ಮಂಗಳವಾರ ನಗರದ ಸಂಸದರ ಕಾರ್ಯಾಲಯದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕರ್ನಾಟಕ ಭ್ರಷ್ಟಾಚಾರದಲ್ಲಿ ನಂಬರ್ ಸ್ಥಾನದಲ್ಲಿದೆ. ಕೊಲೆ, ದರೋಡೆ, ಶಾಂತಿ-ಸುವ್ಯವಸ್ಥೆ ಹದಗೆಟ್ಟಿದೆ. ಜನಿವಾರ, ಹಿಜಾಬ್ ಸೇರಿದಂತೆ ಇನ್ನಿತರ ವಿವಾದಗಳ ಸರಮಾಲೆಗಳು, ಅಲ್ಪ ಸಂಖ್ಯಾತರ ಓಲೈಕೆಗೆ ಸಮರ್ಪಿತ ಸರ್ಕಾರವಾಗಿದೆ. ಆರ್ಥಿಕವಾಗಿ ದಿವಾಳಿಯಾಗಿ ಸಾಲ ಮಿತಿ ಮೀರುತ್ತಿದೆ. ಬಹುಸಂಖ್ಯಾತ ಹಿಂದೂಗಳ ಭಾವನೆಗಳನ್ನು ಧಿಕ್ಕರಿಸುತ್ತಿದೆ. ಕಾಂಗ್ರೆಸ್ಸಿನ ಮರಿ ಪುಡಾರಿಗಳ ಗೂಂಡಾ ವರ್ತನೆ ಮಿತಿ ಮೀರಿದೆ. ಸರ್ಕಾರದ ವಿರುದ್ಧ ಬೇಸತ್ತ ರಾಜ್ಯದ ಜನ ಬದಲಾವಣೆ ಬಯಸುತ್ತಿದ್ದಾರೆ. ಆರ್ಎಸ್ಎಸ್, ಕೇಂದ್ರ ಸರ್ಕಾರ, ನರೇಂದ್ರ ಮೋದಿ ಅವರ ಮೇಲೆ ಇಲ್ಲ ಸಲ್ಲದ ಆರೋಪ ಮಾಡುವುದು ಸರ್ಕಾರದ ಸಾಧನೆಯಾಗಿದೆ. ಗ್ಯಾರಂಟಿಯ ಕೀರಿಟವನ್ನು ತಲೆ ಮೇಲೆ ಇಟ್ಟಿಕೊಂಡು ಓಡಾಡುತ್ತಿದೆ. ಅದು ಡುಪ್ಲಿಕೇಟ್ ಕಿರೀಟ ಎಂಬುದು ರಾಜ್ಯಾದ್ಯಾಂತ ಚರ್ಚೆಯಾಗುತ್ತದೆ ಎಂದರು.
