ಮತ್ತೆರಡು ಅಂಡರ್​ ಪಾಸ್​, ಒಂದು ಮೇಲ್ಸೇತುವೆ

ತುಮಕೂರು: ಜಿಲ್ಲೆಯಲ್ಲಿ ಮತ್ತೆರಡು ರೈಲ್ವೆ ಅಂಡರ್​ ಪಾಸ್​ ಮತ್ತು ರೈಲ್ವೆ ಮೇಲ್ಸೇತುವೆಯನ್ನು ರೈಲ್ವೆ ಇಲಾಖೆ ಮಂಜೂರು ಮಾಡಿದೆ. ಒಟ್ಟು 60 ಕೋಟಿ ರೂ., ವೆಚ್ಚದ ಕಾಮಗಾರಿಗಳು ಜಿಲ್ಲೆಗೆ ಮಂಜೂರು ಮಾಡಿಸಲಾಗಿದೆ ಎಂದು ಕೇಂದ್ರ ರೈಲ್ವೆ ಮತ್ತು ಜಲಶಕ್ತಿ ರಾಜ್ಯ ಸಚಿವ ವಿ.ಸೋಮಣ್ಣ ತಿಳಿಸಿದ್ದಾರೆ.

ಗುಬ್ಬಿ ತಾಲೂಕು ಕಳ್ಳೀಪಾಳ್ಯ ರೋಡ್​& ಅಂಡರ್​ ಪಾಸ್​ (ಎಲ್​ಸಿ 48) 13.44 ಕೋಟಿ ರೂ.,, ಬೆಂಚಗೆರೆ ಗೇಟ್​ & ರೈಲ್ವೇ ಮೇಲ್ಸೇತುವೆ (ಎಲ್​ಸಿ 56) 36.62 ಕೋ. ರೂ., ಹಾಗೂ ಬಂಡಿಹಳ್ಳಿ ರೋಡ್​ ಗೇಟ್​ & ಅಂಡರ್​ ಪಾಸ್​ (ಎಲ್​ಸಿ 60) 10.01 ಕೋ ರೂ., ಮೊತ್ತದ್ದಾಗಿದೆ. ಈ ಕಾಮಗಾರಿಯ ಸಂಪೂರ್ಣ ವೆಚ್ಚವನ್ನು ರೇಲ್ವೇ ಇಲಾಖೆ ಭರಿಸಲಿದೆ.

5 ಆರ್​ಒಬಿ: ಈಗಾಗಲೇ 350 ಕೋಟಿ ರೂ., ವೆಚ್ಚದಲ್ಲಿ ರೈಲ್ವೆ ಮೇಲ್ಸೇತುವೆಯನ್ನು ರೈಲ್ವೆ ಇಲಾಖೆಯಿಂದ ಮಂಜೂರು ಮಾಡಿದೆ. ನಗರದ ಬಟವಾಡಿ, ಬಡ್ಡಿಹಳ್ಳಿ , ಮೈದಾನ, ಅರೆಯೂರಿನ ಮಲ್ಲಸಂದ್ರ ಗೇಟ್​ ಹಾಗೂ ನಿಟ್ಟೂರು ರೈಲ್ವೆ ನಿಲ್ದಾಣದ ಬಳಿ ತುಮಕೂರು&ಮೈಸೂರು ರಸ್ತೆಯಲ್ಲಿ ರೈಲ್ವೆ ಮೇಲ್ಸೇತುವೆ ನಿರ್ಮಾಣ ಕಾಮಗಾರಿ ಮಂಜೂರು ಮಾಡಲಾಗಿದೆ. ಇತ್ತೀಚೆಗೆ ಸ್ಥಳಕ್ಕೆ ರೈಲ್ವೆ ಇಲಾಖೆಯ ಹಿರಿಯ ಅಧಿಕಾರಿಗಳು, ರಾಜ್ಯ ಸರ್ಕಾರದ ಅಧಿಕಾರಿಗಳೊಂದಿಗೆ ಭೇಟಿ ಮಾಡಿ ಸಚಿವ ಸೋಮಣ್ಣ ಪರಿಶೀಲಿಸಿದ್ದರು. ಅಲ್ಲದೆ, ಈ ಕಾಮಗಾರಿ ಪ್ರಾರಂಭಿಸಲು ಶೀಘ್ರವಾಗಿ ಸೂಕ್ತ ಕ್ರಮನ್ನು ತೆಗೆದುಕೊಳ್ಳುವಂತೆ ನಿರ್ದೇಶನ ನೀಡಿದ್ದರು.

ಕೇವಲ 3 ತಿಂಗಳ ಅವಧಿಯಲ್ಲಿ ತುಮಕೂರು ಜಿಲ್ಲೆಗೆ 410 ಕೋಟಿ ರೂ., ಮೊತ್ತದ ಒಟ್ಟು 8 ಕಾಮಗಾರಿಗಳಿಗೆ ( 6 ಆರ್​ ಒಬಿ, 2 ಆರ್​ಯುಬಿ) ರೈಲ್ವೆ ಇಲಾಖೆ ನೀಡಲಾಗಿದೆ ಎಂದು ಕೇಂದ್ರ ರೈಲ್ವೆ ರಾಜ್ಯ ಸಚಿವ ವಿ.ಸೋಮಣ್ಣ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.