Festival ಗಮನಸೆಳೆದ ದಹಿಂಕಾಲ ಉತ್ಸವದ ರೂಪಕ

ಅಂಕೋಲಾ: ನಾಮಧಾರಿ ಸಮಾಜದ ದಹಿಂಕಾಲ ಉತ್ಸವ (Festival) ಶುಕ್ರವಾರ ಸಂಭ್ರಮ ಸಡಗರದಿಂದ ನಡೆಯಿತು.

ಅನಾದಿಕಾಲದಿಂದಲೂ ನಾಮಧಾರಿ ಸಮಾಜದ ದಹಿಂಕಾಲ ಉತ್ಸವ ನಡೆಯುತ್ತಿದ್ದು, ಈ ವರ್ಷ ವಿಶೇಷವಾಗಿ ಹಲವು ರೂಪಕಗಳು ಅತ್ಯಂತ ಗಮನ ಸೆಳೆದವು. 

ದಹಿಂಕಾಲದ ಆಕರ್ಷಕವಾಗಿ ಆನೆಯ ರೂಪಕ ಗಮನ ಸೆಳೆದವು. ತಿರುಪತಿ ವೆಂಕಟರಮಣ ದೇವರ ಸ್ತಬ್ಧಚಿತ್ರ, ಶ್ರೀ ನಾರಾಯಣಗುರು ಸ್ತಬ್ಧಚಿತ್ರ, ವೀರಗಾಸೆ, ವರಾಹ ರೂಪಕ, ಗುರುಡಾವತಾರ, ಎಸ್. ಬಂಗಾರಪ್ಪನವರ ಸ್ತಬ್ಧಚಿತ್ರ, ಕಾಳಿಂಗ ಮರ್ದನ, ವಿಷ್ಣು ಅವತಾರ ಹಾಗೇ ವಿವಿಧ ರೂಪಕಗಳು ಮೆರವಣಿಗೆಯಲ್ಲಿ ಆಕರ್ಷಕವಾಗಿತ್ತು.

 ಶ್ರೀ ಶಾಂತಾದುರ್ಗಾ ದೇವಿಯ ರಥವು ವೆಂಕಟರಮಣ ದೇವಸ್ಥಾನಕ್ಕೆ ತೆರಳಿ ಅಲ್ಲಿಂದ ವಿಶೇಷವಾಗಿ ವೆಂಕಟರಮಣ, ಶಾಂತಾದುರ್ಗಾ ಜೋಡಿರಥಗಳು ಒಟ್ಟಿಗೆ ಆಗಮಿಸಿತು.

ಅಲ್ಲಿಂದ ಸಾಗಿಬಂದ ಜೋಡಿರಥ ಶ್ರೀ ಶಾಂತಾದುರ್ಗಾ ದೇವಸ್ಥಾನಕ್ಕೆ ತೆರಳಿ ನಂತರ ಅಲ್ಲಿಂದ ಶ್ರೀ ವೆಂಕಟರಮಣ ದೇವರ ರಥ ಆಡುಕಟ್ಟೆಯಲ್ಲಿ ಆಸೀನವಾಯಿತು.