ಕಾರವಾರ-ಕೈಗಾ ನಡುವೆ 9 ಸೇತುವೆಗಳು ಶಿಥಿಲ

ಕಾರವಾರ-ಇಳಕಲ್ ರಾಜ್ಯ ಹೆದ್ದಾರಿ ಇದಾಗಿದೆ. ಕಾರವಾರದಿಂದ ಕೈಗಾವರೆಗೆ ಒಟ್ಟು 49 ಕಿಮೀಯಲ್ಲಿ ಒಟ್ಟು 20 ಕ್ಕೂ ಅಽಕ ಸಣ್ಣ ಹಾಗೂ ದೊಡ್ಡ ಸೇತುವೆಗಳಿವೆ. ಮಳೆಗಾಲದಲ್ಲಿ ಗುಡ್ಡದಿಂದ ಹರಿದು ಬರುವ ನೀರನ್ನು ಸಮುದ್ರಕ್ಕೆ ಸೇರಿಸುವ ಹಳ್ಳಗಳಿಗೆ ಬ್ರಿಜ್‌ಗಳನ್ನು ಕಟ್ಟಿ 30 ರಿಂದ 40 ವರ್ಷಗಳಾಗಿವೆ. ಹೆಚ್ಚಿನವು ಕಲ್ಲಿನಿಂದ ನಿರ್ಮಾಣ ಮಾಡಿದವುಗಳಾಗಿವೆ. ಆದರೆ, ಭಾರಿ ವಾಹನ ಓಡಾಟಕ್ಕೆ ಕಲ್ಲುಗಳು ಕಿತ್ತು ಭೀಳುತ್ತಿವೆ. ಭಾರಿ ವಾಹನ ಓಡಾಡಿದರೆ ನಡುಗುತ್ತಿವೆ. ಸೇತುವೆಗಳ ನಡುವೆ ಹೊಂಡ ಬೀಳುತ್ತಿದೆ. ಯಾವುದಾದರೂ ಸೇತುವೆಗಳು ಕುಸಿದು ಬಿದ್ದು, ಈ ಹೆದ್ದಾರಿಯಲ್ಲಿ ವಾಹನ ಓಡಾಟ ಬಂದಾದರೆ ಹತ್ತಾರು ಹಳ್ಳಿಗಳಿಗೆ ಸಮಸ್ಯೆಯಾಗುವುದು ಮಾತ್ರವಲ್ಲದೇ ಕೈಗಾಕ್ಕೆ ಇಂಧನ ಪೂರೈಕೆಯೂ ಸ್ಥಗಿತವಾಗಲಿದೆ.

ಇದೇ ಹೆದ್ದಾರಿ ಬಳಕೆ:

ಕಾರವಾರದಿಂದ ಕೈಗಾಕ್ಕೆ ಸದಾಶಿವಗಡ-ಕದ್ರಾ ಮೂಲಕ ಒಂದು ರಸ್ತೆ ಇದ್ದರೆ ಕಿನ್ನರ, ಕೆರವಡಿ-ಮಲ್ಲಾಪುರ ಮೂಲಕ ಎರಡನೇ ರಸ್ತೆ ಇದೆ. ಬಸ್, ಕಾರು ಮುಂತಾದ ವಾಹನಗಳು ಸದಾಶಿವಗಡ ಮೂಲಕ ಓಡಾಡುತ್ತವೆ. ಆದರೆ, ಕೈಗಾಕ್ಕೆ ತೆರಳುವ ಇಂಧನ, ಜನರೇಟರ್, ನಿರ್ಮಾಣ ಸಾಮಗ್ರಿಗಳು ಮುಂತಾದ ಭಾರಿ ವಾಹನಗಳು ಕೆರವಡಿ ಮಾರ್ಗವಾಗಿಯೇ ತೆರಳುತ್ತವೆ.

ಕಾರವಾರ-ಸದಾಶಿವಗಡ-ಕದ್ರಾ ರಸ್ತೆಯಲ್ಲಿ ಕಾಳಿ ನದಿಗೆ ನಿರ್ಮಾಣವಾದ ಎರಡು ದೊಡ್ಡ ಸೇತುವೆಗಳು ಅಽಕ ಭಾರತ ವಾಹನ ತಡೆದುಕೊಳ್ಳುವುದಿಲ್ಲ ಎಂಬ ಕಾರಣಕ್ಕೆ ಕೈಗಾದ ಭಾರಿ ವಾಹನಗಳಿಗೆ ಪರ್ಯಾಯ ರಸ್ತೆಯನ್ನು ಸೂಚಿಸಲಾಗಿದೆ. ಆದರೆ, ಈ ಹೆದ್ದಾರಿಯ ಸೇತುವೆಗಳೂ ಶಿಥಿಲವಾಗಿದ್ದು ಆತಂಕಕ್ಕೆ ಕಾರಣವಾಗಿದೆ.

