ಬಿಎಂಟಿಸಿ ಪಾಸ್​ದಾರರಿಗೆ ಗುಡ್ ನ್ಯೂಸ್! ಏಪ್ರಿಲ್​ ಪಾಸ್​ ಈಗ ಬಳಸಿ!

ಬೆಂಗಳೂರು : ಏಪ್ರಿಲ್​ ತಿಂಗಳಲ್ಲಿ ಬಿಎಂಟಿಸಿಯ ಮಾಸಿಕ ಬಸ್​ ಪಾಸ್ ಪಡೆದಿದ್ದು, ನೌಕರರ ಮುಷ್ಕರದಿಂದಾಗಿ ಮತ್ತು ನಂತರದ ಲಾಕ್​ಡೌನ್​ನಿಂದಾಗಿ ಬಳಸಲಾಗಿಲ್ಲ ಎಂದರೆ ಚಿಂತೆ ಬೇಡ. ನಾಳೆಯಿಂದ ಪುನರಾರಂಭಗೊಳ್ಳುತ್ತಿರುವ ಸಿಟಿ ಬಸ್​ ಸೇವೆಯಲ್ಲಿ ಈ ಪಾಸ್​ಗಳನ್ನು ಈಗಲೂ ಬಳಸಬಹುದಾಗಿದೆ.

ಹೌದು! ಏಪ್ರಿಲ್​ ತಿಂಗಳಲ್ಲಿ ಪಡೆದ ಮಾಸಿಕ ಪಾಸ್​ಗಳ ಮಾನ್ಯತಾ ಅವಧಿಯನ್ನು ಜುಲೈ 8 ರವರೆಗೆ ವಿಸ್ತರಿಸಿ ಬಿಎಂಟಿಸಿ ಆದೇಶ ಹೊರಡಿಸಿದೆ. ಏಪ್ರಿಲ್​ನಲ್ಲಿ ನೀಡಲಾಗಿರುವ ಸಾಮಾನ್ಯ ಮಾಸಿಕ ಪಾಸ್ ಮತ್ತು ಹಿರಿಯ ನಾಗರೀಕರ ಮಾಸಿಕ ಪಾಸ್​ಗಳಿಗೆ ಈ ಸೌಲಭ್ಯ ಒದಗಿಸಲಾಗಿದೆ.

ಇದನ್ನೂ ಓದಿ: ಪಾಟ್ನದಿಂದ ಲೂಧಿಯಾನಕ್ಕೆ ಗಂಡನನ್ನು ಅರಸಿ ಬಂದ ಯುವತಿ! ಅಪೂರ್ಣ ಮೊಬೈಲ್ ಸಂಖ್ಯೆ ಹಿಡಿದು ಹುಡುಕಾಟ!

ಏಪ್ರಿಲ್​ 7 ರಿಂದ 21 ರವರೆಗೆ ಬಸ್​ ಚಾಲಕರ ಮುಷ್ಕರದಿಂದಾಗಿ ಬಸ್​ ಸೇವೆ ವ್ಯತ್ಯಯಗೊಂಡಿತ್ತು. ಅದಕ್ಕಾಗಿ ಏಪ್ರಿಲ್​ ಪಾಸ್​ಗಳ ಅವಧಿಯನ್ನು ಮೇ 16 ರವರೆಗೆ ಈ ಮುನ್ನ ವಿಸ್ತರಿಸಲಾಗಿತ್ತು. ಆದರೆ ಏಪ್ರಿಲ್ 28 ರಿಂದ ಜೂನ್ 20 ರವರೆಗೆ ಕೋವಿಡ್​ ನಿರ್ಬಂಧಗಳಿಂದಾಗಿ ಸಾರಿಗೆ ಸೇವೆ ಸ್ಥಗಿತಗೊಂಡಿದ್ದರಿಂದ, ಈಗ ಮತ್ತೆ ಪಾಸ್​ಗಳ ಅವಧಿಯನ್ನು ಜುಲೈ 8 ರವರೆಗೂ ವಿಸ್ತರಿಸಲಾಗಿದೆ ಎಂದು ಬಿಎಂಟಿಸಿಯ ಮುಖ್ಯ ಸಂಚಾರ ವ್ಯವಸ್ಥಾಪಕರು ಇಂದಿನ ಆದೇಶದಲ್ಲಿ ತಿಳಿಸಿದ್ದಾರೆ.

https://www.vijayavani.net/money-looted-using-matrimonial-website/

https://www.vijayavani.net/when-will-schools-reopen-what-does-government-say/