ಪ್ರವಾಸಿಗರಿಂದ "ಪ್ರಧಾನಿ"ಗೆ ಕಿರಿಕಿರಿ !!

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸುಮಾರು 1 ಸಾವಿರ ಜನಸಂಖ್ಯೆ ಇರುವ ಪ್ರಧಾನಿ ಗ್ರಾಮದಲ್ಲಿ 50 ಕ್ಕೂ ಹೆಚ್ಚು ಹೊಂ ಸ್ಟೇಗಳಿವೆ. ಅವುಗಳಿಗೆ ಬರುವ ಪ್ರವಾಸಿಗರಿಂದ ನಿತ್ಯ ಗಲಾಟೆ ಉಂಟಾಗುತ್ತಿದೆ. ಶಾಲೆ, ಜನವಸತಿಗೆ ತೊಂದರೆಯಾಗುತ್ತಿದೆ. ಪ್ಲಾಸ್ಟಿಕ್ ತ್ಯಾಜ್ಯಗಳನ್ನು ಎಲ್ಲೆಂದರಲ್ಲಿ ಎಸೆಯಲಾಗುತ್ತಿದೆ. ದ್ರವ ತ್ಯಾಜ್ಯಗಳನ್ನು ಹಳ್ಳಕ್ಕೆ ಬಿಡಲಾಗುತ್ತಿದೆ. ಗೂಡಂಗಡಿಗಳ ಮೂಲಕ ಅಕ್ರಮ ಚಟುವಟಿಕೆಗಳು ನಡೆಯುತ್ತವೆ.

ಈ ಎಲ್ಲದರ ಬಗ್ಗೆ ದೂರು ನೀಡಿದರೆ, ಅಽಕಾರಿಗಳು ಯಾವುದೇ ಕ್ರಮ ವಹಿಸುತ್ತಿಲ್ಲ. ಮೇಲಾಗಿ ದೂರು ನೀಡಿದವರ ಮೇಲೆಯೇ ಕಿರುಕುಳ ನೀಡುತ್ತಿದ್ದಾರೆ. ಸ್ಥಳೀಯರ ಮೇಲೆ ಸುಳ್ಳು ಪ್ರಕರಣ ದಾಖಲಿಸಿ ಅಲೆಸುವ ಕೆಲಸವಾಗುತ್ತಿದೆ. ಈ ಎಲ್ಲದರ ಬಗ್ಗೆ ವಿಡಿಯೋ ಸಹಿತ ದಾಖಲೆಗಳಿದ್ದರೂ, ಹೈಕೋರ್ಟ್ ಸ್ಪಷ್ಟ ಸೂಚನೆಯನ್ನು ಜಿಲ್ಲಾಽಕಾರಿಗಳಿಗೆ ನೀಡಿದರೂ ಕ್ರಮ ವಹಿಸದೇ ಇರುವುದು ಅಚ್ಚರಿಯಾಗಿದೆ ಎಂದರು. ಗ್ರಾಮಸ್ಥರಾದ ಶಿವರಾಮ ದೇಸಾಯಿ, ಕುಮಾರ ಬಾಮಣಗಿ, ಸಂದೀಪ ನಾಯ್ಕ, ಪರಶುರಾಮ ಮೊರಸ್ಕರ್, ರಾಜಕುಮಾರ ಗಾಂವಕರ್ ಹಾಗೂ ಇತರರು ಇದ್ದರು.

ವಕೀಲ ದತ್ತಾತ್ರೆಯ ನಾಯ್ಕ ಮಾತನಾಡಿ ಮುರ್ಡೇಶ್ವರದಲ್ಲಿ ನಿರ್ಮಲಾ ನಾಯ್ಕ ಎಂಬ ವಿಧವೆಯ ಮನೆಗೆ ತೆರಳುವ ದಾರಿಯನ್ನು ಒಂದು ಖಾಸಗಿ ರೆಸಾರ್ಟ್ನಿಂದ ಮುಚ್ಚಲಾಗಿದೆ. ಈ ಬಗ್ಗೆ ಸ್ಥಳೀಯ ಸಿವಿಲ್ ನ್ಯಾಯಾಲಯ ಹೈಕೋರ್ಟ್ ಆದೇಶವಿದ್ದರೂ ಆಡಳಿತ ಕ್ರಮ ವಹಿಸುತ್ತಿಲ್ಲ.

ಜಿಲ್ಲೆಯಲ್ಲಿ ಆಡಳಿತ ಪಕ್ಷದಿಂದ ದುರಾಡಳಿತ ನಡೆಯುತ್ತಿದೆ. ವಿರೋಧ ಪಕ್ಷ ಇಲ್ಲವಾಗಿದೆ. ಅಧಿಕಾರಿಗಳ ಮೇಲೆ ಒತ್ತಡ ಹೇರಲಾಗುತ್ತಿದೆ. ಲ್ಯಾಂಡ್ ಮಾಫಿಯಾ, ಸ್ಯಾಂಡ್ ಮಾಫಿಯಾ ಹಾಗೂ ಡ್ರಗ್ ಮಾಫಿಯಾಕ್ಕೆ ಆಡಳಿತ ಬೆಂಬಲ ನೀಡುತ್ತಿದೆ ಎಂದು ಆರೋಪಿಸಿದರು. ಕೋರ್ಟ್ ಆದೇಶವನ್ನು ಪಾಲಿಸದೇ ಇರುವ ಕಾರಣ ಅಽಕಾರಿಗಳ ಮೇಲೆ ನ್ಯಾಯಾಂಗ ನಿಂದನಾ ಅರ್ಜಿ ಸಲ್ಲಿಸಲು ಸಿದ್ಧತೆ ನಡೆಸಿದ್ದೇನೆ ಎಂದರು.