ಜು. 14ರಂದು ಸಭೆ ಸೇರಿದ್ದ ಜಿಲ್ಲಾ ವಾಣಿಜ್ಯೋದ್ಯಮ ಸಂಸ್ಥೆಯ ಪದಾಧಿಕಾರಿಗಳು ವಿವಿಧ ವ್ಯಾಪಾರಿ ಹಾಗೂ ಆಟೋ, ಟೆಂಪೋ, ಮದ್ಯ ಮಾರಾಟಗಾರ ಸಂಘಟನೆಯವರನ್ನು ಜು. 15ರಿಂದ ನಗರದಲ್ಲಿ ಮಧ್ಯಾಹ್ನ 2ರ ನಂತರ ಸ್ವಯಂ ಆಗಿ ಲಾಕ್ಡೌನ್ ಮಾಡಿಕೊಳ್ಳಲು ತೀರ್ವನಿಸಿ ಪತ್ರಿಕಾ ಪ್ರಕಟಣೆ ಹೊರಡಿಸಿದ್ದರು. ಅಲ್ಲದೆ, ಜು. 15ರಂದು ಪೊಲೀಸರು ಹಾಗೂ ತಹಸೀಲ್ದಾರರೊಂದಿಗೆ ಸಭೆ ನಡೆಸಿ ಬೆಂಬಲ ಕೋರಿದ್ದರು. ಮೊದಲ ದಿನ ಜು. 15ರಂದು ಸ್ವಯಂ ಲಾಕ್ಡೌನ್ ಸಭೆಯ ನೆಪದಲ್ಲಿ ವಿಫಲವಾಗಿತ್ತು. ಗುರುವಾರದಿಂದ ಕಟ್ಟುನಿಟ್ಟಾಗಿ ಪಾಲಿಸಲು ಎಲ್ಲರೂ ಸೂಚಿಸಿದ್ದರು. ಆದರೆ, ಗುರುವಾರವೂ ಸ್ವಯಂ ಲಾಕ್ಡೌನ್ಗೆ ಬಹುತೇಕ ವ್ಯಾಪಾರಸ್ಥರಿಂದ ಸ್ಪಂದನೆ ದೊರೆಯಲಿಲ್ಲ. ಪೊಲೀಸ್ ಇಲಾಖೆ ಮಧ್ಯಾಹ್ನ 1ಕ್ಕೆ ಧ್ವನಿವರ್ಧಕದ ಮೂಲಕ ಮಧ್ಯಾಹ್ನ 2ರಿಂದ ಸ್ವಯಂ ಲಾಕ್ಡೌನ್ ಪಾಲಿಸುವಂತೆ ನಗರದಲ್ಲಿ ಒಂದು ಸುತ್ತು ಹಾಕಿ ಮಾಹಿತಿ ನೀಡಿದರು. ಆದರೂ ಬಹುತೇಕ ವ್ಯಾಪಾರಸ್ಥರು ಅಂಗಡಿಗಳನ್ನು ಬಂದ್ ಮಾಡಲಿಲ್ಲ.
