Alemane festival ಆಕರ್ಷಣೆ ಕೇಂದ್ರ ಆಲೆಮನೆ ಹಬ್ಬ

ಶಿರಸಿ: ನಗರದ ವಿಕಾಸಾಶ್ರಮ ಮೈದಾನದಲ್ಲಿ ರೋಟರಿ ಸಂಸ್ಥೆ ಆಯೋಜಿಸಿರುವ ಆಲೆಮನೆ ಹಬ್ಬ Alemane festival ಈಗ ನಗರವಾಸಿಗಳ ಆಕರ್ಷಣೆಯ ಕೇಂದ್ರವಾಗಿದೆ.

ಇಲ್ಲಿಯ ವಿಶೇಷ ಪ್ರದರ್ಶನಗಳು, ವಿವಿಧ ಸ್ಪರ್ಧೆಗಳು ಹಾಗೂ ಮನರಂಜನಾ ಕಾರ್ಯಕ್ರಮಗಳಿಗೆ ನಗರವಾಸಿಗಳು ಕುಟುಂಬ ಸಮೇತವಾಗಿ ತೆರಳುತ್ತಿದ್ದಾರೆ.

ರೋಟರಿ ಸಂಸ್ಥೆ ವಿವಿಧ ಜನೋಪಯೋಗಿ ವಿವಿಧ ಯೋಜನೆಗಳನ್ನು ಹಮ್ಮಿಕೊಳ್ಳುತ್ತಿದೆ. ಈ ಯೋಜನೆಗೆ ರೋಟರಿ ಸಂಸ್ಥೆ ಹಣಕಾಸಿನ ನೆರವು ನೀಡುತ್ತದೆಯಾದರೂ ಅಲ್ಪ ಪ್ರಮಾಣದ ಆರಂಭಿಕ ಹಣವನ್ನು ಸ್ಥಳೀಯ ರೋಟರಿ ಸಂಸ್ಥೆಗಳು ಭರಿಸಬೇಕಾಗುತ್ತದೆ.

ಈ ಉದ್ದೇಶದೊಂದಿಗೆ ನಾಲ್ಕು ದಿನಗಳ ಕಾಲ ನಗರದಲ್ಲಿ ಆಲೆಮನೆ ಹಬ್ಬವನ್ನು ಹಮ್ಮಿಕೊಳ್ಳಲಾಗಿದ್ದು, ಮೊದಲ ದಿನವಾದ ಗುರುವಾರ ಸಂಜೆ ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತಗೊಂಡಿದೆ.

ಆಲೆಮನೆ ಹಬ್ಬ ಉದ್ಘಾಟಿಸಿ ಮಾತನಾಡಿದ ರೋಟರಿ ಮಾಜಿ ಗವರ್ನರ್ ಗಿರೀಶ್ ಮಾಸೂರ್ಕರ್, ನಿಸ್ವಾರ್ಥ ಭಾವನೆಯಿಂದ ನಮ್ಮ ಕ್ಲಬ್ ಕೆಲಸ ಮಾಡುತ್ತ ಬಂದಿದೆ. ಸಾಮಾಜಿಕ ಜವಾಬ್ದಾರಿಯೊಂದಿಗೆ ಅನೇಕ ಸಮಾಜಮುಖಿ ಕಾರ್ಯಗಳ ಮೂಲಕ ರೋಟರಿ ಕ್ಲಬ್ ಜನಮಾನಸದಲ್ಲಿ ನೆಲೆ ನಿಲ್ಲುವ ಪ್ರಯತ್ನ ಮಾಡುತ್ತಿದೆ ಎಂದರು.

23 ವಿವಿಧ ದೇಶಗಳ ತಳಿಗಳ ಶ್ವಾನಗಳು ಪ್ರದರ್ಶಿತಗೊಂಡವು. ನಂತರ ಕೈಗಾದ ಸಿ.ಐ.ಎಸ್.ಎಫ್ ಪಡೆಯ ಶ್ವಾನಗಳು ತಮ್ಮ ಚಾಕಚಕ್ಯತೆಯನ್ನು ಪ್ರದರ್ಶಿಸಿದವು.