ನೌಕಾನೆಲೆಯಲ್ಲಿ ಎಐ ಆಧಾರಿತ ಆರೋಗ್ಯ ತಪಾಸಣೆ

ಸ್ಯಾಮ್‌ ಇಂಡಿಯಾ ಪ್ರೊಜೆಕ್ಟ್ ಲಿ. 55ನೇ ರಾಷ್ಟ್ರೀಯ ಸುರಕ್ಷತಾ ಸಪ್ತಾಹದ ಅಂಗವಾಗಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಹಯೋಗದಲ್ಲಿ ಈ ಕಾರ್ಯಕ್ರಮ ನಡೆಯಿತು.

ಕರ್ನಲ್ ದಿನೇಶಕುಮಾರ್ ಹಾಗೂ ಸ್ಯಾಮ್ ಇಂಡಿಯಾ ಯೋಜನಾ ವ್ಯವಸ್ಥಾಪಕ ಆರ್ ಸೆಂಥಿಲ್ ಕುಮಾರ್ ಉದ್ಘಾಟಿಸಿ, ಶಿಬಿರಕ್ಕೆ ಚಾಲನೆ ನೀಡಿದರು. ಡಾ.ಹರ್ಷ ವೆಂಕಟೇಶ್ ಈ ಅತ್ಯಾಧುನಿಕ ಎಐ ಯಂತ್ರ ಹಾಗೂ ವಿವಿಧ ಕಾಯಿಲೆಗಳ ಬಗ್ಗೆ ಮಾಹಿತಿ ನೀಡಿದರು.

ಡಾ. ಅಭಿಲಾಶ್, ಡಾ.ಶರಧಿ, ಡಾ. ಸತೀಶ್ ಹಾಗೂ ಡಾ. ಶಾಯಿನ್ ನೌಕಾನೆಲೆಯಲ್ಲಿ 425 ಸಿಬ್ಬಂದಿಯ ಆರೋಗ್ಯ ತಪಾಸಣೆ ನಡೆಸಿ 110 ಜನರಿಗೆ ಎಐ ರಿಪೋರ್ಟ್ ನೀಡಿದ್ದಾರೆ. ವಿಕಿರಣ ಶಾಸ್ತ್ರ ತಜ್ಞ ಡಾ. ಪ್ರಕಾಶ್ ನಾಯ್ಕ, ಸುರೇಂದ್ರ, ಪ್ರಜ್ವಲ್, ಆಪ್ತ ಸಮಾಲೋಚಕರಾದ ಶಾಲಿನಿ, ಪ್ರಯೋಗಾಲಯ ಸಿಬ್ಬಂದಿ ಛಾಯಾ ಕಾರ್ಯನಿರ್ವಹಿಸಿದರು. ಕಂಪನಿಯ ಸುರಕ್ಷತಾ ಅಧಿಕಾರಿ ವಿಶಾಂತ ಘಜಿನಕರ ಸ್ವಾಗತಿಸಿದರು.