ಸಿಲೆಂಡರ್ ಸ್ಫೋಟದಿಂದ ಮನೆ ಭಸ್ಮ

ಈ ದುರ್ಘಟನೆಯಿಂದ ಹಂಚಿನ ಮನೆ ಪೂರ್ಣವಾಗಿ ಭಸ್ಮವಾಗಿರುವುದಲ್ಲದೆ ಮನೆಯಲ್ಲಿನ ಎರಡು ಕಬ್ಬಿಣದ ಬೀರುವಿನಲ್ಲಿ ಇಟ್ಟಿದ್ದ ಬಟ್ಟೆ, ಚಿನ್ನದ ಆಭರಣ ಮತ್ತು ನಗದು ಹಣ ಸೇರಿ ಮನೆಯ ಒಳಗಿದ್ದ ಎಲ್ಲ ವಸ್ತುಗಳು ಸಂಪೂರ್ಣವಾಗಿ ಸುಟ್ಟು ಕರಕಲಾಗಿವೆ.

ಕುಡ್ಲೆ ಬೀಚ್‌ನಲ್ಲಿ ಹೊಟೆಲ್ ಉದ್ಯಮ ನಡೆಸುತ್ತಿದ್ದ ಮುರಳೀಧರ ಭಾಸ್ಕರ ಕಾಮತ್ ಅವರ ಮನೆಯಾಗಿದ್ದು, ಅವಘಡದ ವೇಳೆ ಯಾರೂ ಮನೆಯಲ್ಲಿ ಇರದೆ ಎಲ್ಲರೂ ಕುಡ್ಲೆ ಬೀಚ್‌ನಲ್ಲಿ ಉಳಿದುಕೊಂಡಿದ್ದ ಕಾರಣ ಯಾವುದೇ ಜೀವ ಹಾನಿಯಾಗಿಲ್ಲ. ಕುಮಟಾದಿಂದ ಆಗಮಿಸಿದ ಅಗ್ನಿ ಶಾಮಕ ತಂಡ ಬೆಂಕಿ ಆರಿಸಿತು. ಕಂದಾಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ 11 ಲಕ್ಷ ರೂ. ಹಾನಿಯಾಗಿರಬಹುದೆಂದು ಅಂದಾಜಿಸಿದ್ದಾರೆ. ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.