ಅಪಘಾತದಲ್ಲಿ ಇಬ್ಬರು ಸಾವು

ಕನಕಪುರ: ತಾಲೂಕಿನ ಹೊನ್ನಗನಹಳ್ಳಿ ಆಟೋ ಹಾಗೂ ಗೂಡ್ಸ್​ ವಾಹನದ ನಡುವೆ ಅಪಘಾತ ಸಂಭವಿಸಿ, ಆಟೋದಲ್ಲಿದ್ದ ಇಬ್ಬರು ಸ್ಥಳದಲ್ಲಿಯೇ ಮೃತಪಟ್ಟರೆ, ಮತ್ತಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಕಲಬುರಗಿ ಜಿಲ್ಲೆ ಆಳಂದದ ಶಿವಲಿಂಗ(19), ಬನಶಂಕರಿ ಪ್ರಜ್ವಲ್​ (18) ಮೃತರು. ಗಾಯಗೊಂಡವರನ್ನು ಸೀನಾ ಮತ್ತು ದರ್ಶನ್​ ಎಂದು ಗುರುತಿಸಲಾಗಿದೆ.

ಎಲ್ಲರೂ ಬೆಂಗಳೂರಿನಲ್ಲಿದ್ದರು ಎನ್ನಲಾಗಿದ್ದು, ಗುರುವಾರ ಮಳವಳ್ಳಿ ಕಡೆಯಿಂದ ಬರುವಾಗ ದುರಂತ ಸಂಭವಿಸಿದೆ. ಹಾರೋಹಳ್ಳಿ ಸಮೀಪದ ದಯಾನಂದ ಸಾಗರ ಆಸ್ಪತ್ರೆಗೆ ಗಾಯಾಳುಗಳನ್ನು ದಾಖಲಿಸಲಾಗಿದ್ದು, ಮೃತದೇಹಗಳನ್ನು ಆಸ್ಪತ್ರೆಯ ಶವಾಗಾರಕ್ಕೆ ಸಾಗಿಸಲಾಗಿದೆ. ಸಾತನೂರು ಸಬ್​ಇನ್​ಸ್ಪೆಕ್ಟರ್​ ಹರೀಶ್​ ಸ್ಥಳ ಪರಿಶೀಲಿಸಿದ್ದು, ಸಾತನೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.