ಉತ್ತರ ಕನ್ನಡ

15 ಲಕ್ಷ ಅಕ್ರಮ ಪಿಂಚಣಿಗಳು ಸ್ಥಗಿತ

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ಸುಭಾಸ ಹೆಗಡೆ ಧೂಪದಹೊಂಡ
Published on: 

ಪ್ರಮುಖ ಮುಖ್ಯಾಂಶಗಳು

  • ಇಂದಿರಾ ವೃದ್ಧಾಪ್ಯ ವೇತನದ ಒಟ್ಟು ಫಲಾನುಭವಿಗಳು -21.87 ಲಕ್ಷ
  • ಇಂದಿರಾ ವೃದ್ಧಾಪ್ಯ ವೇತನದ ಅನುಮಾನಾಸ್ಪದ ಫಲಾನುಭವಿಗಳ- 9.04 ಲಕ್ಷ
  • ಸಂಧ್ಯಾ ಸುರಕ್ಷಾ ಫಲಾನುಭವಿಗಳು- 31.33 ಲಕ್ಷ
  • ಸಂಧ್ಯಾ ಸುರಕ್ಷಾ ಅನುಮಾನಾಸ್ಪದ ಫಲಾನುಭವಿಗಳು-14.15 ಲಕ್ಷ
ಸುಭಾಸ ಧೂಪದಹೊಂಡ, ಕಾರವಾರ
ರಾಜ್ಯದಲ್ಲಿ ಮಾಸಾಶನಗಳು ಎರಡು ತಿಂಗಳಿಂದ ಬಿಡುಗಡೆಯಾಗಿಲ್ಲ ಎಂದು ಬೊಬ್ಬೆ ಬಿದ್ದಿದೆ. ಆದರೆ, ವಾಸ್ತವದಲ್ಲಿ 15 ಲಕ್ಷಕ್ಕಿಂತ ಹೆಚ್ಚಿನ ಪಿಂಚಣಿದಾರರು ಅಕ್ರಮವಾಗಿ ಹಣ ಪಡೆಯುತ್ತಿದ್ದಾರೆ ಎಂಬುದು ಪರಿಶೀಲನೆಯಲ್ಲಿ ಖಚಿತವಾಗಿದ್ದು, ಸರ್ಕಾರ ಅವರಿಗೆ ಮಾಶಾಸನ ಹಣ ಜಮಾ ಮಾಡುವುದನ್ನು ಸ್ಥಗಿತ ಮಾಡಿದೆ.!!
ಮಾಸಾಶನ ಪಡೆಯಲು ಸರ್ಕಾರ ನಿಗದಿ ಮಾಡಿದ ಅರ್ಹತೆಗಳನ್ನು ಮೀರಿದ 23 ಲಕ್ಷ ಪಿಂಚಣಿದಾರರನ್ನು ಅನುಮಾನಾಸ್ಪದ ಎಂದು 2025ರ ಜೀನ್‌ನಲ್ಲಿಯೇ ಗುರುತಿಸಲಾಗಿತ್ತು. ಈ ವರ್ಷ ಮಾರ್ಚ್ನಿಂದ ಅವುಗಳ ಪರಿಶೀಲನಾ ಕಾರ್ಯ ನಡೆದಿತ್ತು. ಪಿಂಚಣಿ ನಿರ್ದೇಶನಾಲಯ ಒದಗಿಸಿದ ಪಟ್ಟಿಯಂತೆ ಗ್ರಾಮ ಆಡಳಿತ ಅಽಕಾರಿಗಳು ಫಲಾನುಭವಿಗಳ ಮನೆಗಳಿಗೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ.
ಮಾರ್ಚ್ 27 ರ ವರದಿಯಂತೆ ಬಾಗಲಕೋಟೆ, ಬಳ್ಳಾರಿ, ಕೋಲಾರ, ದಾವಣಗೆರೆ, ಗದಗ ಸೇರಿ ನಾಲ್ಕು ಜಿಲ್ಲೆಯಲ್ಲಿ ಶೇ. 100 ರಷ್ಟು ಪರಿಶೀಲನಾ ಕಾರ್ಯ ಪೂರ್ಣಗೊಂಡಿದೆ. ಉಳಿದ 17 ಜಿಲ್ಲೆಗಳಲ್ಲಿ ಶೇ.90 ರಷ್ಟು, ರಾಜ್ಯದಲ್ಲಿ ಶೇ. 84.87 ರಷ್ಟು(19.62 ಲಕ್ಷ) ಪರಿಶೀಲನಾ ಕಾರ್ಯ ಪೂರ್ಣಗೊಂಡಿದೆ. ಅದರಲ್ಲಿ 15,75,911 ಪಿಂಚಣಿಗಳು ಅಕ್ರಮ ಎಂದು ಪರಿಗಣಿಸಿ ಅವುಗಳನ್ನು ಸ್ಥಗಿತ ಮಾಡಲಾಗಿದೆ. ಎಂದರೆ ಪಿಂಚಣಿ ನಿರ್ದೇಶನಾಲಯ ಅನುಮಾನಾಸ್ಪದ ಎಂದು ಪಟ್ಟಿ ಮಾಡಿದ ಮಾಸಾಶನಗಳಲ್ಲಿ ಶೇ.68 ರಷ್ಟು ಅಕ್ರವಾಗಿರುವುದು ಖಚಿತವಾಗಿದೆ. 23 ಲಕ್ಷದಲ್ಲಿ ನಿಯಮಾವಳಿಯಂತೆ ಇರುವ 3.86 ಲಕ್ಷ ಪಿಂಚಣಿಗಳನ್ನು ಮುಂದುವರಿಸಲಾಗಿದೆ.