ಕೈಗಾ ಐದು ಮತ್ತು 6 ನೇ ಘಟಕದ ನಿರ್ಮಾಣ ಕಾಮಗಾರಿ ನಡೆದೆ. ಅದಕ್ಕೆ ವಿವಿಧ ಸಾಮಗ್ರಿಗಳ ಪೂರೈಕೆಗೆ ಅಽಕ ಭಾರತ ವಾಹನಗಳ ಓಡಾಟ ನಿರಂತರವಾಗಿದೆ. ಜೊಯಿಡಾ-ರಾಮನಗರದಿಂದ ಜಲ್ಲಿ ಹಾಗೂ ಕಲ್ಲಿನ ಪುಡಿ ತುಂಬಿಕೊAಡು ಬರುವ ಟಿಪ್ಪರ್‌ಗಳು ಕದ್ರಾದಿಂದಲೇ ತೆರಳಲು ಅವಕಾಶವಿದ್ದರೂ ಅಲ್ಲಿ ಹೋಗದೇ-ಕಾರವಾರ-ಕೆರವಡಿ-ಮಲ್ಲಾಪುರ ಮಾರ್ಗವಾಗಿ ಸುಮಾರು 100 ಕಿಮೀ ಸುತ್ತಿ ಕೈಗಾ ತಲುಪುತ್ತಿವೆ. ಕೆಲ ದಿನಗಳ ಹಿಂದೆ ಚಿತ್ತಾಕುಲಾ, ಕಾರವಾರದಲ್ಲಿ ಭಾರದ ಟಿಪ್ಪರ್‌ಗಳನ್ನು ಹಿಡಿದು ನಿಲ್ಲಿಸಲಾಗಿತ್ತಾದರೂ ನಂತರ ಯಾವುದೇ ಕ್ರಮವಿಲ್ಲದೇ ಬಿಟ್ಟಿರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.

ಕಾರವಾರ-ಕೈಗಾ-ಯಲ್ಲಾಪುರ-ಮುಂಡಗೋಡ-ಬAಕಾಪುರ-ಸವಣೂರು-ಗಜೇAದ್ರಗಡ-ಹನುಮಸಾಗರ-ಇಳಕಲ್ ರಾಜ್ಯ ಹೆದ್ದಾರಿ-6 ಒಟ್ಟು 332 ಕಿಮೀ ಉದ್ದವಿದೆ. ಅದನ್ನು ಮೇಲ್ದರ್ಜೆಗೇರಿಸಿ ರಾಷ್ಟಿçÃಯ ಹೆದ್ದಾರಿಯಾಗಿ ಮಾಡುವ ಬಗ್ಗೆ ಪ್ರಸ್ತಾವನೆ ಹಲವು ವರ್ಷಗಳ ಹಿಂದೆಯೇ ಕೇಂದ್ರ ಹೆದ್ದಾರಿ ಇಲಾಖೆಗೆ ಸಲ್ಲಿಕೆಯಾಗಿತ್ತು. ಒಮ್ಮೆ ಸರ್ವೇಯೂ ನಡೆದಿತ್ತು. ಆದರೆ, ಕೇಂದ್ರ ಸರ್ಕಾರ ಪ್ರಸ್ತಾವನೆಯನ್ನು ತಿರಸ್ಕರಿಸಿದೆ ಎಂಬ ಮಾಹಿತಿ ಇದೆ.

ಕಾರವಾರ-ಕೈಗಾ ರಸ್ತೆ ಸಂಪೂರ್ಣ ಹದಗೆಟ್ಟಿತ್ತು. ಜನರ ಓಡಾಟಕ್ಕೆ ಸಮಸ್ಯೆಯಾಗಿದೆ ಎಂದು ಒಂದೇ ರಸ್ತೆಗೆ 40 ಕೋಟಿ ರೂ. ವ್ಯಯಿಸಿ ರಸ್ತೆ ದುರಸ್ತಿ ಮಾಡಿಸುತ್ತಿದ್ದೇನೆ. ಈ ರಸ್ತೆ ಗರಿಷ್ಠ 28 ಟನ್ ಭಾರ ತಡೆದುಕೊಳ್ಳುವಂತಿದೆ. ಆದರೆ, 50 ರಿಂದ 60 ಟನ್ ಭಾರತ ಲಾರಿಗಳು ಓಡಾಟ ನಡೆಸಿವೆ. ಇದರಿಂದ ರಸ್ತೆ ಕೆಲವೇ ದಿನದಲ್ಲಿ ಕಿತ್ತು ಗೋಗುತ್ತವೆ. ಸೇತುವೆಗೂ ಅಪಾಯವಿದೆ. ಇದರಿಂದ ನೀವೇ ರಸ್ತೆ ಮಾಡಿಕೊಳ್ಳಿ ಎಂದು ಎನ್‌ಪಿಸಿಐಎಲ್ ಅಽಕಾರಿಗಳಿಗೆ ಹೇಳಿದ್ದೇನೆ. ಅಲ್ಲದೇ, ವೇ ಬ್ರಿಜ್, ಬ್ಯಾರಿಕೇಡ್ ಅಳವಡಿಸಿ ಅಽಕ ಭಾರದ ವಾಹನ ತಡೆಯುವಂತೆ ಪೊಲೀಸ್, ಪಿಡಬ್ಲುಡಿ ಅಽಕಾರಿಗಳಿಗೆ ಸೂಚಿಸಿದ್ದೇನೆ ಎಂದು ಶಾಸಕ ಸತೀಶ ಸೈಲ್ ಹೇಳಿದ್ದಾರೆ.

"