ಸ್ಪರ್ಧೆಯಿಂದ ಪ್ರತಿಭೆ ಅನಾವರಣ ಸಾಧ್ಯ

ಪಟ್ಟಣದ ನೆಹರೂ ಮೈದಾನದಲ್ಲಿ ನಾಡದೇವಿ ಜನಪರ ವೇದಿಕೆ ಸಂಘಟನೆಯವರು ಕನ್ನಡ ರಾಜ್ಯೋತ್ಸವ ಪ್ರಯುಕ್ತ ಶನಿವಾರ ಆಯೋಜಿಸಿದ್ದ ಡಾನ್ಸ್ ಕನ್ನಡ ಡಾನ್ಸ್ ನೃತ್ಯ ಸ್ಪರ್ಧೆ (ಅಪ್ಪು ಟ್ರೋಪಿ) ಹಾಗೂ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.

ಮುಂದಿನ ಪೀಳಿಗೆಗೆ ನಾವು ನಮ್ಮ ಸಂಸ್ಕೃತಿ, ಆಚಾರ-ವಿಚಾರ, ನಾಡ ರಕ್ಷಣೆ ಬಗ್ಗೆ ಕಾರ್ಯಕ್ರಮ ನೀಡುವ ಮೂಲಕ ಅವರಿಗೆ ನಾಡ ರಕ್ಷಣೆ ಜವಾಬ್ದಾರಿಯ ದಾರಿ ತೋರಿಸುವ ಕೆಲಸ ಮಾಡಬೇಕಾಗಿದೆ ಎಂದರು.

ತಾಲೂಕು ಗ್ಯಾರಂಟಿ ಯೋಜನೆ ಅನುಷ್ಠಾನ ಸಮಿತಿ ಅಧ್ಯಕ್ಷ ಕೆ.ಜಿ. ನಾಗರಾಜ ಅಧ್ಯಕ್ಷತೆವಹಿಸಿದ್ದರು. ಪ್ರಮುಖರಾದ ವಿ.ಎನ್. ನಾಯ್ಕ, ರೈತ ಮುಖಂಡ ವೀರಭದ್ರ ನಾಯ್ಕ, ರಾಜೇಶ ನಾಯ್ಕ ಕತ್ತಿ, ವಿಶ್ವ ಗೌಡ, ಕೃಷ್ಣಮೂರ್ತಿ ಐಸೂರು, ವಿನಾಯಕ ನಾಯ್ಕ, ಅಣ್ಣಪ್ಪ ಶಿರಳಗಿ, ಎಸ್.ಬಿ. ನಾಯ್ಕ, ಅನಿಲ್ ಕೊಠಾರಿ, ವೆಂಕಟೇಶ ನಾಯ್ಕ, ಲೀಲಾವತಿ ನಾಯ್ಕ ಇತರರಿದ್ದರು. ಪತ್ರಕರ್ತ ದಿವಾಕರ ನಾಯ್ಕ ಸ್ವಾಗತಿಸಿದರು. ತೃಪ್ತಿ ನಾಯ್ಕ ಕಾರ್ಯಕ್ರಮ ನಿರ್ವಹಿಸಿದರು.

ರಾಜ್ಯಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕೃತ ಗೋಪಾಲ ನಾಯ್ಕ ಭಾಶಿ, ಉದ್ಯಮಿ ಗೋಪಾಲ ನಾಯ್ಕ, ಹಿರಿಯ ಪೌರ ಕಾರ್ಮಿಕ ಶೇಖರ್ ಕೋರಾರ್ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ಸ್ಪರ್ಧೆಯಲ್ಲಿ 14 ಗುಂಪು ನೃತ್ಯ, 12 ವೈಯಕ್ತಿಕ ನೃತ್ಯಗಳು ನಡೆಯಿತು. ಗುಂಪು ನೃತ್ಯದಲ್ಲಿ ತೊಗರ್ಸಿಯ ಎನ್‌ಡಿಎ ಡಾನ್ಸ್ ಅಕಾಡೆಮಿ ಪ್ರಥಮ, ಸೊರಬದ ಡ್ರೀಮ್ ಡಾನ್ಸ್ ಅಕಾಡೆಮಿ ದ್ವಿತೀಯ, ಹಾಗೂ ವೈಯಕ್ತಿಕ ನೃತ್ಯದಲ್ಲಿ ಎನ್‌ಡಿಎ ಡಾನ್ಸ್ ಅಕಾಡೆಮಿಯ ಸ್ವಾತಿ ಪ್ರಥಮ ಹಾಗೂ ಹೊನ್ನೇಬಿಡಾರದ ನಿಶಾ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾರೆ.