ಫುಟ್​ಪಾತ್​ ಒತ್ತುವರಿ ತೆರವಿಗೆ ಚಾಲನೆ

ನಗರಸಭೆ ಅಧಿಕಾರಿಗಳು ಮೊದಲು ಲೆನಿನ್​ ರಸ್ತೆಯಲ್ಲಿರುವ ಫುಟ್​ಪಾತ್​ ಅತಿಕ್ರಮಣ ತೆರವಿಗೆ ಮುಂದಾದಾಗ, ಒತ್ತುವರಿದಾರರು ಮತ್ತು ಅಧಿಕಾರಿಗಳ ನಡುವೆ ಕೆಲ ಸಮಯ ವಾಗ್ವಾದ ನಡೆಯಿತು. ಬಳಿಕ ಒತ್ತುವರಿ ಮಾಡಿಕೊಂಡಿರುವವರೇ ಸ್ವಯಂಪ್ರೇರಿತವಾಗಿ ಅತಿಕ್ರಮಣ ತೆರವುಗೊಳಿಸುವುದಾಗಿ ನಗರಸಭೆಗೆ ತಿಳಿಸಿದರು. ಅದೇ ರೀತಿ ಜೆ.ಎನ್​. ರಸ್ತೆಯ ಫುಟ್​ಪಾತ್​ನಲ್ಲಿ ಅನಧಿಕೃತವಾಗಿ ನಿಮಿರ್ಸಲಾಗಿದ್ದ ಶೆಡ್​ ಒಂದನ್ನು ತೆರವುಗೊಳಿಸಲು ಮುಂದಾದಾಗ, ಒತ್ತುವರಿದಾರರು ತಾವಾಗಿಯೇ ತೆರವು ಕಾರ್ಯಕ್ಕೆ ಮುಂದಾದರು.

ನಗರಸಭೆಯ ಪೌರಾಯುಕ್ತ ವಿವೇಕ ಬನ್ನೆ ಅವರ ನಿರ್ದೇಶನದಲ್ಲಿ ನಡೆದ ಈ ಒತ್ತುವರಿ ತೆರವು ಕಾರ್ಯಾಚರಣೆಯ ನೇತೃತ್ವವನ್ನು ನಗರಸಭೆಯ ವ್ಯವಸ್ಥಾಪಕ ಪರಶುರಾಮ ಶಿಂಧೆ, ಕಂದಾಯ ಅಧಿಕಾರಿ ಬಾಳು ಗವಸ ಮತ್ತು ಆರೋಗ್ಯ ನಿರೀಕ ವಿಲಾಸ್​ ವಹಿಸಿದ್ದರು. ಒತ್ತುವರಿ ತೆರವಿಗೆ ಪೌರ ಕಾಮಿರ್ಕರು ಸಹಕರಿಸಿದರು. ಫುಟ್​ಪಾತ್​ ಒತ್ತುವರಿ ಮಾಡಿಕೊಂಡಿರುವವರು ಕೂಡಲೇ ಸ್ವಯಂ ತೆರವುಗೊಳಿಸುವ ಮೂಲಕ ನಗರಸಭೆಗೆ ಸಹಕರಿಸಬೇಕು ಎಂದು ನಗರಸಭೆ ವ್ಯವಸ್ಥಾಪಕ ಪರಶುರಾಮ ಶಿಂಧೆ ಅವರು ಮಾಧ್ಯಮದ ಮೂಲಕ ಮನವಿ ಮಾಡಿದರು.