ಅನರ್ಹರು ಸೌಲಭ್ಯ ಪಡೆದರೆ ವಾಪಸ್‌ : ಶಾಸಕ ಸತೀಶ ಸೈಲ್‌ ಎಚ್ಚರಿಕೆ

ನಗರಸಭೆ ಆವರದಲ್ಲಿ ಸೋಮವಾರ ಆಯೋಜಿಸಿದ್ದ ಅಮೃತ ನಗರೋತ್ಥಾನ ಹಂತ 4 ರ ಯೋಜನೆಯಡಿ ಫಲಾನುಭವಿಗಳಿಗೆ ಇಲೆಕ್ಟ್ರಿಕ್ ಆಟೋ, ತ್ರಿಚಕ್ರ ವಾಹನ ಹಾಗೂ ಸಿಂಟೆಕ್ಸ್ ಗಳನ್ನು ವಿತರಿಸಿ ಅವರು ಮಾತನಾಡಿದರು.

ನಗರದ ಬಡ ಹಾಗೂ ಮಧ್ಯಮ ವರ್ಗದ ಜನರ ಆರ್ಥಿಕ ಸಬಲೀಕರಣ ಮತ್ತು ಮೂಲಸೌಕರ್ಯಗಳ ವೃದ್ಧಿಗಾಗಿ ಶ್ರಮಿಸಲಾಗುವುದು. ಫಲಾನುಭವಿಗಳ ಆಯ್ಕೆ ಪ್ರಕ್ರಿಯೆ ಪಾರದರ್ಶಕವಾಗಿರುವಂತೆ ನೋಡಿಕೊಳ್ಳಬೇಕು. ಸರ್ಕಾರದಿಂದ ವಾಹನ ಪಡೆದ ಬಗ್ಗೆ ಆರ್‌ಟಿಒ ಅವರಿಂದ ಮರುಪರಿಶೀಲನೆ ಮಾಡಬೇಕು ಎಂದು ನಗರಸಭೆ ಪೌರಾಯುಕ್ತರಿಂದ ಸೂಚಿಸಿದರು.

ಎಂಎಲ್‌ಸಿ ಗಣಪತಿ ಡಿ. ಉಳ್ವೇಕರ್ ಮಾತನಾಡಿ, ಪ್ರತಿ ವರ್ಷ ಸರ್ಕಾರದ ಅನುದಾನದಲ್ಲಿ ಪ.ಜಾತಿ ಮತ್ತು ಪ.ಪಂಗಡದವರ ಅಭಿವೃದ್ಧಿಗಾಗಿ ಒಟ್ಟಾರೆ ಶಾಸಕರ ಪ್ರದೇಶಾಭಿವೃದ್ಧಿ ನಿಽಯ ಶೇ. 24.10 ಅನುಧಾನ ಹಾಗೂ ಹಿಂದುಳಿದ ವರ್ಗದವರ ಕಲ್ಯಾಣಕ್ಕಾಗಿ ಶೇ. 7.5 ಅನುದಾನವನ್ನು ಕಾಯ್ದಿರಿಸಲಾಗುತ್ತದೆ. ಈ ಕಾಯ್ದಿರಿಸಿದ ವಿಶೇಷ ಅನುದಾನದ ಅಡಿ ಇಂಥ ಸೌಲಭ್ಯ ವಿತರಿಸಲಾಗುತ್ತದೆ ಎಂದರು. ನಗರಸಭೆ ಪೌರಾಯುಕ್ತ ಜಗದೀಶ ಹುಲಿಗೆಜ್ಜಿ, ಎಇಇ ಸದಾನಂದ ಸಾಳೇಹಿತ್ತಲ್, ನಾರಾಯಣ ನಾಯಕ ಇದ್ದರು.

ಅಮೃತ ನಗರೋತ್ಥಾನದ 4ನೇ ಹಂತದ ಯೋಜನೆಯಡಿ ಬಡ ಜನರಿಗೆ ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳಲು ಅನುಕೂಲವಾಗುವಂತೆ ತಲಾ 5.40 ಲಕ್ಷ ರೂ. ಮೌಲ್ಯದ 11 ಎಲೆಕ್ಟ್ರಿಕ್ ಆಟೋಗಳು, ಒಟ್ಟು 24 ಲಕ್ಷದ 14 ತ್ರಿಚಕ್ರ ವಾಹನಗಳು, 965 ಸಿಂಟೆಕ್ಸ್ ಟ್ಯಾಂಕ್‌ಗಳು ಸೇರಿದಂತೆ ಒಟ್ಟು 1.90 ಕೋಟಿ ರೂ ಸಾಮಗ್ರಿಗಳನ್ನು ವಿತರಿಸಲಾಯಿತು. 2025-26 ನೇ ಎಸ್.ಎಫ್.ಸಿ ಯೋಜನೆಯಡಿ ಆಶಾ ನಿಕೇತನದ ಕಿವುಡ ಹಾಗೂ ಮೂಕ ಮಕ್ಕಳ ವಸತಿ ಶಾಲೆಗೆ ಪಿಠೋಪಕರಣಗಳನ್ನು ವಿತರಿಸಿಲಾಯಿತು.