ಎಂಡೋ ಪೀಡಿತರ ಬಾಳಲ್ಲಿ ಆಶಾಕಿರಣ

ಬೆಂಗಳೂರಿನ ಆಶ್ರಯ ಹಸ್ತ ಟ್ರಸ್ಟ್ ನೆರವಿನಲ್ಲಿ ಶಿರಸಿಯ ಸ್ಕೋಡ್‌ವೇಸ್ ಸಂಸ್ಥೆಯು ಭಟ್ಕಳದಲ್ಲಿ ಆಶಾ ಕಿರಣ ಎಂಬ ವಿನೂತನ ಯೋಜನೆ ಪ್ರಾರಂಭಿಸಿದ್ದು, 280 ಕ್ಕೂ ಹೆಚ್ಚು ಅಂಗವಿಕಲ ಮಕ್ಕಳಿಗೆ, ಅವರ ಪಾಲಕರಿಗೆ ಕೊಂಚ ನೆಮ್ಮದಿ ತಂದಿದೆ.

ಯೋಜನೆಯಲ್ಲಿ ಬೆಳಕೆ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ ಫಿಜಿಯೋಥೆರಫಿ ಕೇಂದ್ರ ತೆರೆಯಲಾಗಿದೆ. ಅಂಗವೈಕಲ್ಯಕ್ಕೊಳಗಾದ ಭಟ್ಕಳದ 230 ಕ್ಕೂ ಅಽಕ ಮಕ್ಕಳನ್ನು ಗುರುತಿಸಿದ್ದು, ಅವರನ್ನು ಮನೆಯಿಂದಲೇ ಆಂಬುಲೆನ್ಸ್ಗಳ ಮೂಲಕ ಕರೆತಂದು ಅವರಿಗೆ ಈ ಕೇಂದ್ರದಲ್ಲಿ ನಿರಂತರವಾಗಿ ಎರಡು ತಿಂಗಳು ಫಿಜಿಯೋಥೆರಫಿ ಚಿಕಿತ್ಸೆ ನೀಡಲಾಗುತ್ತಿದೆ. ಅಲ್ಲದೇ ಈ ಅವಽಯಲ್ಲಿ ಅವರು ತಮ್ಮ ದೈನಂದಿನ ಕಾರ್ಯಗಳನ್ನು ಮಾಡಲು ಅನುಕೂಲವಾಗುವಂಥ ವ್ಯಾಯಾಮ ಹಾಗೂ ತರಬೇತಿಗಳನ್ನು ಮಾಡಿಸಲಾಗುತ್ತಿದೆ. ಅಗತ್ಯ ಔಷಧ ಹಾಗೂ ನ್ಯೂಟ್ರೀಶಿಯನ್ ಫುಡ್ ವಿತರಿಸಲಾಗುತ್ತಿದೆ. ಸ್ಕೋಡ್‌ವೇಸ್‌ನ 2 ಆಂಬುಲೆನ್ಸ್ಗಳು ಹಾಗೂ 8 ಕ್ಕೂ ಹೆಚ್ಚು ನುರಿತ ಸಿಬ್ಬಂದಿ ಈ ಕಾರ್ಯದಲ್ಲಿ ತೊಡಗಿದ್ದಾರೆ. ಇದರಿಂದ ಮಕ್ಕಳಲ್ಲಿ ಸಾಕಷ್ಟು ಬದಲಾವಣೆಗಳು ಕಂಡುಬರುತ್ತಿವೆ ಎಂದು ಸ್ವತಃ ಪಾಲಕರೇ ಹೇಳುತ್ತಿದ್ದಾರೆ. ಎರಡು ತಿಂಗಳ ನಂತರ ಶಿಬಿರ ಜಿಲ್ಲೆಯ ಇತರ ಐದು ಎಂಡೋ ಪೀಡಿತ ತಾಲೂಕುಗಳಿಗೆ ವರ್ಗಾವಣೆಯಾಗಲಿದೆ.

