ಬಹುತೇಕ ಗ್ರಾಮಗಳ ಅಂಚಿನಲ್ಲಿರುವ ಬೆಟ್ಟಗಳಿಗೆ ಬೆಂಕಿ ಬೀಳಲು ಹಲವು ಕಾರಣಗಳಿವೆ. ಕುರಿ ಮತ್ತು ಮೇಕೆ ಜಾನುವಾರುಗಳಿಗಾಗಿ ಬೆಟ್ಟದಲ್ಲಿರುವ ಹುಲ್ಲು ಹೊಸದಾಗಿ ಚಿಗುರಲಿ ಎಂಬುದು, ಮತ್ತೊಂದು ಪುಂಡ ಪೋಕರಿಗಳು ಹುಚ್ಚಾಟಕ್ಕೆ ಬೆಂಕಿ ಹಚ್ಚುವುದು ನಡೆಯುತ್ತದೆ. ಕಾಡಿಗೆ ಬೆಂಕಿ ಬೀಳುತ್ತಿರುವ ಬಗ್ಗೆ ಅರಣ್ಯ ಇಲಾಖೆ, ಗ್ರಾಮ ಪಂಚಾಯಿತಿಗಳಿಂದ ಗ್ರಾಮೀಣ ಜನರಲ್ಲಿ ಅರಿವು ಮೂಡಿಸುತ್ತಿದ್ದರೂ ಬೆಟ್ಟಗಳಿಗೆ ಬೆಂಕಿ ಬೀಳುತ್ತಿರುವ ಘಟನೆಗಳು ಸಂಭವಿಸುತ್ತಲೇ ಇದೆ.ಆಗಿಂದಾಗ್ಗೆ ನಡೆಯುತ್ತಲೇ ಇವೆ. ಜನ, ಅಧಿಕಾರಿಗಳ ನಿರ್ಲಕ್ಷ್ಯ, ಕಿಡಿಗೇಡಿಗಳ ಹುಚ್ಚಾಟವೂ ಬೆಂಕಿ ಅವಘಡಗಳಿಗೆ ಕಾರಣವಾಗುತ್ತಿದೆ. ಆದ್ದರಿಂದ ಪ್ರತಿಯೊಬ್ಬರೂ ಬೆಂಕಿಯಿಂದಾಗುವ ದುಷ್ಪರಿಣಾಮಗಳ ಬಗ್ಗೆ ಅರಿತಾಗ ಮಾತ್ರ ಇಂಥ ಅವಘಡ ತಪ್ಪಿಸಲು ಸಾಧ್ಯ.
