ಹಳಿಯಾಳ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ವಿಳಂಬ ರೈತರು ಅಸಮಾಧಾನ

ಜಿಲ್ಲಾಧಿಕಾರಿ ಅವರಿಗೆ ಮನವಿ ಸಲ್ಲಿಸಿದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಂಗಳವಾರ ಮಾತನಾಡಿದ ಅವರು, ತಟ್ಟಿಹಳ್ಳ ಜಲಾಶಯದಿಂದ 18 ಬಾಂದಾರು ಹಾಗೂ ಕಾಳಿ ನದಿಯಿಂದ 46 ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ಇದಾಗಿದೆ. ಹಳಿಯಾಳದ ಭಾಗದ ಬಹಳ ವರ್ಷಗಳ ಬೇಡಿಕೆಗೆ 2017 ರಲ್ಲಿ ಮನ್ನಣೆ ಸಿಕ್ಕಿತು. 2018 ರಲ್ಲಿ ಕೆರೆ ತುಂಬಿಸುವ 220.35 ಕೋಟಿ ರೂ.ಗಳ ಯೋಜನೆಗೆ ಕಾರ್ಯಾದೇಶ ಸಿಕ್ಕಿತ್ತು. ಒಟ್ಟು 15 ಸಾವಿರ ಹೆಕ್ಟೇರ್ ಪ್ರದೇಶಕ್ಕೆ ನೀರು ಹರಿಸುವ ಯೋಜನೆ ಇದಾಗಿದೆ. 2019 ರಲ್ಲಿ ಕಾಮಗಾರಿ ಮುಕ್ತಾಯವಾಗಬೇಕಿತ್ತು. ಆದರೆ, ಇದುವರೆಗೂ ಮುಗಿದಿಲ್ಲ. ತಾಲೂಕಿನಲ್ಲಿ ಕಬ್ಬು ಬೆಳೆಯುವ ಪ್ರದೇಶ ಹೆಚ್ಚಾಗಿದೆ. ಸಾಕಷ್ಟು ನೀರು ಸಿಗದ ಕಾರಣ ಎಕರೆಗೆ 20 ರಿಂದ 25 ಟನ್ ಮಾತ್ರ ಇಳುವರಿ ಸಿಗುತ್ತಿದೆ. ಬೋರ್‌ವೆಲ್‌ನಲ್ಲಿ ನೀರು ಬರುತ್ತಿಲ್ಲ. ಇದರಿಂದ ರೈತರು ಐದಾರು ಬೋರ್‌ವೆಲ್ ಹೊಡೆಸಿ, ನೀರಿಗಾಗಿ ಹುಡುಕಾಟ ನಡೆಸಿದ್ದಾರೆ. ಆರ್ಥಿಕವಾಗಿ ದಿವಾಳಿಯಾಗುತ್ತಿದ್ದಾರೆ.

ಜಿಲ್ಲಾಧಿಕಾರಿ ಅವರಿಗೆ ಮನವಿ ನೀಡಿದ್ದು, ವಿಶೇಷ ಸಭೆ ನಡೆಸಿ, ಕಾಮಗಾರಿ ವಿಳಂಬಕ್ಕೆ ಕಾರಣವೇನು ಎಂಬುದನ್ನು ಕಂಡು ಹಿಡಿದು ಅದಕ್ಕೆ ಪರಿಹಾರ ಹುಡುಕಬೇಕು ಎಂದು ವಿನಂತಿಸಿದ್ದೇವೆ. ಗಡುವು ಮೀರಿದಲ್ಲಿ ಹಳಿಯಾಳದಲ್ಲಿ ತೀವ್ರ ಪ್ರತಿಭಟನೆ ನಡೆಸಲಿದ್ದೇವೆ ಎಂದರು. ಕಬ್ಬು ಬೆಳೆಗಾರರ ಸಂಘದ ಪ್ರಮುಖರಾದ ಅಶೋಕ ಮೇಟಿ, ಮಹೇಶ ಕೋಳೆಕರ್, ಸುರೇಶ ಶಿವಣ್ಣ, ಪುಂಡಲೀಕ ಶಿಂಧೆ ಹಾಗೂ ಇತರರು ಇದ್ದರು.

ಕೆರೆಗೆ ನೀರು ತುಂಬಿಸುವ ಯೋಜನೆ ತಂದಿದ್ದೇವೆ ಎಂದು ಪ್ರಚಾರ ಪಡೆದ ಈ ಭಾಗದ ಶಾಸಕರು ಕಾಮಗಾರಿ ವಿಳಂಬವಾದ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಿಲ್ಲ ಎಂದು ಕಬ್ಬು ಬೆಳೆಗಾರರ ಹಿತರಕ್ಷಣಾ ಸಮಿತಿಯ ಅಧ್ಯಕ್ಷ ನಾಗೇಂದ್ರ ಜೀವೋಜಿ ಆಕ್ಷೇಪಿಸಿದರು. 2017 ರ ಅಂತ್ಯಕ್ಕೆ ಆಗಿನ ಸರ್ಕಾರದ ಸಿಎಂ ಸಿದ್ದರಾಮಯ್ಯ ಅವರು ಸುಮಾರು 780 ಕೋಟಿ ರೂ. ಕಾಮಗಾರಿಗಳ ಶಂಕುಸ್ಥಾಪನೆ ನೆರವೇರಿಸಿದ್ದರು. ಯುಜಿಡಿ, ಬಹುಗ್ರಾಮ ಕುಡಿಯುವ ನೀರಿನ ಯೋಜನೆ ಹಾಗೂ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆಯೂ ಇದರಲ್ಲಿತ್ತು. ಆದರೆ, ಯಾವುದೇ ಕಾಮಗಾರಿ ಮುಕ್ತಾಯವಾಗಿಲ್ಲ ಎಂದು ಅವರು ತಿಳಿಸಿದ್ದರು.