10 ತಿಂಗಳಿಂದ ವೇತನವಿಲ್ಲದೇ ಸಂಕಷ್ಟಕ್ಕೆ ಒಳಗಾಗಿರುವ ಮಕ್ಕಳ ಸಹಾಯವಾಣಿ ಸಿಬ್ಬಂದಿ

ಮಕ್ಕಳ ರಕ್ಷಣೆ ಮತ್ತು ಪಾಲನೆ ಕಾಯ್ದೆ-2015 ರಂತೆ ಕರ್ನಾಟಕ ಸರ್ಕಾರ ಮಕ್ಕಳ ಸಹಾಯವಾಣಿಯನ್ನು ಪ್ರಾರಂಭಿಸಿತು. ಅದರ ಅನ್ವಯ ಮೊದಲು ಖಾಸಗಿ ಸ್ವಯಂ ಸೇವಾ ಸಂಸ್ಥೆಯ ಮೂಲಕ ಈ ಸಹಾಯವಾಣಿ ನಡೆಯುತ್ತಿತ್ತು. 2023 ರ ಸೆಪ್ಟೆಂಬರ್‌ನಲ್ಲಿ ಸಹಾಯವಾಣಿಯನ್ನು ಸರ್ಕಾರವೇ ವಹಿಸಿಕೊಂಡು ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದಡಿ ಕಾರ್ಯ ನಿರ್ವಹಣೆ ಶುರು ಮಾಡಿದೆ. ಮಕ್ಕಳ ಹಕ್ಕುಗಳಿಗೆ ತೊಂದರೆಯಾದಲ್ಲಿ , ಅವರ ಮೇಲೆ ದೌರ್ಜನ್ಯವಾದಲ್ಲಿ ಸ್ಥಳಕ್ಕೆ ತೆರಳಿ ಅದಕ್ಕೆ ಪರಿಹಾರ ಸೂಚಿಸುವುದು ಈ ಸಹಾಯವಾಣಿಯ ನೌಕರರ ಕಾರ್ಯವಾಗಿದೆ. ಆದರೆ, 10 ತಿಂಗಳಿಂದ ವೇತನವಾಗದ ಕಾರಣ ನೌಕರರು ತೀವ್ರ ಸಂಕಷ್ಟ ಅನುಭವಿಸುವಂತಾಗಿದೆ. ಇದನ್ನು ಪ್ರಶ್ನಿಸಿ ಆಗಸ್ಟ್ 11 ರಿಂದ ಬೆಂಗಳೂರಿನಲ್ಲಿ ಕರ್ನಾಟಕ ರಾಜ್ಯ ಸರ್ಕಾರಿ ಕಾಯಮೇತರ ನೌಕರರ ಒಕ್ಕೂಟದ ಅಡಿ ಸಹಾಯವಾಣಿ ನೌಕರರು ಅನಿಽðಷ್ಠಾವಽ ಪ್ರತಿಭಟನೆ ಹಮ್ಮಿಕೊಂಡಿದ್ದಾರೆ.

ಮಕ್ಕಳ ರಕ್ಷಣೆ ಸಂಬಂಧ ಕೇಂದ್ರ ಸರ್ಕಾರದಿಂದ ಬರುವ ಅನುದಾನವನ್ನು ಬಳಸಿಕೊಂಡು ರಾಜ್ಯದ ಎಲ್ಲ ಜಿಲ್ಲೆಗಳಲ್ಲಿ ಮಕ್ಕಳ ಸಹಾಯವಾಣಿ ನಡೆಸಲಾಗುತ್ತಿತ್ತು. ಆದರೆ, ಕೇಂದ್ರದ ಅನುದಾನ ಬಾರದ ಕಾರಣ ವೇತನ ಪಾವತಿಯಾಗಿಲ್ಲ ಎಂದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ. ನಮಗೆ ಉದ್ಯೋಗ ನೀಡಿದ್ದು, ನಾವು ವರದಿಗಳನ್ನು ಕಳಿಸುವುದು ರಾಜ್ಯ ಸರ್ಕಾರಕ್ಕೆ ಅದಕ್ಕಾಗಿ ಈ ಸಮಸ್ಯೆಗೆ ರಾಜ್ಯ ಹಾಗೂ ಕೇಂದ್ರಗಳೆರಡೂ ಹೊಣೆ ಎಂಬುದು ಈಗ ಉದ್ಯೋಗಿಗಳ ವಾದ.

ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಕ್ಕಳ ಸಹಾಯವಾಣಿಯಲ್ಲಿ ಒಬ್ಬ ಸಂಯೋಜಕರು, ಒಬ್ಬ ಆಪ್ತ ಸಮಾಲೋಚಕರು, ಮೂವರು ಮೇಲ್ವಿಚಾರಕರು, ಹಾಗೂ ಮೂವರು ಕೇಸ್ ವರ್ಕರ್‌ಗಳು ಸೇರಿ ಒಟ್ಟು 8 ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಜಿಲ್ಲೆಯಲ್ಲಿ 2023 ರಿಂದ ಇದುವರೆಗೆ 472 ಪ್ರಕರಣಗಳನ್ನು ನಿರ್ವಹಿಸಿದ್ದು, ಹಲವು ಮಕ್ಕಳಿಗೆ ನ್ಯಾಯ ಕೊಡಿಸಿದ್ದಾರೆ. ಆದರೆ, ಇವರಿಗೆ 10 ತಿಂಗಳಿAದ ವೇತನವಾಗಿಲ್ಲ. ಓಡಾ ಮಾಡಿದ್ದಕ್ಕಾಗಿ 16 ತಿಂಗಳಿAದ ಓಡಾಟದ ವೆಚ್ಚವನ್ನೂ ನೀಡಿಲ್ಲ. ಇದರಿಂದ ಅದರಲ್ಲಿ ನಮ್ಮ ಜಿಲ್ಲೆಯಿಂದಲೂ ಕೆಲವರು ತೆರಳಲಿದ್ದೇವೆ ಎಂದು ನೌಕರರು ತಿಳಿಸಿದ್ದಾರೆ.