ಅಂಗವಿಲಕ ಸೈಯದ್ ಹಾಗು ಬಾಲನ್ ಅವರ ಮನೆಯ ಪಕ್ಕದಲ್ಲಿ ಬರೆ ಕುಸಿಯುವ ಹಂತದಲ್ಲಿದೆ. ಎರಡು ಕುಟುಂಬಗಳು ಕೂಲಿ ಮಾಡಿ ಬದುಕು ಕಟ್ಟಿಕೊಳ್ಳಬೇಕು. ಮಳೆಗಾಲದಲ್ಲಿ ನೆಮ್ಮದಿಯಿಂದ ನಿದ್ದೆ ಮಾಡಲು ಸಾಧ್ಯವಾಗುತ್ತಿಲ್ಲ. ಹಸನಬ್ಬ ಅವರ ಮನೆಯಿಂದ ಅಂಗನವಾಡಿ ತನಕ ರಸ್ತೆ ಕಾಮಗಾರಿಯಾಗಬೇಕು. ಅಯ್ಯಪ್ಪ ಕಾಲನಿಯಲ್ಲಿ 128 ಕುಟುಂಬಗಳು ವಾಸಿಸುತ್ತಿದ್ದು, 520ರಷ್ಟು ಜನಸಂಖ್ಯೆಯಿದೆ. ಕೂಲಿ ಕಾರ್ಮಿಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಸರ್ಕಾರದ ಸೌಲಭ್ಯಗಳನ್ನು ಪಡೆದುಕೊಳ್ಳುವಲ್ಲಿ ಹಿಂದುಳಿದಿದ್ದಾರೆ. ಚುನಾವಣೆ ಸಂದರ್ಭ ಮಾತ್ರ ರಾಜಕೀಯ ಮುಖಂಡರು ಕಾಲನಿಯಲ್ಲಿ ಕಾಣಿಸಿಕೊಳ್ಳುತ್ತಾರೆ. ಭರವಸೆಗಳನ್ನು ಕೊಟ್ಟು, ಮತ ಪಡೆದು ನಾಪತ್ತೆಯಾಗುತ್ತಾರೆ ಎಂದು ನಿವಾಸಿಗಳು ದೂರಿದ್ದಾರೆ.
