು ಬದಲು

ಸುಬ್ರತ್‌ದಾಸ್ ಮೂಲತಃ ಓಡಿಶಾ ರಾಜ್ಯದ ಪೂರಿ ಜಿಲ್ಲೆಯವರು. ರೂರ್ಕಿ ರೀಜನಲ್ ಇಂಜಿನೀಯರಿಂಗ್ ಕಾಲೇಜ್‌ನ ಯಾಂತ್ರಿಕ ವಿಭಾಗದಲ್ಲಿ ಪದವಿ ಪಡೆದ ಇವರು 1989 ರಲ್ಲಿ ಎನ್‌ಪಿಸಿಐಎಲ್‌ನಲ್ಲಿ ಇಂಜಿನಿಯರ್ ಆಗಿ ತಮ್ಮ ವೃತ್ತಿಯನ್ನು ಆರಂಭಿಸಿದರು. ಅವರ ಮೊದಲ ಕಾರ್ಯಸ್ಥಾನ ಕೈಗಾ ಆಗಿತ್ತು.

ಕೈಗಾ ಅಣು ವಿದ್ಯುತ್ ಕೇಂದ್ರ ನಿರ್ಮಾಣ ಹಾಗೂ ಯಶಸ್ವಿ ಕಾರ್ಯಾರಂಭದ ಪ್ರಕ್ರಿಯೆಗಳನ್ನು ಯಶಸ್ವಿಯಾಗಿ ನಿಭಾಯಿಸಿದ ಕಿರ್ತಿ ಸುಬ್ರತ್‌ದಾಸ್ ಅವರಿಗೆ ಸಲ್ಲುತ್ತದೆ. ಇವರ ಮಾರ್ಗ ದರ್ಶನದಲ್ಲಿ, ಕೈಗಾ 1 ರಿಂದ 4, ಹಾಗೂ ರಾಜಸ್ಥಾನ 7 ಮತ್ತು 8 ಘಟಕಗಳು ಉತ್ತಮವಾಗಿ ಕಾರ್ಯನಿರ್ವಹಿಸಿವೆ. ದೇಶಾದ್ಯಾಂತ ವಿವಿಧ ಕೇಂದ್ರಗಳಲ್ಲಿ ಉನ್ನತ ಹುದ್ದೆ ನಿಭಾಯಿಸಿ ಈಗ ಕೈಗಾದ ಸ್ಥಾನಿಕ ನಿರ್ದೇಶಕ ರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ.