ಹೆದ್ದಾರಿಯಲ್ಲಿ ಗುಡ್ಡ ಕುಸಿತದ ಭೀತಿ

ಕಾಮಗಾರಿ ಪ್ರಾರಂಭವಾದಾಗಿನಿಂದ ಈ ಹೆದ್ದಾರಿಗೆ ಗುಡ್ಡದ ಭೂತ ಕಾಡುತ್ತಿದೆ. ಪ್ರತಿ ಮಳೆಗಾಲದಲ್ಲೂ ಅಲ್ಲಲ್ಲಿ ಕುಸಿತ ಉಂಟಾಗಿ ವಾಹನ ಸಂಚಾರ ಉಂಟಾಗುವುದು ಸಾಮಾನ್ಯ. ಆದರೆ, 2024 ರಲ್ಲಿ ನಡೆದ ಘಟನೆ ಇಡೀ ದೇಶವನ್ನೇ ತಲ್ಲಣಗೊಳಿಸಿತು. ಅಂಕೋಲಾ ಶಿರೂರಿನಲ್ಲಿ ಗುಡ್ಡ ಕುಸಿದು, ಲಾರಿಗಳು, ಇಂಧನ ಟ್ಯಾಂಕರ್‌ಗಳು, ಹೋಟೆಲ್ ಹಾಗೂ ಹೀಗೆ ಹಲವು ವಸ್ತುಗಳು ತೆಗೆಯಲು ಸಾಧ್ಯವಾಗದಂತೆ ಸಮಾಽಯಾದವು. ಮಾತ್ರವಲ್ಲ 11 ಜನ ಸಜೀವ ಸಮಾಽಯಾದರು.

ಇಷ್ಟು ದೊಡ್ಡ ಅವಗಢದ ನಂತರವೂ ರಾಷ್ಟ್ರೀಯ ಹೆದ್ದಾರಿ ವ್ಯವಸ್ಥೆಯಲ್ಲಿ ಯಾವುದೇ ಬದಲಾವಣೆ ಬಂದಿಲ್ಲ. ಜಿಲ್ಲಾಡಳಿತದ ಸೂಚನೆಯಂತೆ ಜಿಯಾಲಜಿಕಲ್ ಸರ್ವೇ ಆಫ್ ಇಂಡಿಯಾದ ತಜ್ಞರು ಆಗಮಿಸಿ ಹೆದ್ದಾರಿಗುಂಟ ಸಂಚರಿಸಿ, ಭೂ ಕುಸಿತ ಸ್ಥಳಗಳನ್ನು ಗುರುತಿಸಿದ್ದಾರೆ. ಕಾರವಾರ ತಾಲ್ಲೂಕಿನ ಸಂಕ್ರುಬಾಗ, ಅಂಕೋಲಾದ ಶಿರೂರು, ಕುಮಟಾ ತಾಲ್ಲೂಕಿನ ದುಂಡಕುಳಿ, ದೀವಗಿಯಲ್ಲಿ ಹೆದ್ದಾರಿ ಪಕ್ಕದದ ಗುಡ್ಡಕ್ಕೆ ತಡೆಗೋಡೆ ನಿರ್ಮಿಸಲು ಸೂಚನೆ ನೀಡಲಾಗಿದೆ. ಮಳೆಗಾಲಕ್ಕೆ ಮುನ್ನ ಸುರಕ್ಷತೆ ಕಾಮಗಾರಿ ಪೂರ್ಣಗೊಳಿಸಲು ಜಿಲ್ಲಾಡಳಿತ ಸೂಚನೆ ನೀಡಿದೆ. ಆದರೆ, ಇದುವರೆಗೂ ರಾಷ್ಟ್ರೀಯ ಹೆದ್ದಾರಿ ಪ್ರಾಽಕಾರ ತಡೆಗೋಡೆ ಮುಂತಾದ ಪರಿಣಾಮಕಾರಿ ಕ್ರಮ ವಹಿಸಲು ಮುಂದಾಗಿಲ್ಲ.

ಶಿರೂರಿನ ಬಳಿ ಗುತ್ತಿಗೆ ಕಂಪನಿ ಐಆರ್‌ಬಿ ಗುಡ್ಡವನ್ನು ತೆರವು ಮಾಡುವ ಕಾರ್ಯ ಮಾಡುತ್ತಿದೆ. ಆದರೆ, ಬೃಹತ್ ಗುಡ್ಡ ಮಳೆಗಾಲದಲ್ಲಿ ಜರಿದು ಬರುವ ಆತಂಕವಿದೆ. ರೂರಿನಲ್ಲಿ ಭೂಕುಸಿತ ಉಂಟಾದ ಸ್ಥಳದಲ್ಲಿ ಮತ್ತೆ ಮಣ್ಣಿನ ರಾಶಿ ಕುಸಿದು ರಸ್ತೆಗೆ ಬೀಳದಂತೆ ಗೇಬಿಯನ್ ವಾಲ್ ನಿರ್ಮಿಸಲು ಕಾಮಗಾರಿ ಆರಂಭಿಸಿದ್ದರು. ಕೆಲವೇ ಅಡಿ ಉದ್ದ, ಅಲ್ಪ ಎತ್ತರದ ಗೋಡೆ ನಿರ್ಮಿಸಿ ಕೆಲಸ ಸ್ಥಗಿತಗೊಳಿಸಲಾಗಿದೆ. ಮಳೆಗಾಲ ಸಮೀಪಿಸಿದ್ದು, ಈ ಪ್ರದೇಶದಲ್ಲಿ ಮತ್ತೆ ಭೂಕುಸಿತ ಉಂಟಾಗುವ ಆತಂಕವಿದೆ ಎಂಬುದು ಸ್ಥಳೀಯರ ಆತಂಕ.

ಶಿರಸಿ-ಕುಮಟಾ ರಾಷ್ಟ್ರೀಯ ಹೆದ್ದಾರಿ-766ಇ ದೇವಿಮನೆ ಘಟ್ಟದ ಪ್ರದೇಶದಲ್ಲಿ ಕಳೆದ ಬಾರಿಯೇ ಕುಸಿತ ಉಂಟಾಗಿತ್ತು. ಈ ವರ್ಷವೂ 20ಕ್ಕೂ ಹೆಚ್ಚು ಕಡೆ ಕುಸಿತವಾಗುವ ಆತಂಕವಿದೆ. ಈ ಮಳೆಗಾಲದ ಒಳಗೆ ಕಾಮಗಾರಿ ಮುಕ್ತಾಯವಾಗುವ ಸಾಧ್ಯತೆ ಇದೆ. ಆದರೆ, ಜೊತೆಗೆ 20 ಕಡೆಗಳಲ್ಲಿ ಕಾಂಕ್ರೀಟ್ ತಡೆಗೋಡೆ ನಿರ್ಮಿಸಲಾಗುತ್ತಿದೆ ಎಂದು ಗುತ್ತಿಗೆ ಕಂಪನಿ ತಿಳಿಸಿದೆ.

"