ಅಕ್ರಮ ಹೇಗೆ..?

ಪ್ರಮುಖವಾಗಿ 9 ವಿಧದ ಸಾಮಾಜಿಕ ಭದ್ರತಾ ಯೋಜನೆಗಳಿವೆ. ಅವುಗಳಲ್ಲಿ ಮುಖ್ಯವಾಗಿ ಇಂದಿರಾ ವೃದ್ಧಾಪ್ಯ ವೇತನ ಹಾಗೂ ಸಂಧ್ಯಾ ಸುರಕ್ಷಾ ಫಲಾನುಭವಿಗಳು ಹೆಚ್ಚಿದ್ದು, ಅಲ್ಲೇ ಹೆಚ್ಚು ಅಕ್ರಮ ಫಲಾನುಭವಿಗಳೂ ಇರುವುದು ವಿಎಗಳ ಮನೆ ಭೇಟಿಯಲ್ಲಿ ಖಚಿತವಾಗಿದೆ.
ಸಂಧ್ಯಾ ಸುರಕ್ಷಾ ಹಾಗೂ ಇಂದಿರಾ ಗಾಂಽ ರಾಷ್ಟಿçÃಯ ವೃದ್ಧಾಪ್ಯ ವೇತನ ಯೋಜನೆಗೆ ಕನಿಷ್ಠ 65 ವರ್ಷ ವಯಸ್ಸಾಗಿರಬೇಕು ಎಂಬ ನಿಬಂಧನೆ ಇದೆ. ಆದರೆ, ಆಧಾರ ಕಾರ್ಡ್ನಲ್ಲಿ 40, 35 ವರ್ಷ ಇದ್ದವರಿಗೂ ವೃದ್ಧಾಪ್ಯ ವೇತನ ಹೋಗುತ್ತಿತ್ತು. ಸಂಧ್ಯಾ ಸುರಕ್ಷಾಕ್ಕೆ ಬಿಪಿಎಲ್ ಕಾರ್ಡ್ದಾರರಾಗಿರಬೇಕು. ಪತಿ, ಪತ್ನಿಯ ಇಬ್ಬರ ವಾರ್ಷಿಕ ಆದಾಯ 20 ಸಾವಿರ ದಾಟಬಾರದು. 10 ಸಾವಿರ ಮೇಲ್ಪಟ್ಟು ಠೇವಣಿ ಇರಬಾರದು. ಗಂಡು ಮಕ್ಕಳಿದ್ದರೂ ಪಾಲಕರನ್ನು ನೋಡಿಕೊಳ್ಳುತ್ತಿರಬಾರದು ಎಂಬ ನಿಯಮಗಳಿವೆ. ಆದರೆ, ಅದನ್ನು ಮೀರಿ ಸರ್ಕಾರಿ ನೌಕರರ ಪಾಲಕರು, ಆದಾಯ ತೆರಿಗೆ ಪಾವತಿದಾರರ ಪಾಲಕರು ವೃದ್ಧಾಪ್ಯ ವೇತನ ಪಡೆಯುತ್ತಿರುವುದು ಬೆಳಕಿಗೆ ಬಂದಿದೆ ಎಂದು ಅಽಕಾರಿಗಳು ತಿಳಿಸಿದ್ದಾರೆ.
ಜಿಲ್ಲಾವಾರು ಸ್ಥಗಿತವಾದ ಪಿಂಚಣಿಗಳು

ಜಿಲ್ಲೆ ಸ್ಥಗಿತವಾದ ಪಿಂಚಣಿಗಳು

  1. ಬಾಗಲಕೋಟೆ 24313
  2. ಬಳ್ಳಾರಿ 24292
  3. ಕೋಲಾರ 90995
  4. ದಾವಣಗೆರೆ 95293
  5. ಗದಗ 13536
  6. ಶಿವಮೊಗ್ಗ 49622
  7. ವಿಜಯಪುರ 84153
  8. ಚಿತ್ರದುರ್ಗ 57466
  9. ಹಾವೇರಿ 41955
  10. ವಿಜಯನಗರ 31305
  11. ಧಾರವಾಡ 42925
  12. ಕೊಪ್ಪಳ 39887
  13. ಉತ್ತರ ಕನ್ನಡ 21488
  14. ರಾಯಚೂರು 90143
  15. ಕೊಡಗು 13636
  16. ಮಂಡ್ಯ 57808
  17. ದಕ್ಷಿಣ ಕನ್ನಡ 43350
  18. ಮೈಸೂರು 105679
  19. ಚಿಕ್ಕಬಳ್ಳಾಪುರ 25480
  20. ಉಡುಪಿ 15086
  21. ಬೆಂಗಳೂರು ಗ್ರಾಮೀಣ 22564
  22. ತುಮಕೂರು 57552
  23. ಬೆಳಗಾವಿ 131833
  24. ಬೆಂಗಳೂರು ದಕ್ಷಿಣ 33501
  25. ಚಿಕ್ಕಮಗಳೂರು 51757
  26. ಹಾಸನ 42281
  27. ಕಲಬುರಗಿ 82375
  28. ಯಾದಗಿರಿ 44299
  29. ಚಾಮರಾಜನರಗ 28871
  30. ಬೀದರ್ 59701
  31. ಬೆಂಗಳೂರು ನಗರ 52765
.........
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net