ಎಂಡೋ ಸಲಾನ್ ಪೀಡಿತರಿಗೆ ಸಕಲ ಸೌಲಭ್ಯ ಒದಗಿಸುವಂತೆ ಹೈಕೋರ್ಟ್ ಆದೇಶ ಮಾಡಿದೆ. ಆದರೆ, ಸರ್ಕಾರ ಅವರ ಬಗ್ಗೆ ಕೊಡುತ್ತಿರುವ ಕಾಳಜಿ ಅಷ್ಟಕ್ಕಷ್ಟೇ. ತಾಲೂಕಿಗೊಂದು ಫಿಜಿಯೋಥೆರಫಿ ವಾಹನ ನೀಡಲಾಗಿದೆ. ಅವರು ತಿಂಗಳಿಗೊಮ್ಮೆ ಬಾಧಿತರ ಮನೆಗೆ ಹೋಗುತ್ತಾರೆ. ಅದರಿಂದ ಪ್ರಯೋಜನವಾಗುತ್ತಿಲ್ಲ. ಉಚಿತ ಚಿಕಿತ್ಸೆಯನ್ನು ಮಣಿಪಾಲ ಆಸ್ಪತ್ರೆಯಲ್ಲಿ ನೀಡಲು ವ್ಯವಸ್ಥೆ ಮಾಡಲಾಗಿದೆ. ಆದರೆ, ಜಿಲ್ಲೆಯ ಪೀಡಿತರು ಅಷ್ಟು ದೂರ ತೆರಳುವುದೇ ಕಷ್ಟವಾಗಿದೆ. ಸರ್ಕಾರ ಮಾಡುವ ಕಾರ್ಯವನ್ನು ಸ್ವಯಂ ಸೇವಾ ಸಂಸ್ಥೆಯ ಮೂಲಕ ಪ್ರಾರಂಭಿಸಿರುವುದು ಶ್ಲಾಘನೀಯವಾಗಿದೆ.

ಆಶಾಕಿರಣ ಯೋಜನೆಯ ಫಲಾನುಭವಿಗಳಿಗೆ ಟ್ರಸ್ಟ್ನಿಂದ ವಿವಿಧ ಅಗತ್ಯ ಸಲಕರಣೆಗಳನ್ನು ವಿತರಿಸಲಾಯಿತು. ಅದನ್ನು ಡಿಎಚ್‌ಒ ಡಾ.ಶಂಕರ ರಾವ್ ಉದ್ಘಾಟಿಸಿದರು. ಎಂಡೋ ಸಲಾನ್ ಪೀಡಿತರಿಗೆ ಮಂಕಿಯಲ್ಲಿ ಶಾಶ್ವತ ಯೋಗಕ್ಷೇಮ ಕೇಂದ್ರ ತೆರೆಯಲು 20 ಕೋಟಿ ರೂ.ಗಳ ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಸಲ್ಲಿಸಲಾಗಿದೆ. ಅಲ್ಲದೇ ಪ್ರತಿ ಎರಡು ತಾಲೂಕಿಗೆ ಒಂದರAತೆ ಹಗಲು ಯೋಗಕ್ಷೇಮ ಕೇಂದ್ರ ತೆರೆಯುವ ಯೋಜನೆ ಇದೆ ಎಂದರು.

ಆಶ್ರಯ ಹಸ್ತ ಟ್ರಸ್ಟ್ನ ಡಾ.ಜಯರಾಮನ್ ಎನ್. ಭಟ್ಕಳ ಟಿಎಚ್‌ಒ ಪ್ರಿಯಾ ಗೋನ್ಸಾಲ್ವೀಸ್, ಗ್ರೇಡ್2 ತಹಸೀಲ್ದಾರ್ ಪ್ರವೀಣ, ಸಹಾಯಕ ತೋಟಗಾರಿಕೆ ಅಽಕಾರಿ ಶ್ರವಣ ಕುಮಾರ, ಬೆಳಕೆ ಗ್ರಾಪಂ ನಿಕಟಪೂರ್ವ ಅಧ್ಯಕ್ಷ ಜಗದೀಶ ನಾಯಕ, ಶಿಕ್ಷಣ ಸಮನ್ವಯಾಧಿಕಾರಿ ಪೂರ್ಣಿಮಾ ಮೊಗೇರ, ಬೆಳಕೆ ಪ್ರೌಢಶಾಲೆಯ ಮುಖ್ಯಾಧ್ಯಾಪಕಿ ಶಾಲಿನಿ ನಾಯ್ಕ ಇದ್ದರು. ಸ್ಕೋಡ್‌ವೇಸ್‌ನ ನಾರಾಯಣ ಹೆಗಡೆ ಕಾರ್ಯಕ್ರಮ ನಿರೂಪಿಸಿದರು. ಶಾಯಲ್ ಪ್ರಾರ್ಥಿಸಿದರು.

"

"